१ कोरिन्‍थी 13:5 - Sunuwar Bible

⁵ दाक्‍तीकेमी ठेयब मलेप्‍ब नु मुने दोक्‍चा ङा लोव़ मपाइब। दाक्‍तीकेमी आं के ला ठीक मदेंब। दाक्‍तीकेमी रीब पा मचुरब, ईख मकुरब। फिलिप्‍पी २:४

१ कोरिन्‍थी 13:5 ပူးပေါင်းရင်းမြစ်များ

२ सामुएल 10:3

अम्‍मोनी आन कली सासन पाइबम आन प्रभु हानुन कली “दाऊदमी इन आफ कली ठेयब सेल्‍चा आ पर्बम इन कली लेम्‍शो लोव़ नेंपाइक्‍थ सोइश्‍‍शो बाक्ब, दे थमा सुइक्‍नीनी? एको मुरपुकी क्‍यारी पाइब नम। दाऊदमी एको आन कली इन सहर दोपा ओव़चा, दे क्‍यारी पथ सोइश्‍शो बाक्‍ब” देंमा बाक्‍त।

अय्‍युब 21:27

गेपुकी मार मिम्‍ना मिम्‍न बाक्‍नी, गो मेको रिम्‍शो पा तुइक्‍नुङ। मेको आं पर्बम दूली मिम्‍तीक लोव़ बाक्‍ब, दे गो तुइक्‍नुङ।

हितोपदेस 14:17

रीब पा गाइक्‍ब मुरुमी मूर्खे गेय पाइब। मिनु मुर आन कली दोपा श्‍येत गेङा, दे मिम्‍ब। मेको सुइम मदाक्‍चा पुंइसीब।

यसैया 3:5

मिनु मुरपुकी दिप्‍चा पुंइसीनीम। दिम्‍मुइनीम। आन नेक्‍था ङा मुर आन कली दिप्‍नीम। आलपुकीमी खाल्‍पी खाल्‍पा आन कली मान मपाइनीम। महिक्‍सीशो मुरपुकीमी ठेयब मुर आन कली मान मपाइनीम।

येरमीया 11:19

गो साइक्‍चा कली लाइश्‍शो मारेइ पने मचाप्‍ब पाठा का खोदेंशो बाक्‍ती। मेकोपुकीमी आं पर्बम “एको रवा कली आ फल सुन्‍दा तिम्‍य। एको कली ब्रोंइशा बाक्‍ब आन रागी रे क्‍योरशा ताइक्‍तय। मिनु एको आ नें गेनायो ममिम्‍सेक्‍ल” देंशा मरिम्‍शो पशो गो मतुइक्‍तु। यसैया ५३:७

गन्‍ती 12:3

मोसा चहिं रागी ङा मुर नेल्‍ले आन क्‍येङा ब्रेम्‍शो मुर बाक्‍त।

गन्‍ती 16:15

मिनु मोसा शुश गाइश्‍शा, परमप्रभु यावे कली “मेको आन चढ़ेशो मताक्‍कीन। गो मेको आन गधा का यो मताक्‍गु। गो मेको आन कली मरिम्‍शो यो मपङ” देंत।

गन्‍ती 32:6

मिनु मोसामी गाद आ थर ङा मुर नु रूबेन आ थर ङा मुर आन कली “इन लोक्‍बपुकी एर लडाइम लमानु, गेपुकी चहिं एक बाक्‍नीनी?

मत्ती 5:22

गोमी चहिं इन कली मार देंनुङ देंशा हना, सु मुर नु ईख पा ब्राशा बाक्‍बा, मेको सजाइ गेचा पुंइसीब। सुमी अर्को कली मरिम्‍शो लोव़ पाइबा, मेको कछडी पचा पुंइसीब। सुमी अर्को कली ‘ए मूर्ख’ देंबा, मेको नरक ङा मीम हुम्‍चा पुंइसीब। १यूहन्‍ना ३:१५

मत्ती 9:4

मिनु येसुमी मेको आन मिम्‍शो तुइश्‍शा, मेको आन कली “मारदे मरिम्‍शो मिम्‍तीनी? यूहन्‍ना २:२५

मर्कूस 3:5

मिनु सिक्‍सी पा बाक्‍शो तशा, आ थुं खाइश्‍शा गाइश्‍शा, मेको आन कली का का पा कोव़शा, गुइ सोव़शो कली “इ गुइ दिंदो” दे मदा बाक्‍त। मिनु मेकोमी गुइ दिंसेनु सामाक्‍त।

लूका 7:39

मिनु फरिसीमी मो पशो तशा “येसु परमप्रभु यावे आ लोव़ पाइब बाक्‍त हना, आ कली थीब मीश मुर दोदेंशो बाक्‍म, दे तुइक्‍त वा। मारदे हना पापी बाक्‍ब” दे मिम्‍ता बाक्‍त।

१ कोरिन्‍थी 10:24

होस पांइसीने, आंम इन कली ला मिम्‍चा प्रोंइशा, अरु आन कली यो रिम्‍शो दुम्‍ल दे मिम्‍शा गेय पने। रोमी १५:२; फिलिप्‍पी २:४

