१ कोरिन्‍थी 15:9 - Sunuwar Bible

⁹ मारदे हना गो सोइश्‍शो आन दातेमी नेल्‍ल क्‍येङा आइक्‍च बाक्‍नुङ। आं कली सोइश्‍शो देंचा मशिरचा ङा बाक्‍नुङ। मारदे हना गो परमप्रभु यावे कली थमा सुइक्‍ब आन कली खेदा पाता। एफिसी ३:८; प्रेरित ८:३

१ कोरिन्‍थी 15:9 ပူးပေါင်းရင်းမြစ်များ

प्रेरित 8:3

सावलमी चहिं “मेको आन थमा सुइश्‍शो क्‍याम्‍चा” दे खिं खिं हिरशा ओव़शा, थमा सुइक्‍ब वोंइश मुर, मीश मुर नेल्‍ल आन कली ग्‍याइक्‍पाइश्‍शा, फ्रेंशा लाइश्‍शा जेल्‍खानमी चोक्‍पाइक्‍बाक्‍माक्‍त। प्रेरित ९:१; प्रेरित २२:४; १कोरिन्‍थी १५:९

१ कोरिन्‍थी 10:32

यहूदी नु ग्रीक आन कुल, परमप्रभु यावे कली थमा सुइक्‍ब आन कुल, मुर नेल्‍ल आन कुल, गेना हना यो रिम्‍शो गेय पने। रोमी १४:१३

२ कोरिन्‍थी 11:5

गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। २कोरिन्‍थी १२:११

२ कोरिन्‍थी 12:11

गो निप्‍स ग्राइश्‍शो लोव़ पाइब खोदेंशो दुम्‍ती, दे तुइक्‍ताक्‍ङ। गेपुकीमी मोदेंशो पाइब सेल्‍तीनी। मारदे हना गेपुकीमी आं कली ठेयब सेल्‍चा माल्‍शो, दे तुइक्‍चा माल्‍शो ननी। गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। मो हना यो गो आइक्‍च दुम्‍ती। २कोरिन्‍थी ११:५

गलाती 1:13

साइ गो दोपा यहूदी धर्म ब्रङा, मेको नेंशा तुइश्‍शो बाक्‍नीनी। मेना गो येसु ख्रीस्‍त आ नेंमी देल्‍ब आन कली खेदा पपाइश्‍शा ग्‍याइक्‍पाइश्‍शा चोक्‍पाइश्‍शा, श्‍येत गेतामी। मेको आन कली साम्‍चा, दे शुश गेय पाता।

गलाती 1:23

मेकोपुकीमी आं पर्बमी “साइ इं कली खेदा पा एको लोव़ साम्‍चा देंबमी मुल एको लोव़न शेंना शेंन ब्रपाइक्‍बाक्‍त” दे नेंशो बाक्‍तेक्‍म ने।

फिलिप्‍पी 3:6

गो थमा सुइक्‍ब आन कली खेदा पाता। परमप्रभु यावे आ अरेशो लोव़ टिशा, ठीक पाता, दे मिम्‍शा, दोस मताइब दुम्‍ती, देंती। प्रेरित ८:३