१ कोरिन्‍थी 16:15 - Sunuwar Bible

¹⁵ आं लोक्‍बपुकी, आकाया रागीम नेल्‍ल क्‍येङा ङोंइती थमा सुइक्‍बपुकी स्‍तीफानस नु आ खिं ङा मुर बाक्‍तेक्‍म दे तुइक्‍नीनी। मेकोपुकीमी थमा सुइक्‍ब आन कली वारच पा रिम्‍शो गेय पा शेंना शेंन गाक्‍नीम। १कोरिन्‍थी १:१६

१ कोरिन्‍थी 16:15 ပူးပေါင်းရင်းမြစ်များ

प्रेरित 18:12

आकाया रागीमी गाल्‍लीयो माइश्‍शो हुकुम पाइब बाक्‍मेनु, यहूदीपुकी खुम्‍सीशा, पावल कली ग्‍याइश्‍शा, हुकुम पाइब आ ङोंइती चाक्‍दीत्‍मे बाक्‍त।

रोमी 12:13

थमा सुइक्‍ब आन कली आन माल्‍शो गेशा, वारच पने। इन खिंमी जाक्‍ब आन कली बास गेशा थुलीन। ३यूहन्‍ना ५-८; हिब्रू १३:२

रोमी 15:25

स्‍पेन लचा ङोंइती थमा सुइक्‍ब आन कली वारच पथ यरूसलेम लाइनुङ। प्रेरित १८:२१; प्रेरित १९:२१; प्रेरित २०:२२; प्रेरित २४:१७

रोमी 15:31

मार पुनीन देंनुङ देंशा हना “पावल कली यहूदीया रागीम बाक्‍ब थमा मसुइक्‍ब आन गुइ रे प्रोनीन। मिनु यरूसलेम जाक्‍दीश्‍शा, मेकेर बाक्‍ब थमा सुइक्‍ब आन कली वारच पचा गेने।

रोमी 16:2

फिबी दिदीमी थमा सुइक्‍ब शुश आन कली वारच पाप्‍तु। आं कली यो शुश वारच पाइक्‍ती। मोपतीके फिबी दिदी कली प्रभु आ नेंमी मान पतीने। मार मार माल्‍दा, मेको गेशा वारच पतीने।

रोमी 16:5

आस खिंमी देल्‍ब थमा सुइक्‍ब नेल्‍ल आन कली यो “रिम्‍शो बाक्‍कीन” दे माइक्‍चा। आं दाक्‍शो एपेनेतस कली “रिम्‍शो बाक्‍को” दे माइक्‍चा। एपेनेतस एसीया रागी ङा नेल्‍ल क्‍येङा ङोंइती ख्रीस्‍त कली थमा सुइक्‍ब बाक्‍ब।

१ कोरिन्‍थी 1:16

स्‍तीफानस आ खिं ङा मुर आन कली ब्‍वाक्‍कुम ख्रुम्‍शा ग्रुंइताक्‍ङमी। मेको ङा लाक्‍शा, सुइ आन कली ब्‍वाक्‍कुम ख्रुम्‍शा ग्रुंइदुमी कों मग्रुंइदुमी, मारेइ मतुइक्‍नुङ। १कोरिन्‍थी १६:१५

१ कोरिन्‍थी 16:1

क्‍येट पोक्‍चा आ पर्बम गलातीया रागी ङा थमा सुइक्‍ब आन कली शेंशो इन कली यो शेंनन्‍नी। २कोरिन्‍थी ८:९; गलाती २:१०

१ कोरिन्‍थी 16:17

स्‍तीफानस, फोरटुनातस नु अकाइकस एक जाक्‍मानु, गो ग्‍येरसाक्‍यी। मेको आन कली ग्रुम्‍शा, इन कली ग्रुम्‍शो खोदेंशो पा, आं थुं नाइक्‍ताक्‍ङ।

२ कोरिन्‍थी 8:4

मेकोपुकीमी आं कली “गो यो थमा सुइक्‍ब आन कली क्‍येट पोक्‍चा दाक्‍नीकी” दे पुंइतेक्‍म। प्रेरित ११:२९

२ कोरिन्‍थी 9:1

मेको क्‍येट पोक्‍चा आ पर्बम इन कली लेंशा शेंचा ममाल्‍नुङ।

१ तिमोथी 5:10

आ तमी तौ रिम्‍शो पा कोल्‍पाइश्‍शा, मुर आन कली बास बाक्‍चा गेशा, थमा सुइक्‍ब आन खोइली चिक्‍शा, श्‍येत जाइब आन कली वारच पशा, नेल्‍लेमी रिम्‍शो पना पन बाक्‍ब, दे मुरपुकीमी तुइश्‍शो मीश मुर आ नें ला ब्रेक्‍सीब। हिब्रू १३:२; यूहन्‍ना १३:१४

फिलेमोन 1:7

आं लोक्‍ब, इ पशोमी थमा सुइक्‍ब शुश आन थुं नाइक्‍चा ताम्‍तेक्‍म। शुश आन थुं बारना बारन लत। इ कली मोदेंशो रिम्‍शो पशो तशा, गो यो आं थुं नाइश्‍शा ग्‍येरसाक्‍यी। २कोरिन्‍थी ७:४

हिब्रू 6:10

मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४

१ पत्रुस 4:10

परमप्रभु यावेमी इन कली गेय का का पपाइश्‍शो बाक्‍त। मोदेंशो पा वारच पमुने। परमप्रभु यावेमी गेशो गेय रिम्‍शो पने।

प्रकाश 14:4

मिनु मेको मुरपुकी रागी ङा पाप रे ङोन बाक्‍शो बाक्‍तेक्‍म। मिनु मेकोपुकी पाठा तेक तेक लमे, मेक मेक लाइबाक्‍तेक्‍म। मेकोपुकी रागी ङा मुर आन दाते रे ग्रुंइशा, परमप्रभु यावे नु पाठा आस ङोंइती ङा योव़सीशो मुर बाक्‍तेक्‍म। १कोरिन्‍थी ७:१,८