१ कोरिन्‍थी 11:12 - Sunuwar Bible

¹² मीश मुर वोंइश मुर आ रां रे सेल्‍शो बाक्‍त हना यो, मुल वोंइश मुर मीश मुर रे थिशो बाक्‍नीम। मेको मोदेंशो परमप्रभु यावे आ पशो बाक्‍ब।

१ कोरिन्‍थी 11:12 ပူးပေါင်းရင်းမြစ်များ

हितोपदेस 16:4

परमप्रभु यावेमी मारेइ मारेइ नेल्‍ल गेय पचा कली सेल्‍तु। आ अरेशो मटीब कली यो नोले ङा श्‍येत नाक्‍त कली सेल्‍तु। रोमी ९:२२

रोमी 11:36

परमप्रभु यावेमी मार बाक्‍त हना यो, आंमान सेल्‍तु। मिनु मारेइ मारेइ आइक्‍के नम। मिनु आ गोशो गेय आंमान थुम्‍ब, दे तुइक्‍तय। मोपतीके “परमप्रभु यावे नेल्‍ल क्‍येङा ठेयब बाक्‍ब” दे ठेयब सेल्‍तीक गेना हना यो लील। आमेन।

१ कोरिन्‍थी 11:11

मोदेंशो दुम्‍त हना यो, प्रभुमी “वोंइश मुर कली मीश मुर माल्‍ब। मीश मुर कली वोंइश मुर माल्‍ब। मबाक्‍थु मदुम्‍ब दे सेल्‍शो बाक्‍त” देंत।

१ कोरिन्‍थी 8:6

इं कली परमप्रभु यावे का ला बाक्‍ब। मेको मारेइ मारेइ सेल्‍ब इं आफ बाक्‍ब। मिनु गोपुकी यो मेको आ सेल्‍शो बाक्‍नय। मिनु इं प्रभु का ला बाक्‍ब, मेको प्रभु येसु ख्रीस्‍त बाक्‍ब। मेको आ पतीकेम मारेइ मारेइ दुम्‍शा, गो ब्रोंइचा ताइनीकी। १कोरिन्‍थी १२:५-६; प्रस्‍थान २०:३; मलाकी २:१०; एफिसी ४:५-६; यूहन्‍ना १:३; कलस्‍सी १:१६

२ कोरिन्‍थी 5:18

मेको नेल्‍ल परमप्रभु यावेम पशो बाक्‍ब। परमप्रभु यावेमी आंइ कली ख्रीस्‍त रे पा आं नु गारपाइक्‍तु। मिनु आंइ कली मेको गारपाइक्‍तीक गेय पपाइक्‍तु। रोमी ५:१०