१ कोरिन्‍थी 10:33

गो मोदेंशो पा नेल्‍ल आन कली ग्‍येरपाइक्‍चा ङा गेय पचा दाक्‍नुङ। आंम आं कली ममिम्‍सीथु, मेको आन कली रिम्‍शो दुम्‍ल, दे मिम्‍शा, गेय पाइनुङ। “शुशेमी ख्रीस्‍त कली थमा सुइश्‍शा, आ मुर दुम्‍मल” दे मिम्‍शा बाक्‍ती। १कोरिन्‍थी ९:२०-२२

१ कोरिन्‍थी 11:18

खुम्‍सीशा बाक्‍नीनु, थुं का दुम्‍शा मबाक्‍नीनी। एर ओंथ ब्राशा बाक्‍नीनी देंशो नेंता। एको लोव़ नेंशा, इच्‍का थमा सुइक्‍ता। १कोरिन्‍थी १:१२; १कोरिन्‍थी ३:३

१ कोरिन्‍थी 12:25

मोपा रां का दुम्‍शोपुकी मब्रामल, कांइचीक दुम्‍शा बाक्‍मल नु काम अर्को कली कोव़मुमल।

१ कोरिन्‍थी 7:36

सुइ मुरुमी ग्‍युंबे पचा कली मीश आल पुंइने थुम्‍शा, मेको मीश आल कली प्रोंइचा मरिम्‍शो बाक्‍ब, दे मिम्‍ब नु मेको कली दाक्‍ब हना, ग्‍युंबे पवल। मेको पाप मबाक्‍ब।

२ कोरिन्‍थी 5:19

परमप्रभु यावेमी ख्रीस्‍त रे पा मुर आन कली आ नु गारपाइक्‍तु। मेको आन मरिम्‍शो पशो नेल्‍ल प्रेंशा, गारपाइक्‍तीक गेय आंइ कली गेप्‍तु। रोमी ३:२४-२५; कलस्‍सी १:१९-२०

गलाती 5:13

आं लोक्‍बपुकी, प्रभुमी रिती थिती पचा प्रोंइपाइक्‍तीकी, दे गेनायो मप्रेंदीने। मोपा ब्रोंइशा यो इन दला दाक्‍स मपने। तन्‍न दाक्‍मुशा, वारच पमुशा बाक्‍कीने। १पत्रुस २:१६; २पत्रुस २:१९

फिलिप्‍पी 2:21

नेल्‍लेमी आंम आंम दाक्‍शो ला मिम्‍शा, पना पन बाक्‍नीमी। येसु ख्रीस्‍त आ दाक्‍शा मिम्‍शो चहिं मपाइनीम। २तिमोथी ४:१०,१६

फिलिप्‍पी 4:8

आं लोक्‍बपुकी, आं नेल्‍ल क्‍येङा नोले ङा लोव़ मार बाक्‍ब देंशा हना, तेको थमा बाक्‍बा, तेको शिरशो बाक्‍बा, तेको ठीक बाक्‍बा, तेको ग्रांग्रा मदिशो बाक्‍बा, तेको दाक्‍चा ङा बाक्‍बा, तेको रिम्‍शो लोव़ बाक्‍बा, तेको नेल्‍ल क्‍येङा रिम्‍शो नु दोस गेचा मपुंइसीब बाक्‍बा, तेको “रिम्‍शो पाइब” दे माइक्‍चा पुंइसीब बाक्‍बा, मेको आ पर्बम मिम्‍तीन।

२ थिस्‍सलोनिकी 3:7

गेपुकी दोपा आंइ खोदेंशो दुम्‍चा माल्‍नीनी, मेको आंमा तुइक्‍नीनी। इन दातेमी बाक्‍कानु, शुश गेय पाइतक। १थिस्‍सलोनिकी १:६

२ तिमोथी 2:10

मोपतीके गो योव़शो मुर आन कली मिम्‍शा, श्‍येत नेल्‍ल फाल्‍नुङ। मोपा मेकोपुकीमी ख्रीस्‍त येसुमी पाप रे प्रोंइशो दुम्‍शा, गेना हना यो परमप्रभु यावे आ छेङछेङमी ब्रोंइशा बाक्‍चा तामेक्‍ल। कलस्‍सी १:२४

२ तिमोथी 4:16

ङोंइती ङा आं मुददाम सुइमी आं कली वारच मपाम। नेल्‍लेमी प्रोंइतीमी। परमप्रभु यावेमी मेको आन कली सजाइ मगेवल। २तिमोथी १:१५

याकूब 1:19

आं दाक्‍शो लोक्‍बपुकी, मार तुइक्‍चा माल्‍नीनी देंशा हना, गेपुकी नेंस ङा नेंस बाक्‍कीन। शुश मब्‍वाक्‍कीन। शुश मचुरीन। हितोपदेस २९:२०; उपदेसक ५:१-२; उपदेसक ७:९