१ कोरिन्‍थी 10:4 - Sunuwar Bible

⁴ नेल्‍लेमी परमप्रभु यावेम गेशो सोक्‍त ङा ब्‍वाक्‍कु तूङमे बाक्‍त। मिनु मेको आन नोले खोइक्‍बम सेरथे फुल्‍लु रे ब्‍वाक्‍कु तूङमे बाक्‍त। मिनु मेको सेरथे फुल्‍लु ख्रीस्‍त बाक्‍माक्‍त। प्रस्‍थान १७:६

१ कोरिन्‍थी 10:4 ပူးပေါင်းရင်းမြစ်များ

उत्पत्ती 40:12

मिनु योसेफमी “इन तशो ङोमु आ अर्थ मार बाक्‍ब देंशा हना, मेको राशी सां नाक्‍ती सां बाक्‍नीम।

उत्पत्ती 41:26

मेको ७ ओटा रिम्‍शो बी ७ ओटा बर्स बाक्‍नीम। मिनु मेको ७ ओटा रिम्‍शो बाला यो ७ बर्स बाक्‍नीम। ङोमु निक्‍शी कांइचीक खोदेंशो बाक्‍नीस।

भजन संग्रह 105:41

मेकोमी सेरथे फुल्‍लु रे ब्‍वाक्‍क बुक्‍पदा बाक्‍त। मिनु मेको गोरशो रागीमी खोला खोदेंशो पा शांइसे बाक्‍त। प्रस्‍थान १७:६

भजन संग्रह 78:15

मेकोमी गोरशो रागीमी सेरथे फुल्‍लु कली प्रोल्‍शा ब्‍वाक्‍कु बुक्‍पाइक्‍तु। मिनु शुश ब्‍वाक्‍कु तूचा गेम्‍तीमी। प्रस्‍थान १७:६; गन्‍ती २०:७-११; ब्‍यवस्‍था ३२:१८

भजन संग्रह 78:20

मेकोमी सेरथे फुल्‍लु तुप्‍शा प्रोल्‍शा ब्‍वाक्‍कु बुक्‍पाइश्‍शा, शुश खोला सेल्‍तु। मार, मेकोमी आ मुर आन कली शोब्‍ले नु श्‍ये यो गेने चाप्‍बा ङा?” देंतेक्‍म।

प्रस्‍थान 17:6

गो होरेब माइश्‍शो डांडा आ नेक्‍था सेरथे फुल्‍लु तार इ ङोंइती बाक्‍नुङ। मिनु गे मेको सेरथे फुल्‍लु तुप्‍चा माल्‍नेवे। मिनु, सेरथे फुल्‍लु रे ब्‍वाक्‍कु यीब। मिनु मुरपुकीम तूने चाप्‍नीम” देंत। मिनु इस्राएली आन खाल्‍पा आन ङोंइती मोसाम मो पाप्‍तु। गन्‍ती २०:११; १कोरिन्‍थी १०:४

यसैया 43:20

मिनु ब्‍वाकी ङा जन्‍तु, सिवार नु ठेयब चिक्‍बपुकीमी आं कली मान पाइ‍नीम। मारदे हना गो मुर मबाक्‍तीकेमी रेउ यिपाइक्नुङ। गोरशो रागीमी खोला शाइक्‍पाइक्‍नुङ। आं योव़शो मुर आन कली तूचा गेचा, दे गो गोरशो रागीमी खोला शाइक्‍पाइक्‍नुङ।

यसैया 48:21

मेकोमी मेको आन कली गोरशो रागीम लदानु, मेकोपुकी ब्‍वाक्‍कु तूतू मदाक्‍म। मारदे हना मेकोमी सेरथे फुल्‍लु रे ब्‍वाक्‍कु बुक्‍पाइक्‍तु। सेरथे फुल्‍लु प्रोलानु, शुश ब्‍वाक्‍कु ग्रूत।

दानीएल 2:38

मिनु मेकोमी तेइ तेइ बाक्‍ब मुर, ब्‍वाकी ङा जन्‍तु नु सरीङम बेरब चिक्‍ब नेल्‍ल आन कली इन कली गेशो बाक्‍ब। मिनु गे मेको नेल्‍ल आन कली सासन पाइनीनी। गे मेको मूर्ति आ सुन के पिया बाक्‍नीनी। येरमीया २७:६; येरमीया २८:१४

