१ कोरिन्‍थी 15:56 - Sunuwar Bible

⁵⁶ पाप पशोमी बेक्‍चा कली हिंपाइक्‍ब। परमप्रभु यावे आ अरेशो लोव़ तुइक्‍बमी पाप पशो यो तुइक्‍ब। मेको आ अरेशो आ सक्ति बाक्‍ब। रोमी ७:८; रोमी ११:१३

१ कोरिन्‍थी 15:56 ပူးပေါင်းရင်းမြစ်များ

हितोपदेस 14:32

परमप्रभु यावे आ अरेशो मटीबपुकी मरिम्‍शो पतीकेमी जाम्‍शा लाइनीम। तन्‍न ठीक पाइब मुर आंम आन गेना हना यो रिम्‍शो पतीकेमी ब्रोंइशा बाक्‍चा ताइनीम।

यूहन्‍ना 8:21

मिनु येसुमी लेंशा यहूदी आन कली “गो लाइनुङ, गे चहिं आं कली माल्‍नीनी। मिनु मरिम्‍शो पतीकेमी ग्रुम्‍शा बेक्‍नीनी। गे आं लतीकेमी जाक्‍ने मचाप्‍नीनी” देंत। यूहन्‍ना ७:३४-३५; यूहन्‍ना १३:३३

यूहन्‍ना 8:24

मोपतीके गो इन कली ‘गे इन मरिम्‍शो पतीकेमी ग्रुम्‍शा बेक्‍नीनी’ देंती। गेपुकीमी ‘गो मरिम्‍शो गेय रे प्रोंइब ननी’ दे आं कली थमा मसुइक्‍तीनी हना, इन मरिम्‍शो पतीकेमी ग्रुम्‍शा बेक्‍नीनी” देंत। यसैया ४३:१०

रोमी 4:15

मारदे हना परमप्रभु यावे आ अरेशो लोव़मी आ गाइक्‍तीक पोक्‍ब। मेको लोव़ मबाक्‍शो हना, पाप मतुंइ‍स वा। रोमी ३:२०; रोमी ५:१३; रोमी ७:८,१०

रोमी 5:15

आदम आ मटिशो परमप्रभु यावे आ शिशी पशो खोदेंशो ममाइ। मुर का आ मटितीकेम मुर नेल्‍ल कली बेक्‍ब सेल्‍तीमी। मेको क्‍येङा परमप्रभु यावे नु मुर का दुम्‍शो येसु ख्रीस्‍त आस गेशो शिशी ठेयब बाक्‍ब।

रोमी 5:17

दोपा आदम आ पशोमी बेक्‍तीकेम मुर आन कली हुकुम पवा, मोपा मेको आन क्‍येङा येसु ख्रीस्‍त आ गेशो शिशी नु आ ठीक सेल्‍तीकेमी मुर आन कली ब्रोंइचा गेशा हुकुम पाइब। मेको पपाइक्‍ब नेल्‍ल येसु ख्रीस्‍त बाक्‍ब।

रोमी 5:20

परमप्रभु यावेमी आ अरेशो लोव़ ब्रेक्‍पदा रे पाप तुइक्‍ना तुइक्‍न लाम्‍तेक्‍म। मिनु पाप ठेयब दुम्‍मेनु, परमप्रभु यावे आ शिशी मेको क्‍येङा ठेयब दुम्‍त। रोमी ७:८,१३; गलाती ३:१९

रोमी 6:23

मरिम्‍शो पशो आ गाल्‍च बेक्‍चा बाक्‍ब। परमप्रभु यावे आ गेशो शिशी चहिं इं प्रभु येसु ख्रीस्‍त रे पा गेना हना यो ब्रोंइशा बाक्‍चा बाक्‍ब। रोमी ५:१२; उत्‍पत्ती २:१७; याकूब १:१५

हिब्रू 9:27

दोपा मुर खेयप का बेक्‍चा माल्‍नीमी नु मेको बेक्‍शा, निसाफ पचा पुंइसीनीम। उत्‍पत्ती ३:१९