Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




१ कोरिन्‍थी 12:10 - Sunuwar Bible

10 का कली छक लाक्‍चा ङा गेय पतीक सक्ति गेब। का कली परमप्रभु यावे आ लोव़ पतीक सक्ति गेब। का कली परमप्रभु यावे आ सोक्‍त देय वोल आन सोक्‍त बाक्‍बा, दे तुइक्‍तीक सक्ति गेब। का कली परमप्रभु यावे आ सोक्‍त आ लोव़ पतीक सक्ति गेब। का कली मेको लोव़ आ अर्थ शेंतीक सक्ति गेब। १कोरिन्‍थी १४:-; प्रेरित २:४

အခန်းကိုကြည့်ပါ။ ကော်ပီ




१ कोरिन्‍थी 12:10
38 ပူးပေါင်းရင်းမြစ်များ  

मिनु नोले गो आं सोक्‍त मुर नेल्‍ल आन तार मोइक्‍नुङ। मिनु इन तमी तौपुकीमी आं लोव़ पाइनीम। इन खाल्‍पापुकीमी ङोमु ताइनीम। मिनु इन वोंइश आलपुकीमी आं कोंइशो ताइनीम। गन्‍ती ११:२९; यसैया ४४:३; इजीकीएल ३९:२९; तीतस ३:५-६


थमा सुइक्‍बपुकी दोदेंशो सक्ति पाइश्‍शो दुम्‍नीम देंशा हना, आं नें थिशा वोल आन कली ग्रुंइशा खेरनीम। परमप्रभु यावे आ सोक्‍तीमी पपाइश्‍शो लोव़ ब्‍वाक्‍नीम। प्रेरित १६:१८; प्रेरित १०:४६; प्रेरित १९:६


मिनु येसु कली थमा सुइक्‍बपुकी लशा, ग्‍येरपाइक्‍ब लोव़ तेइ तेइ नेंपाइक्‍ना पाइक्‍न गाक्‍‍मा बाक्‍त। प्रभु यो मेकोपुकी नु काथा बाक्‍शा, चिन्‍ड कोंइना कोंइन मेको आन लोव़ थमा बाक्‍ब दें‍बाक्‍माक्‍त। प्रेरित १४:३; हिब्रू २:४


नेनीने, गो आं आफोम ‘सक्ति गेनुङ’ देंशो सक्ति इन कली सोइक्‍नुङ। तन्‍न इर ङा सक्ति मतनी सम्‍म यरूसलेममी रिम्‍शा बाक्‍कीन” दे माइक्‍मी बाक्‍त। यूहन्‍ना १५:२६; यूहन्‍ना १६:७; प्रेरित २:१-४


मिनु नोफा दाइश्‍शा नेनीन, सुमी आं कली थमा सुइक्‍बा, मेकोमी आं पशो गेय यो पाइब। मिनु आं क्‍येङा ठेयब गेय पाइब। मारदे हना गो आं आफ आ बाक्‍तीक लाइनुङ। मत्ती २८:१९


मिनु थमा ङा सोक्‍त जाक्‍शा, इन कली थमा लां कोंइशा शेंब। मेकोमी आंम मिम्‍शो मशेंब। तन्‍न मार मार नेंबा, मेकोन शेंब। नोले मार मार दुम्‍बा, मेको यो शेंब। यूहन्‍ना १४:२६; १यूहन्‍ना २:२७


मार चहिं तुइक्‍चा माल्‍नीनी देंशा हना, परमप्रभु यावे आ सोक्‍त आ सक्ति ताइनीनी। सक्ति तशा यरूसलेम, यहूदीया, सामरीया नु रागी नेल्‍लेमी हिरशा, आं लोव़ शेंशा, आं सांकछी दुम्‍नीनी” दे माइक्‍मी बाक्‍त। लूका २४:४८; प्रेरित ८:१


मिनु काबु परमप्रभु यावे आ लोव़ पाइबपुकी यरूसलेम रे यिशा, एन्‍टीओकम जाक्‍मा बाक्‍त। प्रेरित १३:१; प्रेरित १५:३२


मेको आन दातेमी अगाबस नें पाइश्‍शो मुर का बाक्‍माक्‍त। मिनु काबु थमा सुइक्‍बपुकी खुम्‍सीशा बाक्‍मानु, अगाबसमी परमप्रभु यावे आ सोक्‍त रे पा “रागी नेल्‍लेमी अन्‍काल दुम्‍शा, जचा मतांइसीब” दे लोव़ पवा बाक्‍त। मेको लोव़ पिप क्‍लौदीयस आ सासनम थमा दुम्‍माक्‍त। प्रेरित २१:१०


