१ कोरिन्‍थी 15:3 - Sunuwar Bible

³ मारदे हना आं ख्रीस्‍त रे त‍शो ठेयब लोव़ इन कली शेंताक्‍न्‍नी। दोदेंशो लोव़ बाक्‍ब देंशा हना, परमप्रभु यावे आ लोव़मी ब्रेक्‍शो खोदेंशो पा ख्रीस्‍त इं पाप आ पर्बम साइक्‍चा पुंइसाक्‍व। यसैया ५३:१२

१ कोरिन्‍थी 15:3 ပူးပေါင်းရင်းမြစ်များ

उत्पत्ती 3:15

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७

इजीकीएल 3:17

मार लोव़ पाप्‍तु देंशा हना “ए मुर, गो इ कली इस्राएली आन खिं ङा मुर आन कली खाल पाइब सेल्‍तन। गे आं देंशो लोव़ नेंतीवी हना, मेको आन कली आं लोव़ रे पा हिंच कोंइदीमी। इजीकीएल ३३:७; यसैया ५२:८; हिब्रू १३:१७

जकरिया 13:7

मिनु मुर नेल्‍ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्‍को। नेल्‍ल क्‍येङा आं नेक्‍था ङा मुर आन पर्बम बोक्‍को। गोठला कली तुपो। मिनु भेडापुकी ब्रमल। मिनु गो आं गुइ आइक्‍च गोठला आन पर्बम क्‍युक्‍नुङ। मत्ती २६:३१

मत्ती 26:24

रागीम जरमेशो आ पर्बमी ब्रेक्‍शो साइ नेसी ङा लोव़ नेल्‍ल थमा दुम्‍चा माल्‍ब। मो दुम्‍चा माल्‍शो बाक्‍त हना यो, ग्‍याइक्‍पाइक्‍चा वारच पाइब कली थमा मरिम्‍शो दुम्‍ब। मोदेंशो पाइब मुर मजरमेशो हना, मेको कली रिम्‍शो दुम्‍ब वा” देंत। लूका १७:१-२

मत्ती 26:28

एको आं हुश बाक्‍ब। आं हुशेमी परमप्रभु यावे आ नक कबल खाप्‍ता। आं हुश जारशोमी शुश मुर आन पाप क्‍याम्‍सीब। प्रस्‍थान २४:८; येरमीया ३१:३१; हिब्रू ९:१५-१६

लूका 24:25

मिनु येसुमी “गे मरुप्‍ब नसी। साइ नेसी परमप्रभु यावे आ लोव़ पाइब आन देंशो लोव़ रुप्‍शा थमा सुइक्‍ने मचाप्‍नीसी? लूका ९:२२

यूहन्‍ना 1:29

आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७

प्रेरित 17:2

पावल हिरशा गाक्‍मेनु, सहर सहर ङा यहूदी आन ग्रुम्‍तीक खिं खिं ओव़शा शेंबाक्‍माक्‍त। मोपा थिस्‍सलोनीकी सहरमी यो ग्रुम्‍तीक खिं लशा, शेंचा गोवा बाक्‍त।

प्रेरित 3:18

साइ ङोंइती रे परमप्रभुमी यावे आ लोव़ पाइबपुकी रे ‘ख्रीस्‍त श्‍येत जशा साइक्‍चा पुंइसीब’ दे लोव़ पाइक्‍बाक्‍माक्‍त। परमप्रभु यावेमी मेको लोव़ खाप्‍शो बाक्‍त। लूका २४:४४

प्रेरित 8:32

ठेयब मुरुम पढेना पढेन बाक्‍शो लोव़ चहिं “भेडा कली क्‍योरपाइक्‍थ लाइश्‍शो खोदेंब पा मेको कली लाइक्‍तेक्‍म। भेडा पाठा आ ऊन प्रेक्‍ग‍मेनु, ब्‍वालेइ पा बाक्‍शो खोदेंशो पा मेको ब्‍वालेइ पा बाक्‍त।

रोमी 3:25

ङोंइती परमप्रभु यावेमी रिम्‍शा, पापी आन कली सजाइ मगेवा बाक्‍त। नोले मेको आन जचा ङा सजाइ येसु ख्रीस्‍त कली जपाइश्‍शा बेक्‍चा गेशा, मेको आन पाप क्‍याम्‍ताक्‍व।

