१ कोरिन्‍थी 12:8 - Sunuwar Bible

⁸ परमप्रभु यावे आ सोक्‍तीमी का कली जोक्‍तीक तुइक्‍तीक लोव़ पपाइक्‍ब। अर्को कली मेकोन सोक्‍तीमी शेंतीक सक्ति गेब।

१ कोरिन्‍थी 12:8 ပူးပေါင်းရင်းမြစ်များ

नेहेम्‍याह 9:20

मिनु मेको आन कली शेंचा, दे इन रिम्‍शो पाइब सोक्‍त गेतीनी। मेको आन कली मन्‍ना शोब्‍ले गेचा मप्रोंइनी। मिनु मेको आन कली रूथ्री पा ब्‍वाक्‍कु तूचा गेतीनी। प्रस्‍थान १६:३५; प्रस्‍थान १७:६; गन्‍ती ११:१७-२५; भजन संग्रह ७८:१५-१६; भजन संग्रह ७८:२३-२४

अय्‍युब 32:8

बेक्‍शा लाइब मुरपुकी नु नेल्‍ल क्‍येङा ठेयब सक्ति पाइश्‍शो आ सोक्‍त बाक्‍ब। मिनु मेकोमी मुर आन कली रुप्‍तीक थुं गेब।

भजन संग्रह 143:10

आं कली इन दाक्‍शो पचा कली शेंदीनी। मारदे हना गे आं परमप्रभु बाक्‍नीनी। इन रिम्‍शो सोक्‍तीम आं कली ठीक लांम गाक्‍‍पाइय्‍यीनी।

प्रस्‍थान 31:3

गो मेको कली आं सोक्‍तीमी प्रिंशा, मार मार सेल्‍चा कली जोक्‍ब तुइक्‍ब सेल्‍ता। मिनु पने चाप्‍तीक सक्ति यो गेता।

हितोपदेस 2:6

मारदे हना परमप्रभु यावे तुइक्‍‍तीक थुं गेब बाक्‍ब। आ शोव़ रे जोक्‍तीक नु रुप्‍तीक लोव़ ग्रूब। दानीएल २:२०-२३

यसैया 50:4

परमप्रभु, परमप्रभु यावेमी आं कली शेंब सेल्‍ती। गो मचाप्‍शो मुर आन कली लोव़ पा आन थुं बारपाइक्‍ब दुम्‍ती। मेकोम आं कली सुनी कुस कुस पोक्‍ब। आं कली शेंसीब खोदेंशो पा नोफा दाइश्‍शा नेंब सेल्‍ब।

यसैया 59:21

“गो नु पशो कबल मार बाक्‍त देंशा हना, आं सोक्‍त इन तार बाक्‍ब। गो आं लोव़ इन शोव़म कुर पाता। मेकेर गेना हना यो बाक्‍शा इन आलपुकीम मेको लोव़ पना पन बाक्‍नीमी। मेको लोव़ गेना हना यो इन चच युइम यो पना पन बाक्‍नीम” दे परमप्रभु यावेमी देंत। येरमीया १:९

दानीएल 2:21

गे हिउंद नु बर्खा फाइक्‍ब, पिप आन कली वोइक्‍ब नु तिल्‍ब बाक्‍नीनी। गे जोक्‍ब तुइक्‍ब आन कली तुइक्‍तीक थुं गेनीनी। मिनु रुप्‍ब थुं पाइश्‍शो मुर आन कली जोक्‍तीक थुं गेनीनी। दानीएल ४:१४,२२,२९

मत्ती 13:11

मिनु येसुमी “इन कली स्‍वर्ग ङा राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍त। तन्‍न मेको आन कली मगेमी बाक्‍त। १कोरिन्‍थी २:१०

प्रेरित 6:3

मोपतीके मेको योक्‍चा कली मुरपुकी वोइक्‍चा माल्‍नय। दोदेंशो मुर माल्‍नय देंशा हना, मुरपुकीमी हिक्‍शो, परमप्रभु यावे आ सोक्‍तीमी ब्रीशो नु जोक्‍ब तुइक्‍ब ७ जना गेय पाइब मुर योव़चा माल्‍नय। १तिमोथी ३:८-१०

रोमी 15:14

आं लोक्‍बपुकी, गे इन दातेमी दाक्‍मुशा, रिम्‍शो पा जोक्‍ब तुइक्‍ब दुम्‍शा नु शेंमुने चाप्‍ब दुम्‍शो बाक्‍नीनी, दे तुइक्‍ताक्‍ङ।

१ कोरिन्‍थी 1:30

मेकोमी येसु ख्रीस्‍त आ नेंमी इन कली ब्रोंइचा गेब। मेको इन जोक्‍तीक तुइक्‍तीक, इन ठीक पतीके, परमप्रभु यावे आ मुर दुम्‍तीके नु पाप रे प्रोंइतीके बाक्‍ब। येरमीया २३:५-६; २कोरिन्‍थी ५:२१; यूहन्‍ना १७:३९; मत्ती २०:२८

१ कोरिन्‍थी 1:5

मिनु तुइक्‍तीक नु रुप्‍तीक थुं शुश गेशा, अरु आन कली शेंब नु रुप्‍पाइक्‍ब सेल्‍तु।