मिनु पावलमी आ गुइ आन पिया तारी वोदानु, परमप्रभु यावे आ सोक्‍तीम ब्रीमा बाक्‍त। मिनु आन मतुइश्‍शो लोव़ पा प्रभु कली ठेयब सेल्‍मे बाक्‍त। मिनु परमप्रभु यावे आ सोक्‍तीम गेशो लोव़ पामे बाक्‍त। प्रेरित ८:१७; प्रेरित १०:४४,४६


मिनु सोइश्‍शो आन बाक्‍तीके जाक्‍दीश्‍शा, क्‍येट गेवानु, पत्रुसमी “हनानीया, मारदे गे इ थुंम सैतान ओव़चा गेशा, परमप्रभु यावे आ सोक्‍त कली जोल पवी? रू लेयशो क्‍येट नेल्‍ल ओशो ला बाक्‍ब, दे मारदे इच्‍का ख्रुइश्‍शा वोदी?


गोपुकीमी परमप्रभु यावे आ शिशी पा गेशो गेय का का पय। परमप्रभु यावेमी इ कली आ लोव़ तुइक्‍पाइश्‍शा नेंपाइक्‍ब योव़तु हना, थमा सुइश्‍शा मेको लोव़ नेंपतो। १कोरिन्‍थी ४:७; १कोरिन्‍थी १२:४; १पत्रुस ४:१०


परमप्रभु यावे आ सोक्‍तीम गेशो सक्तिमी चिन्‍ड नु छक लाक्‍चा ङा गेय कोंइताक्‍ङमी। यरूसलेम सहर रे लशा, इल्‍लीरीकुम रागी सम्‍म जाक्‍दीश्‍शा, सहर सहर, गाउं गाउंमी ख्रीस्‍त आ ग्‍येरपाइक्‍ब लोव़ नेल्‍ल शेंना शेंन गाक्‍ती। मर्कूस १६:१७; २कोरिन्‍थी १२:१२


खुम्‍सीशा, प्रार्थना पनीनु, परमप्रभु यावेमी तुइक्‍पाइश्‍शो लोव़ पनीनु, वोंइश मुरपुकीमी पियामी मारेइ मसुम्‍सीचा। सुम्‍साक्‍नी हना, ख्रीस्‍त कली आइक्‍च सेल्‍शो खोदेंशो दुम्‍ब।


दाक्‍तीक गेनायो मक्‍याम्‍सीब। परमप्रभु यावे आ लोव़ पतीक जाम्‍शा लाइब। परमप्रभु यावे आ सोक्‍त आ लोव़ यो नुप्‍ब। तुइक्‍तीक सक्ति नुप्‍शा लाइब।


मोपतीके सुमी परमप्रभु यावे आ सोक्‍त आ लोव़ पाइबा, मेकोमी आ अर्थ शेंचा कली पुनल। १कोरिन्‍थी १२:१०


मोपतीके आं लोक्‍बपुकी, परमप्रभु यावे आ लोव़ पचा कली शुश बोल पने। मिनु परमप्रभु यावे आ सोक्‍त आ लोव़ पाइब आन कली मतेक्‍कीन।


परमप्रभु यावेमी इन कली आ सोक्‍त गेशा, छक लाक्‍चा ङा गेय कोंइताक्‍व। यहूदी आन पतीक पशो तशा, मोदेंशो छक लाक्‍चा ङा गेय कोंइदा ङा? ख्रीस्‍त कली थमा सुइश्‍शो तशा, कका छक लाक्‍चा ङा गेय कोंइताक्‍व।


परमप्रभु यावेमी तुइक्‍पाइश्‍शो लोव़ पचा गेन।


परमप्रभु यावेमी पपाइश्‍शो चिन्‍ड नु छक लाक्‍चा ङा गेय, सक्ति पाइश्‍शो शुश गेय नु परमप्रबु यावेमी आ दाक्‍शो पा योव़शा आ सोक्‍तीमी मुर आन कली पपाइश्‍शो गेय, मेको सांफा सांकछी बाक्‍नीम। मर्कूस १६:२०; २कोरिन्‍थी १२:१२; १कोरिन्‍थी १२:४-११; प्रेरित २:१-१३; प्रेरित १०:४४-४५


आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५


मेकोमी “गो इन पशो गेय, इन फाल्‍शो श्‍येत नेल्‍ल तुइक्‍नुङ। मिनु गे मरिम्‍शो मुर आन कली फाल्‍ने मचाप्‍नीनी। मिनु गे सोइश्‍शो, आं लोव़ शेंब दुम्‍खु पाइब मुर आन कली नाक्‍शा, जोल्‍फे बाक्‍नीम, दे तुइक्‍नीनी। १यूहन्‍ना ४:१


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