१ कोरिन्‍थी 2:13 - Sunuwar Bible

¹³ मोपतीके गो शेंदकानु, मुर आन जोक्‍तीक तुइक्‍तीक लोव़म मशेंनीकी। परमप्रभु यावे आ सोक्‍तीम गेशो लोव़ पा शेंनीकी। मिनु परमप्रभु यावे आ सोक्‍तीम ब्री‍शो मुर आन कली शेंशा रुप्‍पाइक्‍नीकी।

१ कोरिन्‍थी 2:13 ပူးပေါင်းရင်းမြစ်များ

लूका 12:12

मोपा राप्‍पदमेनु, परमप्रभु यावे आ सोक्‍तीमी इन कली मार देंचा दो देंचा तुइक्‍पाइश्‍शा देंपाइक्‍ब” दे शेंदीमी बाक्‍त।

प्रेरित 2:4

मिनु परमप्रभु यावे आ सोक्‍तीमी सोइश्‍शो आन कली प्रिंशा, मेको आन कली आन मतुइश्‍शो लोव़ पपाइक्‍मी बाक्‍त। प्रेरित ४:३१; प्रेरित १०:४४-४६

१ कोरिन्‍थी 1:17

ख्रीस्‍तमी मुर आन कली ब्‍वाक्‍कुम ख्रुम्‍शा ग्रुंइतीक गेय पथ मसोइक्‍ती। आ लोव़ नेंपाइक्‍चा कली सोइक्‍ताक्‍यी। लोव़मी फू चुइश्‍शो खोदेंशो पा ममाइ। गो फू चुइश्‍शो लोव़ पाता हना, ख्रीस्‍त बेक्‍शो सक्ति क्‍याम्‍सीशा लाइब।

१ कोरिन्‍थी 14:2

परमप्रभु यावे आ सोक्‍त आ लोव़ पाइबमी मुर कली लोव़ मपाइब। तन्‍न परमप्रभु यावे कली लोव़ पाइब। सुइमी मेको आ लोव़ मरुप्‍नीम। मेकोमी परमप्रभु यावे आ सोक्‍त आ पतीकेमी ख्रुइश्‍शो लोव़ पाइब। प्रेरित २:४; प्रेरित १०:४६

१ कोरिन्‍थी 2:1

आं लोक्‍बपुकी, गो गेपुकी नु बाक्‍ङानु, परमप्रभु यावे आ लोव़ नेंपदुनु, मुर आन जोक्‍तीक तुइक्‍तीक रे नु फू चुइश्‍शो लोव़ पा मशेंदन्‍नी।

१ कोरिन्‍थी 2:14

परमप्रभु यावे कली थमा मसुइक्‍ब मुरुम परमप्रभु यावे आ सोक्‍त ङा गेय मताइनीम। मेको नेल्‍ल मेको आन कली मूर्ख गेय खोदेंशो पा रुप्‍ने मचाप्‍नीम। मारदे हना मेको सोक्‍त ङा लोव़ बाक्‍ब। यूहन्‍ना ८:४७; १कोरिन्‍थी १:२३

१ कोरिन्‍थी 2:4

मुर आन कली जोक्‍तीक तुइक्‍तीक कोंइशा, ठेयब लोव़ मपङ। तन्‍न परमप्रभु यावे आ सोक्‍तीम कोंइशो सक्ति रे पा शेंताक्‍न्‍नी। मत्ती १०:२०

१ कोरिन्‍थी 9:11

गोपुकीमी इन कली परमप्रभु यावे आ लोव़ शें‍दकानु, इन जचा तूचा थोव़क तचा, ठीक मदुम्‍बा ङा? रोमी १५:२७

एफिसी 5:19

परमप्रभु यावे आ लोव़ ङा कुम्‍सो, परमप्रभु यावे कली ठेयब सेल्‍ब कुम्‍सो नु परमप्रभु यावे आ सोक्‍तीम इन कली शेंशो कुम्‍सो पने। मोपा इन थुं बार पमुशा, प्रभु कली कुम्‍सो पना पन बाक्‍कीन। भजन संग्रह ३३:२-३; कलस्‍सी ३:१६

कलस्‍सी 3:16

ख्रीस्‍त आ लोव़ खोत ब्रेक्‍शा वोतीन। गेपुकीमी शुश तुइश्‍शा, शेंमुशा थुं बारपमुने। परमप्रभु यावे आ लोव़ ङा कुम्‍सो, परमप्रभु यावे कली “गे ठेयब बाक्‍नीनी” दे पशो कुम्‍सो नु परमप्रभु यावे आ सोक्‍तीमी इन कली शेंशो कुम्‍सोमी “गे रिम्‍शो पाइब बाक्‍नीनी” दे इन थुंमी परमप्रभु यावे कली कुम्‍सो पने। एफिसी ५:१९

१ पत्रुस 1:12

मेकोपुकीमी आन पाला ङा मुर आन कली ला लोव़ मपामे। नोले ङा मुर, इन कली यो लोव़ पा शेंदमे बाक्‍त। इन कली दोपा शेंदमे बाक्‍त देंशा हना, परमप्रभु यावेमी आ सोक्‍त स्‍वर्ग रे सोइश्‍शो बाक्‍त। मेको आ पतीकेमी शेंबपुकीमी इन कली ग्‍येरपाइक्‍ब लोव़ शेंताक्‍म। परमप्रभु यावे आ स्‍वर्ग ङा गेय पाइबपुकीम यो मेको तचा तुइक्‍चा दाक्‍नीम। एफिसी ३:१०

२ पत्रुस 1:16

गोपुकीमी इन कली इं प्रभु येसु ख्रीस्‍त आ सक्ति नु आ रागीम जाक्‍शो आ पर्बम मुर आन सेल्‍शो कथा मशेंदक। तन्‍न गोपुकीमी “येसु ख्रीस्‍त नेल्‍ल क्‍येङा ठेयब बाक्‍ब” दे आंम आंइ मिक्‍चीम ताइतक।