१ कोरिन्‍थी 10:23 - Sunuwar Bible

²³ मारेइ मारेइ ठीक बाक्‍ब। तन्‍न गेय का निक्‍शी चहिं इन कली रिम्‍शो मदुम्‍ब। मारेइ मारेइ ठीक बाक्‍तेक्‍म हना यो, का निक्‍शीम इन थमा सुइक्‍तीक मबारपाइक्‍नीम। १कोरिन्‍थी ६:१२

१ कोरिन्‍थी 10:23 ပူးပေါင်းရင်းမြစ်များ

रोमी 14:15

गे मार मार जशा ब्‍वशा, इ लोक्‍ब आ थुं खाइक्‍पाइक्‍नेवे हना, इ मदाक्‍तीके कोंइनेवे। इ जचा थोव़कम पतीके इ ख्रीस्‍त बेक्‍शो लोक्‍ब कली खतम मसेलो। १कोरिन्‍थी ८:११-१३

१ कोरिन्‍थी 14:12

गे इन दातेमी मोदेंशो बाक्‍ब। परमप्रभु यावे आ सोक्‍तीम पपाइश्‍शो गेय पचा दाक्‍ताक्‍नी हना, गे इन ग्रुम्‍तीक खिं ङा मुर आन थमा सुइक्‍तीक बोल्‍यो दुम्‍चा कली गेय पने।

१ कोरिन्‍थी 14:17

इन लोव़ रिम्‍शो बाक्‍त हना यो, अर्को मुर आ थुं मबारपाइश्‍शो बाक्‍त।

१ कोरिन्‍थी 14:26

आं लोक्‍बपुकी, मुल मार देंनुङ देंशा हना, गे खुम्‍सीशा बाक्‍नीनु, नेल्‍ल इन के गेय का का बाक्‍ब। कामी परमप्रभु यावे कली कुम्‍सो पाइब, कामी लोव़ शेंबा, कामी नोले दुम्‍तीक लोव़ पाइब, कामी परमप्रभु यावे आ सोक्‍त आ लोव़ पाइब नु अर्कोमी मेको लोव़ आ अर्थ शेंब। मेको गेय नेल्‍ल थुं बारपाइक्‍चा कली दुम्‍ल। १कोरिन्‍थी १२:८-१०; एफिसी ४:१२

१ कोरिन्‍थी 6:12

गो मार गेय पचा दाक्‍तु, मेको पने चाप्‍नुङ। तन्‍न गेय का निक्‍शी आं कली रिम्‍शो मदुम्‍ब। गो मारेइ पने चाप्‍ता हना यो, मरिम्‍शो पतीक आ वाइल मदुम्‍नुङ। १कोरिन्‍थी १०:२३

१ कोरिन्‍थी 8:1

मूर्ति कली चढ़ेशो श्‍ये ब्‍वचा आ पर्बम गो नेल्‍लेमी तुइक्‍नय। गो शुश तुइक्‍ब नकी, दे तुइश्‍शोमी मुर आन कली बोरशा ठेयब लेप्‍पाइक्‍ब। दाक्‍मुशा बाक्‍शोमी चहिं नेल्‍ल आन कली रिम्‍शो दुम्‍ब, नेल्‍ल आन थुं बारपाइक्‍ब। प्रेरित १५:२९

१ कोरिन्‍थी 8:9

मोदेंशो तुइक्‍ताक्‍नी हना यो, होस पांइसीने। मारदे हना का निक्‍शीमी इन कली तशा, आन थुं क्‍याल्‍तेक्‍म। गलाती ५:१३

२ कोरिन्‍थी 12:19

“पावल नु आ वारचपुकीमी ब्रोंइचा कली लोव़ पाइबाक्‍तेक्‍म” देंशो मिम्‍ताक्‍नी हना, गे दूली मिम्‍ताक्‍नी। आंइ दाक्‍शो लोक्‍बपुकी, गो इन कली शेंशा लोव़ पकानु, परमप्रभु यावे आ ङोंइती जिम्‍मा ब्रशा ख्रीस्‍त आ अधिकार तशा, इन कली रिम्‍शो दुम्‍ल, दे मिम्‍शा शेंताक्‍क।

एफिसी 4:29

गेपुकी नना ओल लोव़ काइ मपने। मुर आन कली रिम्‍शो दुम्‍ब नु गारचा ङा लोव़ ला पने। मुरपुकीमी इन रिम्‍शो लोव़ नेन्‍मेनु, परमप्रभु यावे आ शिशी रुप्‍मेक्‍ल। एफिसी ५:४; कलस्‍सी ४:६

१ थिस्‍सलोनिकी 5:11

मोपतीके अरेपमुशा, इन थुं बारपमुने। गेपुकी मोदेंशो पना पन यो बाक्‍तीनी। हिब्रू ३:१३

१ तिमोथी 1:4

मेकोपुकीमी मुरुमी सेल्‍शो लाइश्‍शो कथा नु किकी पिपी आन पर्बम शेंना शेंन बाक्‍नीम। मोदेंशो शेंतीके काम मलाप्‍चा ङा बाक्‍शा, परमप्रभु यावे आ शेंशो थमा सुइक्‍तीके मबारपाइक्‍ब। १तिमोथी ४:७