१ कोरिन्‍थी 15:4 - Sunuwar Bible

⁴ मेको थिम्‍चा पुंइसाक्‍व। मिनु परमप्रभु यावे आ लोव़म ब्रेक्‍शो खोदेंशो पा आ नित्‍थ नाक्‍ती सेंचा पुंइसाक्‍व। होसे ६:२; लूका २४::२७,४४,४६

१ कोरिन्‍थी 15:4 ပူးပေါင်းရင်းမြစ်များ

भजन संग्रह 16:8

गो परमप्रभु यावे कली गेना हना यो आं ङोंइती वोइक्‍ता। मोपा मेको आं ग्‍युरा गे बाक्‍मेनु, गो महिम्‍सीनुङ। प्रेरित २:२५-२८

भजन संग्रह 2:7

परमप्रभु यावेमी लोव़ पा आं कली “गे आं तौ नवे, मुलाक्‍ती गो इ कली सेल्‍ता” देंत। भजन संग्रह ८९:२७-२८; २सामुएल ७:१४; प्रेरित १३:३३; हिब्रू १:५, हिब्रू १:५; हिब्रू ५:५

होसे 6:2

नाक्‍त निक्‍शी नोले परमप्रभुमी आंइ कली लेंशा ब्रोंइचा गेब। मिनु नाक्‍त सां नोले आंइ कली आ ङोंइती राप्‍पाइक्‍ब। मिनु मोपा गोपुकी मेको आ ङोंइती ब्रोंइ‍नीकी। ब्‍यवस्‍था ३२:३९

योना 1:17

मिनु परमप्रभु यावेमी योना कली दाक्‍पाइक्‍चा कली ठेयब ङांइ का सोइक्‍ता बाक्‍त। मेको ङांइमी योना कली ग्रु दाक्‍गानु, योना सां नाक्‍दो नाक्‍ती आ कोव़जीम बाक्‍माक्‍त। मत्ती १२:४०; मत्ती १६:४

मत्ती 12:40

योना नाक्‍त सां सम्‍म ङांइ आ कोव़जम बाक्‍शो खोदेंशो पा, रागीम जरमेशो यो नाक्‍त सां सम्‍म रागी आ कोव़जम बाक्‍ब। योना २:१; एफिसी ४:९; १पत्रुस ३:१९

मत्ती 16:21

मेना रे येसुमी आ शेंसीब आन कली “यरूसलेम लशा, जोक्‍ब तुइक्‍ब खाल्‍पा, ठेयब चढ़ेब नु सास्‍त्रीपुकी रे पा शुश श्‍येत जशा साइक्‍चा पुंइसीनुङ। मिनु बेक्‍शा आ नित्‍थ नाक्‍त सेंसीनुङ” दे शेंचा गोप्‍तु। मत्ती १२:४०; यूहन्‍ना २:१९

मत्ती 20:19

शुक्‍शी पा युक्‍शा, शीम केप्‍शा कांटी थोक्‍शा, क्‍याइश्‍शा साइक्‍थ अर्को जात ङा मुर आन गुइमी गेनीम। बेक्‍शो आ नित्‍थ नाक्‍त बेक्‍शो रे सेंसीब” दे माइक्‍तीमी।

मर्कूस 9:31

मारदे हना आ शेंसीब आन कली “रागीम जरमेशो दा मुर आन गुइमी गेशा, साइक्‍चा पुंइसीशा, आ नित्‍थ नाक्‍ती बेक्‍शो रे सेंसीब” दे शेंचा दाक्‍ता बाक्‍त। मर्कूस ८:३१; मर्कूस १०:३२-३४

लूका 24:26

ख्रीस्‍त श्‍येत जशा, सक्ति पाइश्‍शो दुम्‍शा, राज्‍य पचा ताइब देंशो लोव़ मुल यो मरुप्‍नीसी?” देंमाक्‍त।

लूका 24:46

मिनु मार ब्रेक्‍‍पाइक्‍मी बाक्‍त देंशा हना “ख्रीस्‍त श्‍येत जशा, साइक्‍चा पुंइसीशा आ नित्‍थ नाक्‍ती बेक्‍शो रे सेंसीचा माल्‍ब। होसे ६:२

