१ कोरिन्‍थी 11:16 - Sunuwar Bible

¹⁶ गे नु बाक्‍ब आं शेंशो आ पर्बम जिचा पोक्‍ब आन कली मार देंनुङ देंशा हना, तेइ तेइ शेंथ गाक्‍कानु, मोदेंशो शेंनीकी। परमप्रभु यावे आ ग्रुम्‍तीक खिंमी यो मोदेंशो शेंनीकी।

१ कोरिन्‍थी 11:16 ပူးပေါင်းရင်းမြစ်များ

येरमीया 32:11

मिनु गो आं रू ग्‍याप्‍शो ब्रेक्‍शो छाप थोक्‍शो कागज ताक्‍ता। छाप थोक्‍शो नु छाप मथोक्‍शो कागज यो ताक्‍ता।

प्रेरित 21:21

मेकोपुकीमी ‘पावलमी अर्को रागी ङा मुर नु बाक्‍ब यहूदी आन कली मोसामी अरेशो लोव़ पचा प्रोनीने, इन आल आन कली ख्रोइक्‍तीक चिनु मख्रोतीन’ दे शेंना शेंन गाक्‍ब, देंशो नेंशो बाक्‍नीमी। प्रेरित १६:३

प्रेरित 21:24

मोपतीके मेकोपुकी नु गारशा आन कसम जशो खाप्‍चा कली लावो। मिनु चोव़खो दुम्‍शा, नेल्‍लेमी इन चां प्रेक्‍सीने। चां प्रेक्‍शो ङा चहिं गे क्‍येट थाप्‍तीन। मो पाइतीनी हना, सुइमी मारेइ दोस गेने मचाप्‍नीमी। इं यहूदी अरेशो नेल्‍ल पशो बाक्‍ब, दे नेल्‍लेमी तुइक्‍नीमी।

१ कोरिन्‍थी 11:15

तन्‍न मीश मुरपुकीमी लाइश्‍शो चां थुल्‍शो चहिं आन मान ततीक बाक्‍ब। आन रां सुम्‍चा कली लाइश्‍शो चां गेशो बाक्‍ब। साइ ङोंइती रे ङा मोदेंशो लोव़ बाक्‍ब दे मतुइक्‍नीनी ङा?

१ कोरिन्‍थी 16:1

क्‍येट पोक्‍चा आ पर्बम गलातीया रागी ङा थमा सुइक्‍ब आन कली शेंशो इन कली यो शेंनन्‍नी। २कोरिन्‍थी ८:९; गलाती २:१०

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

१ कोरिन्‍थी 7:17

प्रभुमी इन कली दोपा योव़शा वोदा मोपान बाक्‍कीन। परमप्रभु यावेमी इन कली दोपा ब्रेत्‍ता मोपा बाक्‍कीन। मेको आं शेंतीक नेल्‍ल ग्रुम्‍तीक खिं आन कली बाक्‍ब।

१ कोरिन्‍थी 9:1

गो आं दाक्‍शो, आं मिम्‍शो पने मचाप्‍नुङा ङा? गो ख्रीस्‍त आ सोइश्‍शो मनङा ङा? आं मिक्‍चीमी इं प्रभु येसु ख्रीस्‍त कली मतशो नङा ङा? गो प्रभु आ गेय पङा रे गेपुकी यो प्रभु आ मुर मदुम्‍नी ङा? १कोरिन्‍थी १५:८; प्रेरित ९:३-५,१५

१ कोरिन्‍थी 9:6

शेंबपुकीम शेंशा जाइनीम। बारनाबास नु गो चहिं शेंशा गाक्‍स्‍कुनु, जचा मतथु, गेय पचा माल्‍नस्‍कु ङा? प्रेरित ४:३६; २थिस्‍सलोनिकी ३:७-९

१ थिस्‍सलोनिकी 2:14

आंइ लोक्‍बपुकी, गे यहूदीया ङा परमप्रभु यावे आ ग्रुम्‍तीक ङा ख्रीस्‍त येसुमी बाक्‍ब थमा सुइक्‍ब खोदेंशो दुम्‍तीनी। मारदे हना यहूदीया ङा मुरपुकीमी आंम रागी ङा थमा सुइक्‍ब आन कली श्‍येत गेशो खोदेंशो पा, इन रागी ङा मुरपुकीमी यो इन कली श्‍येत गेम्‍तेक्‍म। प्रेरित ८:१; प्रेरित १७:५-६