१ कोरिन्‍थी 13:2 - Sunuwar Bible

² गो नु परमप्रभु यावे आ लोव़ पतीक सक्ति, ख्रुइश्‍शो लोव़ नेल्‍ल रुप्‍‍तीक सक्ति, नेल्‍ल जोक्‍तीक तुइक्‍तीक सक्ति नु डांडा याक्‍पाइक्‍तीक थमा सुइक्‍तीके बाक्‍त हना, तन्‍न गो नु दाक्‍तीक मबाक्‍त हना, गो मारेइ मनङ। मत्ती ७:२२; मत्ती १७:२०

१ कोरिन्‍थी 13:2 ပူးပေါင်းရင်းမြစ်များ

मत्ती 13:11

मिनु येसुमी “इन कली स्‍वर्ग ङा राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍त। तन्‍न मेको आन कली मगेमी बाक्‍त। १कोरिन्‍थी २:१०

मत्ती 17:20

येसुमी “थमा पा थमा सुइक्‍ने मचाप्‍बपुकी, नोफा दाइश्‍शा नेनीने, रायो गेडा खोइ ला थमा सुइक्‍तीनी हना, इन पने मचाप्‍चा ङा मारेइ मलीब। एको डांडा याक्‍सो देंनीनु, एको डांडा यो याक्‍सीशा लाइब। मत्ती २१:२१; लूका १७:६; १कोरिन्‍थी १३:२

मत्ती 21:19

मिनु लां नेक्‍थामी फोव़शी रवा का तशा, फोव़शी सिश्‍शो बाक्‍म कों, दे कोव़ङानु, सफा ला ताप्‍तु। सफा ला तशा “मुल ङा मेरे गेनायो मसिप्‍ब रवा दुमो” दे माइक्‍तु। मिनु रवा साव सोव़त। लूका १३:६

मत्ती 21:21

मिनु येसुमी “नोफा दाइश्‍शा नेनीने, दल्‍गीर मपथु थमा सुइक्‍तीनी हना, फोव़शी रवा कली पशो खोदेंशो पचा ला ममाइ, डांडा कली एकेर रे समुन्‍द्रमी याक्‍सो देंतीनी हना, मेको डांडा यो याक्‍सीशा लाइब। मत्ती १७:२०

प्रेरित 13:1

एन्‍टीओक सहर ङा थमा सुइक्‍ब आन दातेमी परमप्रभु यावे आ लोव़ पाइ‍ब नु शेंब का निक्‍शी यो बाक्‍मा बाक्‍त। मोदेंशो मुर सु सु बाक्‍मा बाक्‍त देंशा हना, बारनाबास, क्‍येर माइश्‍शो सिमियोन, साइरेनी ङा लुसीयस, पिप हेरोद आ गेय पाइब मानाएन नु सावल बाक्‍मा बाक्‍त। प्रेरित ११:२७; १कोरिन्‍थी १२:२८

रोमी 11:25

आं लोक्‍बपुकी, आं शेंशो ख्रुइश्‍शो लोव़ रिम्‍शो पा रुप्‍तीनी हना, गे ठेयब मलेत्‍नीनी। योव़सीचा पुंइसीशो अर्को रागी ङा मुर आन कली आ मुर सेल्‍ने मथुमा सम्‍म परमप्रभु यावेमी इस्राएली आन कली येसु ख्रीस्‍त आ पर्बम मरुप्‍ब सेल्‍तीमी। यूहन्‍ना १०:१६

रोमी 15:14

आं लोक्‍बपुकी, गे इन दातेमी दाक्‍मुशा, रिम्‍शो पा जोक्‍ब तुइक्‍ब दुम्‍शा नु शेंमुने चाप्‍ब दुम्‍शो बाक्‍नीनी, दे तुइक्‍ताक्‍ङ।

रोमी 16:25

परमप्रभु यावेमी इन कली आ ग्‍येरपाइक्‍तीक लोव़ नु येसु ख्रीस्‍त आ पर्बम शेंतीक नेंशा, बोल्‍यो पा थमा सुइक्‍ब सेल्‍ने चाप्‍ब, दे तुइक्‍ताक्‍ङ। मोपा साइ ङा ख्रुइश्‍शो लोव़ नेल्‍ल तुइक्‍पाइश्‍शो बाक्‍ब। १कोरिन्‍थी २:७; एफिसी १:९; एफिसी ३:४-९