लूका 9:22

येसुमी “रागीम जरमेशोमी शुश श्‍येत जचा माल्‍ब। जोक्‍ब तुइक्‍ब खाल्‍पापुकी, ठेयब चढ़ेबपुकी नु सास्‍त्रीपुकीमी मेको कली मब्रथु साइक्‍पाइक्‍नीम। मिनु बेक्‍शो आ नित्‍थ नाक्‍ती सेंसीब” दे शेंदीमी बाक्‍त। लूका ९:४४-४५; लूका १८:३१-३४

यूहन्‍ना 19:38

अरीमाथीया गाउं ङा योसेफ माइश्‍शो मुर का बाक्‍त। मेको यहूदी आन कली तशा हिंशा ख्रुइश्‍शा, येसु आ शेंसीब दुम्‍शो बाक्‍त। मेकोमी पिलातस कली “येसु आ बेक्‍शो रां लाइक्‍चा गेयीनी” दे पुना बाक्‍त। मिनु पिलातसमी लाइक्‍चा गेवा बाक्‍त। मिनु योसेफ येसु आ बेक्‍शो रां ब्रथ जाक्‍त। यूहन्‍ना ७:१३

प्रेरित 1:3

मेको आन कली शेंशो मार बाक्‍माक्‍त देंशा हना, येसु श्‍येत जशा साइक्‍चा पुंइसीशा, बेक्‍शा, बेक्‍शो रे सेंपाइक्‍चा पुंइसीशा, ४० नाक्‍त सम्‍म आ सोइश्‍शो आन कली तपांइसीन सीन परमप्रभु यावे आ राज्‍य ङा लोव़ शेंना शेंन बाक्‍माक्‍त।

प्रेरित 17:31

मारदे हना काबु नेल्‍ल आन कली ठीक पा निसाफ पाइब। मेको निसाफ पची नाक्‍त परमप्रभुमी योव़शा वोइश्‍शो बाक्‍ब। निसाफ पाइब यो योव़शा वोइश्‍शो बाक्‍ब। मेको निसाफ पाइब कली ‘आं योव़शो बाक्‍ब’ दे कोंइचा कली बेक्‍शो रे सेंताक्‍व” दे पावलमी शेंदीमी बाक्‍त। प्रेरित १०:४२; मत्ती २५:३१-३३

रोमी 6:4

मिनु ब्‍वाक्‍कुम ग्रुम्‍यानु, गो येसु बेक्‍शा थिम्‍शो खोदेंशो दुम्‍तय। मिनु परमप्रभु यावे आ सक्तिमी ख्रीस्‍त कली बेक्‍शो रे सेंपाइश्‍शो खोदेंशो पा गो यो सेंसीशा, नक लांम गाक्‍तय। कलस्‍सी २:१२; १पत्रुस ३:२१

कलस्‍सी 2:12

मिनु गेपुकी ब्‍वाक्‍कुम ख्रुम्‍शा ग्रुंइचा पुंइसीनीनु, मेको नु बेक्‍शा थिम्‍शो दुम्‍तीनी। परमप्रभु यावे आ पतीके कली थमा सुइक्‍तीके मेको नु बेक्‍शो रे सेंशो यो बाक्‍नीनी। रोमी ६:४; कलस्‍सी ३:१

हिब्रू 13:20

नेल्‍ल क्‍येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्‍तु। दुशा बाक्‍चा गेब परमप्रभु यावेमी मेको कली बेक्‍शो रे सेंताक्‍व। यूहन्‍ना १०:११; १पत्रुस २:२५

१ पत्रुस 1:11

मेकोपुकीमी आन आगामी बाक्‍शो ख्रीस्‍त आ सोक्‍त कली “पाप रे प्रोंइब सु बाक्‍मे, गेना जाक्‍बा?” दे हिल्‍लो पामे बाक्‍त। मोदेंशो पा माल्‍ना माल्‍न ख्रीस्‍त आ श्‍येत जचा नु छेङछेङम लचा आ पर्बमी नोले दुम्‍ब लोव़ पामे बाक्‍त। भजन संग्रह २२:-, यसैया ५२:१३- ५३:१२