१ कोरिन्‍थी 10:27 - Sunuwar Bible

²⁷ मिनु ख्रीस्‍त कली थमा मसुइक्‍बपुकीमी इन कली खमे जथ ब्रेम्‍मानु, गे लचा थुं पा लाइतीनी हना, मारेइ हिल्‍लो मपथु, ममिम्‍थु ग्‍येरसीशा जने ब्‍वने।

१ कोरिन्‍थी 10:27 ပူးပေါင်းရင်းမြစ်များ

लूका 15:23

मिनु दोम्‍शो बाछा क्‍योरशा, क्‍येशा जचा तूचा सेल्‍शा, नेल्‍ल ग्‍येरसय।

लूका 19:7

मेकोमी मोदेंशो पशो तशा, मेकेर बाक्‍बपुकीमी “मेको पापी आ खिंम ओव़शा बास बाक्‍त” दे आन थुं मनुथु, लोव़ पामे बाक्‍त। लूका १५:२

१ कोरिन्‍थी 10:25

श्‍ये ब्‍वचा आ पर्बम “श्‍ये ग्‍याप्‍थ लनीनु ‘चढ़ेशो श्‍ये कों’ दे हिल्‍लो मपने। मारेइ ममिम्‍थु ग्‍यापीन” दे शेंनन्‍नी। रोमी १४:२-१०,२२

२ कोरिन्‍थी 1:13

मिनु गो इन कली नेल्‍ल रुप्‍चा ङा नु पढेचा ङा लोव़ ब्रेक्‍नीकी। मुल गे नेल्‍ल रुप्‍तीनी, दे गो आस पाइनुङ।

२ कोरिन्‍थी 4:2

गोपुकीमी मुने दोक्‍तीक ख्रुइश्‍शा पतीक गेय प्रोंइशो बाक्‍नीक। मरिम्‍शो पा परमप्रभु यावे आ लोव़ फाइक्‍चा रे ङोन बाक्‍नीकी। तन्‍न परमप्रभु यावे आ लोव़ तुइक्‍पाइक्‍तीकेमी मुर नेल्‍ल नु परमप्रभु यावे आ ङोंइती ब्रचा ङा बाक्‍नीकी। २कोरिन्‍थी २:१७; १थिस्‍सलोनिकी २:५

२ कोरिन्‍थी 5:11

गोपुकी प्रभु कली मान पा हिंशा तुइक्‍तीके गो मुर आन कली शेंनीकी। परमप्रभु यावेमी आंइ पशो नेल्‍ल तुइक्‍ब। मिनु गे यो तुइक्‍नीनी, दे आस पाइनीकी।