१ कोरिन्‍थी 11:4

खुम्‍सीशा, प्रार्थना पनीनु, परमप्रभु यावेमी तुइक्‍पाइश्‍शो लोव़ पनीनु, वोंइश मुरपुकीमी पियामी मारेइ मसुम्‍सीचा। सुम्‍साक्‍नी हना, ख्रीस्‍त कली आइक्‍च सेल्‍शो खोदेंशो दुम्‍ब।

१ कोरिन्‍थी 12:28

परमप्रभु यावेमी थमा सुइक्‍ब आन ग्रुम्‍तीकेमी ङोंइती ख्रीस्‍त आ सोइश्‍शोपुकी, मेको आन नोले आ लोव़ पाइबपुकी, मेको आन नोले शेंबपुकी, मेको आन नोले छक लाक्‍चा ङा गेय पाइबपुकी, मेको आन नोले सापाइक्‍बपुकी, मेको आन नोले वारच पाइबपुकी, मेको आन नोले कोव़बपुकी नु मेको आन नोले सोक्‍त आ लोव़ पाइबपुकी वोइक्‍तीमी। एफिसी ४:११-१२

१ कोरिन्‍थी 13:1

गो मुर आन लोव़ पाता हना नु परमप्रभु यावे आ स्‍वर्ग ङा गेय पाइब आन लोव़ यो पाता हना, तन्‍न मुर आन कली मदाक्‍ताक्‍ङ हना, गो हेंथे पा ताप्‍शो किङगो नु रेयके पाइब बुप्‍केल खोदेंशो दुम्‍नुङ।

१ कोरिन्‍थी 13:3

आं के बाक्‍शो थोव़क नेल्‍ल योक्‍शा गेशा, आंम आं रां ग्रोइश्‍शा बेक्‍चा कली गेता हना यो, दाक्‍ब मुर चहिं मदुम्‍ती हना, मार रिम्‍शो दुम्‍नुङा ङा? गो शोर गाक्‍शो मदुम्‍नुङा ङा? मत्ती ६:२

१ कोरिन्‍थी 13:8

दाक्‍तीक गेनायो मक्‍याम्‍सीब। परमप्रभु यावे आ लोव़ पतीक जाम्‍शा लाइब। परमप्रभु यावे आ सोक्‍त आ लोव़ यो नुप्‍ब। तुइक्‍तीक सक्ति नुप्‍शा लाइब।

१ कोरिन्‍थी 14:29

परमप्रभु यावे आ लोव़ पामेनु, निक्‍शीमी कि सांमी पामेक्‍ल। मिनु नेंबपुकीमी “मेको लोव़ परमप्रभु यावे आ लोव़ नु गारबा देय मगारबा?” दे नाक्‍चा माल्‍नीमी। प्रेरित १७:११; १थिस्‍सलोनिकी ५:२१

१ कोरिन्‍थी 14:39

मोपतीके आं लोक्‍बपुकी, परमप्रभु यावे आ लोव़ पचा कली शुश बोल पने। मिनु परमप्रभु यावे आ सोक्‍त आ लोव़ पाइब आन कली मतेक्‍कीन।

१ कोरिन्‍थी 14:4

परमप्रभु यावे आ सोक्‍त आ लोव़ पाइबमी आंम थुं कली ला बारपाइक्‍ब। तन्‍न परमप्रभु यावे आ लोव़ पाइबमी ग्रुम्‍तीक खिं ङा मुर आन थमा सुइक्‍तीके बारपाइक्‍ब।

१ कोरिन्‍थी 15:51

मुल इन कली ख्रुइश्‍शो लोव़ का शेंनन्‍नी। गो का निक्‍शी बेक्‍शा लाइनय, का निक्‍शी ब्रोंइशा बाक्‍नय। गो बेक्‍शा लशो नु ब्रोंइशा बाक्‍शो नेल्‍ल फाइक्‍चा पुंइसीनय। १थिस्‍सलोनिकी ४:१५-१७

१ कोरिन्‍थी 16:22

प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०

१ कोरिन्‍थी 4:1

मिनु मुरपुकीमी गो शेंब, आंइ पर्बम मार मिम्‍चा माल्‍नीम देंशा हना, गो ख्रीस्‍त आ गेय पाइब नु परमप्रभु यावे आ ख्रुइश्‍शो लोव़ तुइक्‍पाइक्‍चा कली शेंब नकी। तीतस १:७