दानीएल 7:17

मेको ४ ओटा ठेयब जन्‍तु रागी ङा ४ जना पिप बाक्‍‍नीम।

गन्‍ती 20:11

मिनु मोसामी आ गुइ क्‍युक्‍शा आ कोक्‍केमी निक्‍शी खेयप मेको सेरथे फुल्‍लु कली तुप्‍तु। मिनु मेकेर शुश ब्‍वाक्‍कु बुक्‍शा ग्रूत। मिनु मुरपुकी नु आन बी ब्‍यफ, क्‍यारश भेडामी तूतेक्‍म।

यूहन्‍ना 4:10

मिनु येसुमी मेको मीश मुर कली “परमप्रभु यावेमी इ कली मार गेचा दाक्‍ब, दे तुइक्‍ताक्‍वी हना, नु ब्‍वाक्‍कु पुंइब, आं कली, सु बाक्‍नुङ, दे तुइक्‍ताक्‍वी हना, आं कली ‘ब्‍वाक्‍कु गेयी’ दे पुंइदी वा। मिनु ब्रोंइचा गेब ब्‍वाक्‍कु गेन वा” दे मदा बाक्‍त। यूहन्‍ना ७:३८-३९

यूहन्‍ना 4:14

तन्‍न सुमी आं गेशो ब्‍वाक्‍कु तूबा, मेकोमी लेंशा तूतू मदाक्‍ब। आं गेशो ब्‍वाक्‍कु मुर आगामी बुक्‍शो खोदेंशो पा बारशा, गेना हना यो ब्रोंइशा बाक्‍चा गेब” दें‍त। यूहन्‍ना ६:३५; यूहन्‍ना ७:३८-३९; भजन संग्रह ३६:१०

यूहन्‍ना 7:37

मिनु बाली ओंइतीक चाड नुप्‍ची नाक्‍त नेल्‍ल क्‍येङा ठेयब नाक्‍ती बाक्‍त। मेना येसुमी मुर आन कली “सु सुमी तूतू दाक्‍नीमी, मेको आं गे पिशा तूङमेक्‍ल। लेवी २३:३६; यूहन्‍ना ४:१०; यसैया ५५:१; प्रकाश २२:१७

गलाती 4:25

हागार देंशो मार रुम्‍सीब देंशा हना, अराब रागी ङा सीनै डांडा रुम्‍सीब। सिनाक्‍त मुलाक्‍त यरूसलेममी बाक्‍बपुकीमी हागार आ लां खोइश्‍शा, रिती थिती पा वाइलीम वाइल दुम्‍शो बाक्‍नीम।

ब्‍यवस्‍था 9:21

मिनु इन पशो पाप, मेको बाछा लाइश्‍शा, मीम हुम्‍ताक्‍ङ। मेको कली तुप्‍शा, फस सेल्‍ता। मिनु मेको फस पहाड रे यिशो खोलाम ताइक्‍ताक्‍ङ।

कलस्‍सी 2:17

मेको दुम्‍चा चिक्‍शो आ वांकु ला बाक्‍नीम। थमा सुइक्‍तीक रां चहिं ख्रीस्‍त के बाक्‍ब। हिब्रू ८:५; हिब्रू १०:१

हिब्रू 10:1

मेको साइ ङा परमप्रभु यावे आ अरेशो लोव़ जाक्‍चशो रिम्‍शो लोव़ आ वांकु ला बाक्‍ब। मेको ङोंइती ङा लोव़ थमा पा पाप क्‍याम्‍तीके मबा। मिनु मेको लोव़ टिशा बर्स बर्समी चढ़ेम्‍तेक्‍म हना यो, परमप्रभु यावे आ नेक्‍था जाक्‍ब मुर आन कली पाको सेल्‍‍ने मचाप्‍ब। हिब्रू ८:५

प्रकाश 22:17

मिनु परमप्रभु यावे आ सोक्‍त नु ग्‍युम्‍लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्‍नी, पिने। मिनु ब्रोंइचा गेब ब्‍वाक्‍कु मोशा तूङीन। यसैया ५५:१; यूहन्‍ना ७:३७