१ कोरिन्‍थी 15:45 - Sunuwar Bible

⁴⁵ मार ब्रेक्‍शो बाक्‍ब देंशा हना “नेल्‍ल क्‍येङा ङोंइती ङा मुर, आदम, ब्रोंइब दुम्‍माक्‍त” दे ब्रेक्‍शो बाक्‍ब। नेल्‍ल क्‍येङा नोले ङा आदम चहिं ब्रोंइतीक सोक्‍त गेब दुम्‍त। उत्‍पत्ती २:७; २कोरिन्‍थी ३:१७

१ कोरिन्‍थी 15:45 ပူးပေါင်းရင်းမြစ်များ

उत्पत्ती 2:7

मिनु नोले परमप्रभु यावेमी रू ङा खप के मुर का सेला बाक्‍त। मिनु मुर आ नेंमी ब्रोंइतीक सोक्‍त मुइक्‍ता बाक्‍त। मिनु मुर सोक्‍त पाइश्‍शो दुम्‍माक्‍त। उत्‍पत्ती ३:१९; अय्‍युब १०:९; अय्‍युब ३३:४; भजन संग्रह १०४:२९-३०; १कोरिन्‍थी १५:४५,४७

यूहन्‍ना 1:4

मेको नु ब्रोंइतीक सोक्‍त बाक्‍शो बाक्‍त। मिनु मेको ब्रोंइतीक सोक्‍ती मुर आन कली छेङछेङ बाक्‍त। यूहन्‍ना ८:१२

यूहन्‍ना 10:10

खुइमी दा खुइ पथ, साइक्‍थ नु प्रेत्‍थ ला जाक्‍ब। गो चहिं भेडा आन कली ब्रोंइचा गेशा, ग्‍येरसीशा बाक्‍मल, दे जाक्‍ती” दे शेंताक्‍व।

यूहन्‍ना 10:28

गो मेको आन कली परमप्रभु यावे नु गेना हना यो ब्रोंइशा बाक्‍चा गेनुङमी। मेको नरकम मलाइनीम। सुइमी आं गुइ रे रोइश्‍शा, लाइक्‍ने मचाप्‍नीम।

यूहन्‍ना 14:19

इच्‍का नोले थमा मसुइक्‍बपुकीमी आं कली लेंशा मताइनीम। गेपुकीमी चहिं आं कली ताइनीनी। मारदे हना गो ब्रोंइनुङ। मिनु गेपुकी यो ब्रोंइनीनी। यूहन्‍ना २०:२०

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

यूहन्‍ना 4:10

मिनु येसुमी मेको मीश मुर कली “परमप्रभु यावेमी इ कली मार गेचा दाक्‍ब, दे तुइक्‍ताक्‍वी हना, नु ब्‍वाक्‍कु पुंइब, आं कली, सु बाक्‍नुङ, दे तुइक्‍ताक्‍वी हना, आं कली ‘ब्‍वाक्‍कु गेयी’ दे पुंइदी वा। मिनु ब्रोंइचा गेब ब्‍वाक्‍कु गेन वा” दे मदा बाक्‍त। यूहन्‍ना ७:३८-३९

यूहन्‍ना 4:14

तन्‍न सुमी आं गेशो ब्‍वाक्‍कु तूबा, मेकोमी लेंशा तूतू मदाक्‍ब। आं गेशो ब्‍वाक्‍कु मुर आगामी बुक्‍शो खोदेंशो पा बारशा, गेना हना यो ब्रोंइशा बाक्‍चा गेब” दें‍त। यूहन्‍ना ६:३५; यूहन्‍ना ७:३८-३९; भजन संग्रह ३६:१०

यूहन्‍ना 5:21

मिनु आं आफोमी बेक्‍शो आन कली दोपा सेंबा, मोपा आ तौमी यो सु कली बेक्‍शो रे सेंचा दाक्‍बा, मेको कली सेंपाइक्‍ब। दानीएल ७:१३-१४; प्रेरित १०:४२

यूहन्‍ना 6:33

मारदे हना परमप्रभु यावेमी गेशो शोब्‍ले स्‍वर्ग रे यीब। मेकोमी रागी ङा मुर आन कली गेना हना यो परमप्रभु यावे नु ब्रोंइचा गेब” दे माइक्‍तीमी।

यूहन्‍ना 6:54

सु सुमी आं रां ब्‍वाइनीमी नु आं हुश तूनीमी, मेको गेना हना यो ब्रोंइशा बाक्‍चा ताइनीम। मारदे हना गो मेको कली नोले ङा नाक्‍ती सेंपाइक्‍नुङमी। मत्ती २६:२६-२८

यूहन्‍ना 6:57

दोपा ब्रोंइशा बाक्‍ब आं आफोमी आं कली सोइश्‍शा ब्रोंइपाइय्‍यी, मोपा आं रां ब्‍वाइब यो गो रे पा ब्रोंइचा ताइब।

यूहन्‍ना 6:63

परमप्रभु यावे आ सोक्‍त ब्रोंइचा गेब बाक्‍ब। मुरुम चहिं मारेइ पने मचाप्‍नीम। आं देंशो लोव़ परमप्रभु यावे आ सोक्‍ती ङा ब्रोंइचा गेब लोव़ बाक्‍ब।

