१ कोरिन्‍थी 15:6 - Sunuwar Bible

⁶ नोले कालेमी ५ सहे क्‍येङा शुश थमा सुइक्‍ब आन कली तपांइसाक्‍व। का निक्‍शी मुल बेक्‍शा लाम्‍तेक्‍म। शुश चहिं मुल यो बाक्‍नीम।

१ कोरिन्‍थी 15:6 ပူးပေါင်းရင်းမြစ်များ

मत्ती 28:10

मिनु येसुमी “महिनीसे। येसु कली ग्रुम्‍थ गालील लने, दे आं लोक्‍ब आन कली शोव़थ लसे” दे सोइक्‍तीम्‍सी बाक्‍त। हिब्रू २:११

मर्कूस 16:7

मुल लशा, पत्रुस, शेंसीब नेल्‍ल आन कली नु इन ङोंइती तुइक्‍पाइश्‍शो खोदेंशो पा, इन ङोंइती गालील जाक्‍दीप्‍ब। मेकेर ग्रुम्‍चा ताइनीनी, दे शोव़थ लने” दे माइक्‍मी बाक्‍त। मर्कूस १४:२८

प्रेरित 13:36

दाऊदमी मेको लोव़ ब्रेक्‍शो बाक्‍त हना यो, आंम पर्बम ममाइ। मारदे हना दाऊदमी परमप्रभु यावेमी गेशो सासन पने थुम्‍शा बेक्‍शा, आ किकी पिपी आन कली थिम्‍तीकेमी थिम्‍चा पुंइसीशा राक्‍शा ल‍माक्‍त।

प्रेरित 7:60

मिनु आ पोक्‍च थेक्‍शा ठेयब सेंदा पा “प्रभु, एको पाप एको आन कली मरल” देंशा, बेक्‍माक्‍त। लूका २३:३४

१ कोरिन्‍थी 15:18

ख्रीस्‍त कली थमा सुइश्‍‍शा बेक्‍शोपुकी यो जाम्‍शा लाम्‍तेक्‍म।

१ कोरिन्‍थी 15:20

तन्‍न ख्रीस्‍त बेक्‍शो रे सेंसीशो बाक्‍ब। बेक्‍शो आन दातेमी नेल्‍ल क्‍येङा ङोंइती सेंसीब ख्रीस्‍त बाक्‍त। १कोरिन्‍थी ६:१४; कलस्‍सी १:१८

१ थिस्‍सलोनिकी 4:13

आंइ लोक्‍बपुकी, बेक्‍शो मुर आ पर्बम रागी रागी ङा मुरपुकीमी हिशेक शुश पाइनीम। मारदे हना मेको आन के आस मबाक्‍ब। गेपुकी चहिं मतुइक्‍ब खोदेंशो पा, बेक्‍शो इन वारच आन पर्बम थुं खाइक्‍पाइश्‍शा मबाक्‍कीन। १कोरिन्‍थी १५:२०; एफिसी २:१२

१ थिस्‍सलोनिकी 4:15

मिनु गोपुकीमी इन कली प्रभु आ लोव़ रे “प्रभु आ यिचा सम्‍म बाक्‍बपुकी बेक्‍शो वारच आन क्‍येङा ङोंइती प्रभु कली ग्रुम्‍चा मताइनय” दे तुइक्‍पाइक्‍नीकी। मत्ती १६:२८; मत्ती २४:३०-३१; १कोरिन्‍थी १५:५१-५२; यूहन्‍ना १७:२४

२ पत्रुस 3:4

मेकोपुकीमी “लेंशा जाक्‍नुङ देंब, ते जाक्‍मे? इं किकी पिपी बेक्‍शो बाक्‍तेक्‍म। रागी सेल्‍चा रे ओदेंशो बाक्‍त” देंनीमी। यसैया ५:१९; इजीकीएल १२:२२; मत्ती २४:२८