१ कोरिन्‍थी 7:19

मारदे हना ख्रोइक्‍तीक चिनु ख्रोइश्‍शो नु मख्रोइश्‍शो आन पर्बम मारेइ ममिम्‍सीब। तन्‍न परमप्रभु यावे आ अरेशो टिचा, ठेयब बाक्‍ब। गलाती ५:६; गलाती ६:१५

१ कोरिन्‍थी 8:4

मूर्ति कली चढ़ेशो श्‍ये ब्‍वचा आ पर्बम मार देंनुङ देंशा हना, मूर्तिपुकी सोक्‍त पाइश्‍शो मनम। मेकोपुकी नु मारेइ मबाक्‍ब। परमप्रभु यावे ङा लाक्‍शा सुइ मबाक्‍ब दे तुइक्‍ताक्‍य। ब्‍यवस्‍था ६:४

२ कोरिन्‍थी 12:11

गो निप्‍स ग्राइश्‍शो लोव़ पाइब खोदेंशो दुम्‍ती, दे तुइक्‍ताक्‍ङ। गेपुकीमी मोदेंशो पाइब सेल्‍तीनी। मारदे हना गेपुकीमी आं कली ठेयब सेल्‍चा माल्‍शो, दे तुइक्‍चा माल्‍शो ननी। गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। मो हना यो गो आइक्‍च दुम्‍ती। २कोरिन्‍थी ११:५

गलाती 5:16

लोव़ थोक्‍शा, का निक्‍शी नु तेम्‍शा शेंनन्‍नी, परमप्रभु यावे आ सोक्‍त रे पा ब्रोंइशा गेय पने। मो पाइतीनी हना ला, इन दला दाक्‍स मपाइनीनी, इन थुंमी मिम्‍शा मरिम्‍शो मपाइनीनी।

गलाती 5:22

परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,

गलाती 6:3

सुइ ठेयब मसुंइ‍सेक्‍ल। मजोक्‍थु यो जोक्‍ब तुइक्‍ब नङ, दे ठेयब लेप्‍बमी आंम कली जोल पांइसीब।

एफिसी 3:4

मिनु गेपुकीमी मेको पढेनीनु, ख्रीस्‍त आ पर्बम ख्रुइश्‍शो लोव़ ङा गेय दोपा पवा, दे आं तुइश्‍शो लोव़ रुप्‍ने चाप्‍नीनी।

एफिसी 6:19

आं पर्बम यो पुनीन। आं कली मिम्‍शा, मार पुनीन देंशा हना, येसु ख्रीस्‍त आ पर्बम ङोंइती ख्रुइश्‍शो ग्‍येरपाइक्‍ब लोव़ मुल गो महिंथु, शेंने चबुल, दे पुनीन। कलस्‍सी ४:३; २थिस्‍सलोनिकी ३:१; प्रेरित ४:२९

कलस्‍सी 1:26

साइ ङोंइती रे परमप्रभु यावे आ मिम्‍शो ख्रुइश्‍शो बाक्‍त। मुल चहिं मेको आ मुर आन कली कोंइशो बाक्‍त। रोमी १६:२५; एफिसी ३:३-६

१ तिमोथी 3:16

इं परमप्रभु यावे कली थमा सुइक्‍तीके थम ख्रुइश्‍शो बाक्‍ब। मेको मार बाक्‍ब देंशा हना “मेको मुर दुम्‍शा, रागीमी जरमेसाक्‍व। परमप्रभु यावे आ सोक्‍तीमी ‘परमप्रभु यावे आ तौ बाक्‍ब’ दे सांकछी गेप्‍तु। परमप्रभु यावे आ स्‍वर्ग ङा गेय पाइबपुकीमी मेको कली ताम्‍तेक्‍म। आ नें मार बाक्‍बा, दे रागी रागी ङा मुर आन कली शेंताक्‍मे। रागी रागी ङा मुरपुकीम मेको कली थमा सुइक्‍तेक्‍म। मिनु मेको परमप्रभु यावे आ छेङछेङमी लाइक्‍चा पुंइसाक्‍व” देंशो बाक्‍ब। यूहन्‍ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१

१ यूहन्‍ना 4:8

सुम चहिं मदाक्‍बा, मेकोमी परमप्रभु यावे कली मतुइक्‍ब। मारदे हना परमप्रभु यावे दाक्‍ब बाक्‍ब।