यूहन्‍ना 6:68

मिनु सिमोन पत्रुसमी “प्रभु, गो सु का आ नोले खोइक्‍नीकी? गे गेना हना यो ब्रोंइशा बाक्‍चा ङा लोव़ पाइनीनी।

प्रेरित 3:15

मिनु गे ब्रोंइचा गेब कली साइक्‍तीनी। परमप्रभु यावेमी चहिं बेक्‍शो रे सेंताक्‍व। गो मेको तशा, सांकछी दुम्‍ताक्‍क।

रोमी 5:17

दोपा आदम आ पशोमी बेक्‍तीकेम मुर आन कली हुकुम पवा, मोपा मेको आन क्‍येङा येसु ख्रीस्‍त आ गेशो शिशी नु आ ठीक सेल्‍तीकेमी मुर आन कली ब्रोंइचा गेशा हुकुम पाइब। मेको पपाइक्‍ब नेल्‍ल येसु ख्रीस्‍त बाक्‍ब।

रोमी 5:21

दोपा पापमी मुर आन कली बेक्‍पाइक्‍ब सेल्‍मी, मोपा येसु ख्रीस्‍त आ शिशी नु ठीक पतीकेमी मुर आन कली परमप्रभु यावे नु गेना हना ब्रोंइशा बाक्‍ब सेल्‍ब। मेको नेल्‍ल इं प्रभु येसु ख्रीस्‍तम पशो बाक्‍ब। रोमी ६:२३

रोमी 8:2

मारदे हना येसु ख्रीस्‍त आ ब्रोंइचा गेब सोक्‍त आ अरेशो लोव़मी इन कली पाप पचा नु बेक्‍चा आ अरेशो लोव़ रे प्रोंइतु।

१ कोरिन्‍थी 15:46

तन्‍न परमप्रभु यावे आ सोक्‍तीम गेशो रां ङोंइती ङा ममाइ। ङोंइती बेक्‍चा माल्‍शो रां बाक्‍ब। नोले ला सोक्‍तीम गेशो रां बाक्‍ब।

फिलिप्‍पी 3:21

मेकोमी इं बेक्‍चशो रां आ सक्ति पाइश्‍शो रां खोदेंशो सेल्‍ब। मेको आ सक्तिमी नेल्‍ल आन कली आ ङोंइती खुम्‍की पा बाप्‍पाइक्‍ब। १कोरिन्‍थी १५:४९; २कोरिन्‍थी ५:१; १यूहन्‍ना २:३

कलस्‍सी 3:4

इं कली ब्रोंइचा गेब ख्रीस्‍त ग्रूत हना, गे यो मेको नु परमप्रभु यावे आ छेङछेङ ङा बाक्‍तीकेमी ग्रूनीनी। १कोरिन्‍थी १५:४३

हिब्रू 9:14

ख्रीस्‍त आ हुशेमी मेको क्‍येङा इं पशो जाम्‍शा लतीक गेय रे चोव़खो सेल्‍ने चाप्‍ब। गेपुकी ब्रोंइशा बाक्‍ब परमप्रभु यावे आ गेय पचा कली ख्रीस्‍त गेना हना यो बाक्‍शो सोक्‍तीम पतीके मारेइ मरिम्‍शो मपथु, परमप्रभु यावे आ ङोंइती आंम कली चढ़ेवा बाक्‍त। १पत्रुस १:१८-१९; १यूहन्‍ना १:७; प्रकाश १:५; हिब्रू १:३

प्रकाश 16:3

मिनु अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का समुन्‍द्र तार मोइक्‍तु। मिनु मेकोमी मोदानु, समुन्‍द्र ङा ब्‍वाक्‍कु क्‍योरशो मुर आन हुश खोदेंशो दुम्‍त। मिनु समुन्‍द्र ङा सेस जन्‍तु नु ङांइ नेल्‍ल बेक्‍तेक्‍म।

प्रकाश 21:6

मिनु मेकोमी लेंशा आं कली “गो आल्‍फा नु ओमेगा नङ। नेल्‍ल क्‍येङा ङोंइती नु नेल्‍ल क्‍येङा नोले ङा गो नङ। सु सुमी तूतू दाक्‍नीमी, मेको आन कली ब्रोंइचा गेब ब्‍वाक्‍कु बुक्‍तीक रे मोशा तूचा गेनुङ। प्रकाश १:८; प्रकाश २२:१३

प्रकाश 22:1

मिनु परमप्रभु यावे आ स्‍वर्ग ङा गेय पाइबमी ब्रोंइचा गेब खोला कोंइताक्‍यी। मेको खोला टल्‍केशो सिसा खोदेंशो तांइसाक्‍व। मिनु मेको खोला परमप्रभु यावे नु पाठा आस ठेयब नित्‍तीके रे ग्रूशा, इजीकीएल ४७:१-१२; जकरिया १४:८; उत्‍पत्ती २:९-१०

प्रकाश 22:17

मिनु परमप्रभु यावे आ सोक्‍त नु ग्‍युम्‍लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्‍नी, पिने। मिनु ब्रोंइचा गेब ब्‍वाक्‍कु मोशा तूङीन। यसैया ५५:१; यूहन्‍ना ७:३७