१ कोरिन्‍थी 15:42 - Sunuwar Bible

⁴² मोदेंशो मुर आन बेक्‍शो रे सेंसीचा यो बाक्‍ब। शोक्‍शो रां, वांचेर खोदेंशो पा, जाम्‍शा लाइब। सेंसीशो रां चहिं गेना हना यो लीब रां बाक्‍ब।

१ कोरिन्‍थी 15:42 ပူးပေါင်းရင်းမြစ်များ

उत्पत्ती 3:19

इ कुप्‍फी रे गाल यिपाइश्‍शा शोब्‍ले जचा माल्‍नेवे। गे खप मदुमे सम्‍म मोदेंशो पचा माल्‍नेवे। मारदे हना गो इ कली खप रे सेल्‍शो नङ” दे परमप्रभु यावेमी आदम कली देंमाक्‍त। उत्‍पत्ती २:७; भजन संग्रह ९०:१०; भजन संग्रह १०४:२९; उपदेसक १२:७; २थिस्‍सलोनिकी ३:१०

अय्‍युब 17:14

गो तुरस कली ‘गे आं आफ बाक्‍नीनी’ मिनु लुस्‍पु कली ‘आं ममा आं समी बाक्‍नीमी’ दें‍ती हना,

भजन संग्रह 16:10

मारदे हना गे आं कली बेक्‍चा मगेनीनी। इन योव़शो कली राक्‍चा मगेनीनी। प्रेरित १३:३५

भजन संग्रह 49:14

मेकोपुकी भेडा खोदेंशो पा बेक्‍चा कली बाक्‍नीम। बेक्‍पाइक्‍बमी मेको आन कली दाक्‍ब। सुनी कना रिम्‍शो थुं पाइश्‍शो मुरपुकीमी मेको आन कली हुकुम पाइनीम। मेको आन बाक्‍तीके रे ङोन दुम्‍शा, आन रां तुरसुम राक्‍शा लाइनीम।

भजन संग्रह 49:9

गेना हना यो ब्रोंइशा बाक्‍ब, सुइ मबाक्‍नीम। मुर नेल्‍ले थिम्‍चा पुंइसीनीम।

यसैया 38:17

एको श्‍येत थमा पा आं कली ब्रोंइचा कली बाक्‍त। गे आं कली दाक्‍शा, श्‍येत रे ग्रुंइताक्‍यीनी। मारदे हना गे आं पाप नेल्‍ल क्‍याम्‍ताक्‍नी। भजन संग्रह ३२:५; मीका ७:१८-१९

दानीएल 12:3

मिनु जोक्‍ब तुइक्‍बपुकी सरीङ ङा छेङछेङ खोदेंशो दुम्‍नीम। मिनु सु सुमी मुर आन कली ठीक लांमी गाक्‍पदमे, मेकोपुकी गेना हना यो सोरुल आ छेङछेङ खोदेंशो दुम्‍नीम। दानीएल ११:३३; हितोपदेस ४:१८; मत्ती १३:४३

मत्ती 13:43

परमप्रभु यावे आ ङोंइती ठीक दुम्‍शोपुकी चहिं आं आफ आ राज्‍यमी नां खोदेंशो छेङछेङम ग्‍येरशा बाक्‍चा ताइनीम। सु नोफा पाइश्‍शो बाक्‍मे, मेकोमी नेंनल। दानीएल १२:३

प्रेरित 2:27

बेक्‍शा आं रां राक्‍शा लचा मगेब, दे तुइक्‍नुङ।

प्रेरित 2:31

मिनु दाऊदमी परमप्रभु यावे आ लोव़ पाइब दुम्‍तीके, मेको येसु, मस्‍सीह आ पर्बम लोव़ पाप्‍तु, दे तुइश्‍शो बाक्‍माक्‍त। मिनु मेकोमी ‘मेको बेक्‍शो मुर आन बाक्‍तीकेम मलीब। आ रां मराक्‍बा’ देंशो बाक्‍माक्‍त। २सामुएल ७:१२-१३; भजन संग्रह ८९:४-५

रोमी 1:23

मेकोपुकीम गेना हना यो बाक्‍ब परमप्रभु यावे आ छेङछेङ कली बेक्‍शा लाइब मुर, चिक्‍ब, जन्‍तु नु ग्रेशा गाक्‍ब जन्‍तु आन मूर्ति नु फाइक्‍तेक्‍म। प्रस्‍थान २०:४; ब्‍यवस्‍था ४:१५-१९; भजन संग्रह १०६; येरमीया २:११

रोमी 2:7

सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।

रोमी 8:21

नोले परमप्रभु यावेमी आ तमी तौ आन कली बेक्‍शा राक्‍चा रे प्रोंइशो खोदेंशो पा आ सेल्‍शो नेल्‍ल आन कली यो आ छेङछेङमी प्रोनानु, शुश रिम्‍शो दुम्‍ब। २पत्रुस ३:१३

१ कोरिन्‍थी 15:41

नां आ छेङछेङ का बाक्‍ब नु तास्‍ला आ छेङछेङ अर्को बाक्‍ब। मिनु सोरुल आन छेङछेङ लेंशा अर्को बाक्‍ब। सोरुल का आइक्‍च नु अर्को ठेयब छेङछेङ पाइश्‍शो बाक्‍ब।

गलाती 6:8

आंम आन थुं ङा मिम्‍शो गेय पाम्‍तेक्‍म हना, मेको आन गेय मलीथु जाम्‍शा लाइब। मिनु आ यो जाम्‍शा लाइनीम। परमप्रभु यावे आ सोक्‍तीम गेय पाम्‍तेक्‍म हना, परमप्रभु यावे आ सोक्‍त रे पा गेना हना यो ब्रोंइशा बाक्‍चा ताइनीम। रोमी ८:१३

१ पत्रुस 1:4

मिनु इं कली स्‍वर्गमी जाम्‍शा मलाइब, काइ मबिग्रेब नु गेना हना यो लीब शोंप वोइश्‍शो बाक्‍ब। कलस्‍सी १:१२