१ कोरिन्‍थी 11:26 - Sunuwar Bible

²⁶ गे गेना एको शोब्‍ले जाइनीनी नु कचौरा रे तूनीनी, मेना प्रभु लेश्‍शा मजाक्‍म सम्‍म मेको आ बेक्‍शो आ पर्बम शेंनीनी। मत्ती २६:२९

१ कोरिन्‍थी 11:26 ပူးပေါင်းရင်းမြစ်များ

यूहन्‍ना 14:3

मिनु इन बाक्‍तीक ठीक पशा, लेंशा जाक्‍शा आं बाक्‍तीक लाइक्‍नन्‍नी। मिनु गो नु काथा बाक्‍नीनी। यूहन्‍ना १२:२६; यूहन्‍ना १७:२४

यूहन्‍ना 21:22

मिनु येसुमी “गो लेंशा मजाक्‍ङा सम्‍म मेकोमी रिम्‍शा बाक्‍चा माल्‍ब, दे मिम्‍ताक्‍ङ हना यो, इ कली मार दुम्‍बा ङा? गे आं नोले खोइय्‍यी” दे माइक्‍तु।

यूहन्‍ना 21:23

मिनु थमा सुइक्‍बपुकीमी मेको येसु आ दाक्‍शो शेंसीब आ पर्बम “मेको शेंसीब मबेक्‍ब” दे लोव़ पमुम्‍तेक्‍म। तन्‍न येसुमी “मेको मबेक्‍ब” देंशो ममाइ, तन्‍न “गो मजाक्‍ङा सम्‍म मेको रिम्‍शा बाक्‍ल कों मबाक्‍ल, इ कली मार दुम्‍बा ङा” दे माइश्‍शो बाक्‍त।

प्रेरित 1:11

मिनु मेको निक्‍शीमी “ए गालील ङा मुर, मार सरीङ गे कोव़ना कोव़न बाक्‍नी? येसु इन बाक्‍तीके रे परमप्रभु यावे आ बाक्‍तीके लाइक्‍चा पुंइसाक्‍व। दोपा लशो तनी, मोपा काबु लेश्‍शा यीब, दे तुइक्‍तीने” देंसा बाक्‍त। लूका २१:२७

१ कोरिन्‍थी 15:23

मिनु नेल्‍ल का का पा सेंसीनीम। ङोंइती ख्रीस्‍त सेंसाक्‍व। मिनु नोले आ जाक्‍ची ना मेको कली थमा सुइक्‍बपुकी सेंसीनीम। १थिस्‍सलोनिकी ४:१६-१७

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

१ थिस्‍सलोनिकी 4:16

मारदे हना प्रभुमी आ मुर आन कली “कुन” दे ब्रेत्‍तानु, नेल्‍ल क्‍येङा ठेयब परमप्रभु यावे आ स्‍वर्ग ङा गेय पाइबमी यो ब्रेप्‍ब। परमप्रभु यावे आ तुराही ताप्‍शो नेंनीम। मेना प्रभु सरीङ रे यीब। ख्रीस्‍त कली थमा सुइश्‍शा बेक्‍शो मुरपुकी ङोंइती सेंसीनीम।

२ थिस्‍सलोनिकी 1:10

थमा सुइक्‍बपुकी चहिं आ जाक्‍ची नाक्‍त आ नें ठेयब सेल्‍शा, थमा सुइक्‍ब नेल्‍लेमी आ छेङछेङ तशा छक लाक्‍नीम। मारदे हना गेपुकी आंइ शेंशो लोव़ थमा सुइक्‍तीनी।

हिब्रू 9:28

मोपा ख्रीस्‍त शुश मुर आन पाप क्‍याम्‍चा कली खेयप का आ हुश चढ़ेप्‍तु। मिनु लेंशा जाक्‍ब। पाप क्‍याम्‍थ चहिं मजाक्‍ब। तन्‍न मेको कली थमा सुइश्‍शा रिम्‍शा बाक्‍ब आन कली श्‍येत रे प्रोंइचा कली जाक्‍ब। हिब्रू १०:११,१२,१४

२ पत्रुस 3:10

प्रभु जाक्‍मेनु, खुइ जाक्‍शो खोदेंशो पा जाक्‍ब। मेना सरीङ ठेयब रेयके पा जाम्‍ब। मारेइ मारेइ ग्रोइश्‍शा नुप्‍नीम। रागी नु रागीम बाक्‍शो मारेइ मारेइ मीम खतम दुम्‍नीम। १थिस्‍सलोनिकी ५:२-३; मत्ती २४:२९; प्रकाश २०:११; यसैया २४:१९

१ यूहन्‍ना 2:28

आं तमी तौपुकी, येसु ख्रीस्‍त नु थुं का ङा दुम्‍शा बाक्‍कीन। मेको यिमेनु, गोपुकी महिंब दुम्‍ने चाप्‍यल। मेको आ ङोंइती मुने मदोक्‍यल।

यहूदा 1:14

मिनु आदम रे ७ पाला नोले ङा हनोक माइश्‍शो मुर का बाक्‍त। मेकोमी मोदेंशो मुर आ पर्बम परमप्रभु यावेमी तुइक्‍पाइश्‍शो लोव़ पवा बाक्‍त। मेकोमी “नेनीन, प्रभु नु आ योव़शो हजार हजार जाक्‍तेक्‍म। हनोक कली हिब्रू लोव़मी एनोक देंनीम। उत्‍पत्ती ५:२१

प्रकाश 1:7

मिनु येसु ख्रीस्‍त लेश्‍शा, दोपा यीबा देंशा हना, सरीङ रे गोस्‍सुमी गिल्‍सीशा यीब। मिनु मुर नेल्‍लेमी मेको कली यिन यिन पशो ताइनीम। मेको कली साइक्‍पाइक्‍बपुकीमी यो ताइनीम। मिनु थर थर ङा मुरपुकीम मेको कली तशा, रोंका पा ङाक्‍नीम। एको थमा लोव़ बाक्‍ब। आमेन। मत्ती २४:३०; जकरिया १२:१०; यूहन्‍ना १९:३७

प्रकाश 22:20

मिनु एको लोव़ पाइबमी “आमेन, गो फ्रा लेश्‍शा यीनुङ” देंत। मिनु थमा सुइक्‍बपुकीमी “आमेन, प्रभु येसु जाक्‍कीन” देंतेक्‍म। १कोरिन्‍थी १६:२२