१ कोरिन्‍थी 13:2

गो नु परमप्रभु यावे आ लोव़ पतीक सक्ति, ख्रुइश्‍शो लोव़ नेल्‍ल रुप्‍‍तीक सक्ति, नेल्‍ल जोक्‍तीक तुइक्‍तीक सक्ति नु डांडा याक्‍पाइक्‍तीक थमा सुइक्‍तीके बाक्‍त हना, तन्‍न गो नु दाक्‍तीक मबाक्‍त हना, गो मारेइ मनङ। मत्ती ७:२२; मत्ती १७:२०

१ कोरिन्‍थी 13:8

दाक्‍तीक गेनायो मक्‍याम्‍सीब। परमप्रभु यावे आ लोव़ पतीक जाम्‍शा लाइब। परमप्रभु यावे आ सोक्‍त आ लोव़ यो नुप्‍ब। तुइक्‍तीक सक्ति नुप्‍शा लाइब।

१ कोरिन्‍थी 14:26

आं लोक्‍बपुकी, मुल मार देंनुङ देंशा हना, गे खुम्‍सीशा बाक्‍नीनु, नेल्‍ल इन के गेय का का बाक्‍ब। कामी परमप्रभु यावे कली कुम्‍सो पाइब, कामी लोव़ शेंबा, कामी नोले दुम्‍तीक लोव़ पाइब, कामी परमप्रभु यावे आ सोक्‍त आ लोव़ पाइब नु अर्कोमी मेको लोव़ आ अर्थ शेंब। मेको गेय नेल्‍ल थुं बारपाइक्‍चा कली दुम्‍ल। १कोरिन्‍थी १२:८-१०; एफिसी ४:१२

१ कोरिन्‍थी 14:6

आं लोक्‍बपुकी, गो परमप्रभु यावे आ सोक्‍त आ लोव़ पा, इन ग्रुम्‍तीकेमी जाक्‍ती हना, इन कली मरुप्‍चा ङा बाक्‍त। गो इन कली नोले दुम्‍तीक लोव़, जोक्‍तीक तुइक्‍तीक लोव़, परमप्रभु यावे आ लोव़ नु आ शेंतीक लोव़ पाता हना चहिं इन कली रिम्‍शो दुम्‍ब। १कोरिन्‍थी १२:८

१ कोरिन्‍थी 2:11

मुर आन थुंमी मार बाक्‍बा, सुमी तुइक्‍नीमी ङा? आंम आन थुं ङा लोव़ आंमा ला तुइक्‍नीम। परमप्रभु यावे आ सोक्‍त ङा लाक्‍शा सुइमी परमप्रभु यावे आ थुं ङा लोव़ मतुइक्‍नीम, आ सोक्‍तीम ला तुइक्‍ब।

१ कोरिन्‍थी 2:16

मार ब्रेक्‍शो बाक्‍ब देंशा हना “सुमी प्रभु आ थुं नाक्‍ने नु रुम्‍ने चाप्‍बा ङा? सुमी प्रभु कली शेंने चाप्‍बा ङा?” दे ब्रेक्‍शो बाक्‍त। तन्‍न गोपुकी नु ख्रीस्‍त आ थुं बाक्‍ब। यसैया ४०:१३

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

२ कोरिन्‍थी 11:6

ब्‍वाक्‍स मजोक्‍ब बाक्‍ती हना यो, शुश जोक्‍ब बाक्‍नुङ। गो आंइ पतीकेमी कोंइताक्‍क। १कोरिन्‍थी २:१,२,१३; एफिसी ३:४

२ कोरिन्‍थी 2:14

तन्‍न परमप्रभु यावे कली “गे रिम्‍शो पाइब बाक्‍ननी” दे ठेयब सेल्‍नीकी। मारदे हना ख्रीस्‍त आ नेंमी ग्राना ग्रान लाइनीकी। मोपा शेंना शेंन हिरशा गाक्‍कानु, ब्रोव़शो रिना पाइश्‍शो खोदेंशो पा नेल्‍लेमी ख्रीस्‍त कली तुइक्‍नीमी।

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

२ कोरिन्‍थी 6:6

रिम्‍शो थुं कोंइनीकी, जोक्‍शो तुइश्‍शो गेय कोंइनीकी, मचबु देंब मदुम्‍नीकी, शिशी कोंइनीकी, परमप्रभु यावे आ सोक्‍तीम देंशो टीनीकी, मुर आन कली दाक्‍नीकी। १तिमोथी ४:१२; २कोरिन्‍थी ४:२; १कोरिन्‍थी २:४; एफिसी ६:१४-१७

२ कोरिन्‍थी 8:7

गे मार पाइतीनी हना यो, शुश पाइतीनी। इन थमा सुइक्‍चा, इन लोव़ पस जोक्‍चा, इन तुइक्‍चा, इन रिम्‍शो गेय पतीके नु इन आंइ कली दाक्‍तीकेमी शुश गेय पाइनीनी। मुल गे मेको दाक्‍तीक गेयमी यो रिम्‍शो गेय कोंइताक्‍नी। १कोरिन्‍थी १:५; १कोरिन्‍थी १६:१-२