14 मार पाइतीनी हना यो, दाक्मुशा पने।
गो इन कली ‘दाक्मुने’ दे माइक्तन्नी” देंत।
गे मार मार जशा ब्वशा, इ लोक्ब आ थुं खाइक्पाइक्नेवे हना, इ मदाक्तीके कोंइनेवे। इ जचा थोव़कम पतीके इ ख्रीस्त बेक्शो लोक्ब कली खतम मसेलो। १कोरिन्थी ८:११-१३
गो मार देंनुङ देंशा हना, परमप्रभु यावे आ सोक्तीमी पपाइश्शो गेय पनीनु, नेल्ल क्येङा ठेयब गेय पने। मिनु गो इन कली नेल्ल क्येङा रिम्शो लां कोंइनन्नी। १कोरिन्थी १४:१,१२
दाक्तीक पाइश्शो मुर दुमीने। परमप्रभु यावे आ सोक्तीम पपाइश्शो गेय शुश मालीन। परमप्रभु यावे आ लोव़ पतीक शुश मालीन।
आं लोक्बपुकी, आकाया रागीम नेल्ल क्येङा ङोंइती थमा सुइक्बपुकी स्तीफानस नु आ खिं ङा मुर बाक्तेक्म दे तुइक्नीनी। मेकोपुकीमी थमा सुइक्ब आन कली वारच पा रिम्शो गेय पा शेंना शेंन गाक्नीम। १कोरिन्थी १:१६
मूर्ति कली चढ़ेशो श्ये ब्वचा आ पर्बम गो नेल्लेमी तुइक्नय। गो शुश तुइक्ब नकी, दे तुइश्शोमी मुर आन कली बोरशा ठेयब लेप्पाइक्ब। दाक्मुशा बाक्शोमी चहिं नेल्ल आन कली रिम्शो दुम्ब, नेल्ल आन थुं बारपाइक्ब। प्रेरित १५:२९
परमप्रभु यावे आ सोक्तीमी ब्रीशो थुं पाइश्शोपुकीमी परमप्रभु यावे आ सोक्त रे पा दोदेंशो पाइनीम देंशा हना, दाक्मुइनीमी, ग्येरनीमी, थुं नाइक्नीमी, शुश फाल्नीमी, रिम्शो पाइनीमी, शिशी पाइनीमी, कबल खाप्नीमी,
गोपुकीमी इन कली शुश दाक्शो खोदेंशो पा प्रभुमी इन दाक्चा शुश बारपाइश्शा, दाक्मुचा नु अरु आन कली यो दाक्ब दुमीन।
मिनु तिमोथी इन कली ग्रुम्थ पिशा, लेश्शा जाक्त। मेकोमी इन थमा सुइक्तीके नु इन दाक्तीके रिम्शो बाक्ब। गेपुकी आंइ कली गेना हना यो शुश मिम्नीनी, गोपुकी खोदेंशो पा आंइ कली ग्रुम्चा दाक्नीनी, दे तिमोथीमी आंस कली देंत। प्रेरित १८:५
आंइ लोक्बपुकी, इन कली मिम्शा, परमप्रभु यावे कली “गे रिम्शो पाइब बाक्नीनी” देंचा ठीक बाक्ब। मारदे हना इन थमा सुइक्तीके हु बारशा, इन दाक्मुतीक यो बारना बारन लाइब। १थिस्सलोनिकी १:२-३
इं शेंतीके चहिं रिम्शो थुं, रिम्शो थुं ङा मिम्तीके नु रिम्शो थमा सुइक्तीके रे जाक्शो शुश दाक्मुचा आ पर्बम बाक्ब। मत्ती २२:३७-४०; रोमी १३:१०; गलाती ५:६
गे नेल्लेमी “ग्युंबे पशो रिम्शो बाक्ब” दे मिम्तीने। मुर आ मीश नु मुरु आ वोंइश मइम्मल। मीश वोंइश आस नाता ख्रोइक्ब नु तेल्लेम आन कली परमप्रभु यावेमी निसाफ पाइब।
नेल्ल क्येङा ठेयब मार बाक्ब देंशा हना, शुश दाक्मुचा बाक्ब। मारदे हना दाक्मुतीकेमी शुश पाप यो ग्याम्ब। हितोपदेस १०:१२; याकूब ५:२०
परमप्रभु यावे खोदेंशो पा गेय पशा, थमा सुइक्ब आन कली आंम इन लोक्ब खोदेंशो पचा माल्नीनी। लोक्ब खोदेंशो पा दाक्चा माल्नीनी। गलाती ६:१०
