१ कोरिन्‍थी 2:16 - Sunuwar Bible

¹⁶ मार ब्रेक्‍शो बाक्‍ब देंशा हना “सुमी प्रभु आ थुं नाक्‍ने नु रुम्‍ने चाप्‍बा ङा? सुमी प्रभु कली शेंने चाप्‍बा ङा?” दे ब्रेक्‍शो बाक्‍त। तन्‍न गोपुकी नु ख्रीस्‍त आ थुं बाक्‍ब। यसैया ४०:१३

१ कोरिन्‍थी 2:16 ပူးပေါင်းရင်းမြစ်များ

उत्पत्ती 1:12

रागीम घांस नु फूपुकी वाशा, आन वांचेर यो वामा बाक्‍त। फल फुल रवापुकी वाशा, आन वांचेर यो वामा बाक्‍त। मिनु परमप्रभुमी आ सेल्‍शो तशा “रिम्‍शो दुम्‍त” देंमाक्‍त।

अय्‍युब 15:8

गे परमप्रभु आ अर्ती गे‍तीकेमी बाक्‍शा नेंनी? तुइक्‍तीक इन के ला बाक्‍ब, दे मिम्‍नीनी? अय्‍युब ११:७; रोमी ११:३३

अय्‍युब 22:2

“बेक्‍शा लाइब मुरुम परमप्रभु कली मार पने चाप्‍बा ङा? शुश जोक्‍ब तुइक्‍ब मुरुम यो मेको कली मार गेय पने चाप्‍बा ङा?

अय्‍युब 40:2

“नेल्‍ल क्‍येङा सक्ति पाइश्‍शो, गो आं कली दोस गेबमी आं कली लोव़ लेत्‍चा माल्‍ब” देंमाक्‍त। यसैया ४५:९

येरमीया 23:18

तन्‍न सु परमप्रभु यावे आ लोव़ नेंचा नु रुप्‍चा कली मेको आ अर्ती गेतीकेम बाक्‍म ङा? सुम मेको आ लोव़ शेंचा कली नोफा दाइश्‍शा नेंशो बाक्‍म ङा?

यूहन्‍ना 15:15

मुल रे गो इन कली वाइल मदेंनुङ। मारदे हना वाइल आ ठेयब मुरुमी मार गेय पचशो बाक्‍मे, मेको वाइलम मतुइक्‍ब। गो चहिं इन कली आं आफ आ देंशो नेल्‍ल शेंताक्‍न्‍नी। मोपतीके इन कली वारच देंनुङ।

रोमी 11:34

मिनु “सुमी प्रभु आ थुं तुइक्‍ने चाप्‍नीमी ङा? सुमी मेको कली अर्ती गेने चाप्‍नीमी ङा?” दे ब्रेक्‍शो बाक्‍ब। १कोरिन्‍थी २:१६; येरमीया २३:१८; यसैया ४०:१३

१ कोरिन्‍थी 12:8

परमप्रभु यावे आ सोक्‍तीमी का कली जोक्‍तीक तुइक्‍तीक लोव़ पपाइक्‍ब। अर्को कली मेकोन सोक्‍तीमी शेंतीक सक्ति गेब।