१ कोरिन्‍थी 15:50 - Sunuwar Bible

⁵⁰ आं लोक्‍बपुकी, मुल हुश नु रुश पाइश्‍शो मुर परमप्रभु यावे आ राज्‍य ओव़ने मचाप्‍नीम। बेक्‍शा जाम्‍शा लाइब रां, गेना हना यो लीब रां दुम्‍ने मचाप्‍ब।

१ कोरिन्‍थी 15:50 ပူးပေါင်းရင်းမြစ်များ

मत्ती 16:17

मिनु येसुमी पत्रुस कली “योना आ तौ सिमोन, ग्‍येरसो। मारदे हना इ देंशो लोव़ मुरुमी शेंशो ममाइ। स्‍वर्गम बाक्‍ब आं आफोमी इ कली रुप्‍पाइक्‍तु। मत्ती ११:२७; गलाती १:१५-१६

मत्ती 25:34

मिनु पिपमी आ ग्‍युरा गे राप्‍शो आन कली ‘आं आफ आ आसीक तशोपुकी, आं नेक्‍थान जाक्‍कीने। रागी सेल्‍चा ङोंइती एको राज्‍य इन कली सेल्‍शा वोइश्‍शो बाक्‍त। मुल बाक्‍कीने।

रोमी 2:7

सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।

१ कोरिन्‍थी 1:12

इन जिशो मार बाक्‍ब देंशा हना, का निक्‍शीमी “पावल आ नोले खोइक्‍ब नकी” का निक्‍शीमी “आपोल्‍लोस आ नोले खोइक्‍ब नकी” का निक्‍शीमी “केफास आ नोले खोइक्‍ब नकी” नु का निक्‍शीमी “ख्रीस्‍त आ नोले खोइक्‍ब नकी” देंतीनी। १कोरिन्‍थी ३:४; प्रेरित १८:२४-२७; यूहन्‍ना १:४२

१ कोरिन्‍थी 15:42

मोदेंशो मुर आन बेक्‍शो रे सेंसीचा यो बाक्‍ब। शोक्‍शो रां, वांचेर खोदेंशो पा, जाम्‍शा लाइब। सेंसीशो रां चहिं गेना हना यो लीब रां बाक्‍ब।

१ कोरिन्‍थी 15:44

बेक्‍चा माल्‍शो रां शोक्‍शो बाक्‍ब, परमप्रभु यावे आ सोक्‍तीम गेशो रां सेंसीशो रां बाक्‍ब। बेक्‍चा माल्‍शो रां बाक्‍त हना, परमप्रभु यावे आ सोक्‍तीम गेशो रां यो बाक्‍ब।

१ कोरिन्‍थी 6:10

खुइ पाइनीमी, शिं‍म पाइनीमी, शांबु राकसीमी दुक्‍शा गाक्‍नीमी, शुक्‍शी लोव़ पा गाक्‍नीमी, मुर आन के बाक्‍शो थोव़क रोइश्‍शा, श्‍येत गेनीमी। मोदेंशो पाइबपुकी परमप्रभु यावे आ राज्‍यम ओव़चा मताइनीम।

१ कोरिन्‍थी 6:13

जचा थोव़क कोव़ज कली बाक्‍ब, कोव़ज जचा थोव़क कली बाक्‍ब। मिनु परमप्रभु यावेमी निम्‍फा आस कली जाम्‍शा लाइब सेल्‍शो बाक्‍ब। मुर आ रां ग्रांग्रा दिशो तेल्‍लेम पचा कली मसेल्‍शो बाक्‍ब। तन्‍न रां प्रभु कली सेल्‍शो बाक्‍ब। मिनु प्रभु यो रां कली सेल्‍शो बाक्‍ब। १थिस्‍सलोनिकी ४:३-५

१ कोरिन्‍थी 6:9

ठीक मपाइबपुकी परमप्रभु यावे आ राज्‍य ओव़चा मताइनीम दे मतुइक्‍नीनी? दूली ममिम्‍तीने। मरिम्‍शो पाइबपुकीमी दोदेंशो पाइनीम देंशा हना, पात्‍के, तेल्‍लेम पाइनीमी, मूर्ति कली पूजा पाइनीमी, मुर आन मीश लाइक्‍नीमी, वोंइश मुर वोंइश मुर ब्‍वांइ‍सीनीमी, १तिमोथी १:९-११; गलाती ५:१९-२१

१ कोरिन्‍थी 7:29

आं लोक्‍बपुकी, प्रभु जाक्‍चा चिक्‍शो बाक्‍ब। मुल रे मीश बाक्‍शो मुर, मीश मबाक्‍शो खोदेंशो पा बाक्‍कीन। रोमी १३:११; लूका १४:२६

२ कोरिन्‍थी 5:1

इं रां, रागी ङा ताम्‍बु खोदेंशो बाक्‍ब। मेको जाम्‍शा लाइब बाक्‍त। मेको जाम्‍शा लत हना यो, परमप्रभु यावेमी इं कली नक बाक्‍तीके गेब। मेको खिं गुइम सेल्‍शो मबाक्‍ब। मेको गेना हना यो लीब स्‍वर्ग ङा खिं बाक्‍ब। २पत्रुस १:१४

२ कोरिन्‍थी 9:6

आंम आन दाक्‍स पा, चाप्‍स पा, गेचा चहिं दोदेंशो रुम्‍सीब देंशा हना, वांचेर शोक्‍ग‍मेनु, इच्‍का ला शोक्‍बमी, इच्‍का ला खुप्‍चा ताइब। तन्‍न शुश शोक्‍बमी शुश खुप्‍चा ताइब। हितोपदेस ११:२४-२५; हितोपदेस १९:१७

गलाती 3:17

आं देंशो रुपीन। परमप्रभु यावेमी अब्राहाम कली गेशो लोव़ कागज ब्रेक्‍शा, ब्रेप्‍चो दिप्‍शो खोदेंशो बाक्‍ब। मेको लोव़ गेशा, ४ सहे ३० बर्स नोले आ अरेशो लोव़ तुइक्‍पाइश्‍शो बाक्‍त। मेको अरेशो लोव़मी ङोंइती गेशो लोव़ ख्रोइक्‍ने मचाप्‍ब। प्रस्‍थान १२:४०

गलाती 5:16

लोव़ थोक्‍शा, का निक्‍शी नु तेम्‍शा शेंनन्‍नी, परमप्रभु यावे आ सोक्‍त रे पा ब्रोंइशा गेय पने। मो पाइतीनी हना ला, इन दला दाक्‍स मपाइनीनी, इन थुंमी मिम्‍शा मरिम्‍शो मपाइनीनी।

एफिसी 4:17

परमप्रभु यावे कली मतुइक्‍ब मुरपुकी जाम्‍शा लाइब गेय ला मिम्‍शा पाइनीम। मिनु गेपुकी मुल रे मेको आन खोदेंशो मपने, दे प्रभु आ नेंमी इन कली रिम्‍शो पा अरेनुङ। रोमी १:२१-२४

कलस्‍सी 2:4

मारदे इन कली मो देंती देंशा हना, जोल पा शेंब जाक्‍शा, शुश मिलो शिलो लोव़ पशा, दूली शेंने मचाप्‍मेक्‍ल, दे मो देंती। रोमी १६:१८

२ तिमोथी 4:18

प्रभुमी आं कली आ स्‍वर्ग ङा राज्‍य लचा, दे नेल्‍ल श्‍येत रे प्रोंइब। मेको कली गेना हना यो मान पय। आमेन।