रोमी 4:25

येसु ख्रीस्‍त इं पाप क्‍याम्‍चा कली साइक्‍चा पुंइसाक्‍व। मिनु इं कली ठीक दुम्‍पाइक्‍चा कलीन बेक्‍शो रे सेंचा पुंइसाक्‍व। रोमी ८:३२-३४; यसैया ५३:४-६

१ कोरिन्‍थी 11:2

इन कली शेंशो लोव़ का यो मप्रेंथु, टिशा बाक्‍तीनी दे तुइक्‍ताक्‍ङ। मिनु गे आ शेंशो नेल्‍ल पाइतीनी।

१ कोरिन्‍थी 11:23

मारदे हना प्रभुमी आं कली मार शेंदा, मेको इन कली शेंताक्‍ङ। मेको ग्‍याइक्‍चा पुंइसीशो नाक्‍दो प्रभु येसुम शोब्‍ले शे‍शा, मत्ती २६:२६-२८; मर्कूस १४:२२-२४; लूका २२:१९-२०

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

गलाती 1:12

गो मेको मुरुमी शेंशा नेंपाइश्‍शो मनङ। येसु ख्रीस्‍तमी तपांइसीशा, शेंताक्‍यी। प्रेरित ९:१-१५

गलाती 1:4

प्रभु येसु ख्रीस्‍तमी इं पाप क्‍याम्‍चा नु रागीम ग्रूशो मरिम्‍शो पतीके रे प्रोंइचा कली आ गिंम गेप्‍तु। आ मोदेंशो पशो चहिं इं आफ परमप्रभु यावे आ दाक्‍शो बाक्‍त। गलाती २:२०; १तिमोथी २:६; तीतस २:१४; १यूहन्‍ना ५:१९

गलाती 3:13

ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१

एफिसी 1:7

मोपा गोपुकी येसु ख्रीस्‍त आ हुशेम पतीके माफ तशा ब्रोंइशा बाक्‍नय। इं हेंथे पशो आ पर्बम माफ ताइनय। दोपा माफ तशा ब्रोंइशा बाक्‍नय देंशा हना, मुरुमी मिम्‍ने मचाप्‍चा ङा आ शिशी रे पा माफ ताइनय। कलस्‍सी १:१४; एफिसी २:७; एफिसी ३:८,१६

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।

हिब्रू 5:1

ठेयब चढ़ेबपुकी मुर आन दाते रे योव़चा पुंइसीशो बाक्‍नीम। परमप्रभु यावे नु मुर आन कली गारपाइक्‍चा, दे मेकोपुकीमी मुर आन पाप क्‍याम्‍चा कली परमप्रभु यावे कली भेटी नु मार मार चढ़ेनीम।

हिब्रू 5:3

मोपतीके मुर आन पर्बम चढ़ेशो खोदेंशो पा आंमा आन मरिम्‍शो पशो क्‍याम्‍चा कली आं यो चढ़ेचा माल्‍नीम। लेवी ९:७

१ पत्रुस 1:11

मेकोपुकीमी आन आगामी बाक्‍शो ख्रीस्‍त आ सोक्‍त कली “पाप रे प्रोंइब सु बाक्‍मे, गेना जाक्‍बा?” दे हिल्‍लो पामे बाक्‍त। मोदेंशो पा माल्‍ना माल्‍न ख्रीस्‍त आ श्‍येत जचा नु छेङछेङम लचा आ पर्बमी नोले दुम्‍ब लोव़ पामे बाक्‍त। भजन संग्रह २२:-, यसैया ५२:१३- ५३:१२

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

१ यूहन्‍ना 2:2

दोपा नेल्‍ल ठीक पाप्‍तु देंशा हना, मरिम्‍शो पाइब आन बेक्‍तीकेमी साइक्‍चा पुंइसाक्‍व। इं पाप कली ला ममाइ, तन्‍न रागी नेल्‍ल ङा मुर आन पाप क्‍याम्‍चा कली यो साइक्‍चा पुंइसाक्‍व। १यूहन्‍ना ४:१०; कलस्‍सी १:२०; यूहन्‍ना ११:५१-५२

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३