१ कोरिन्‍थी 10:16 - Sunuwar Bible

¹⁶ गो कचौरा कली आसीक गेनीकी। मेको आसीक ङा कचौरा रे तूयानु, ख्रीस्‍त आ हुश मिम्‍शा, आ मुर दुम्‍शा, मेको नु काथा बाक्‍शो दुम्‍नय। गोपुकीमी शोब्‍ले जिक्‍शा योक्‍शा जयानु, ख्रीस्‍त आ रां मिम्‍शा, आ मुर दुम्‍शा, काथा बाक्‍शो दुम्‍नय। १कोरिन्‍थी ११:२३-२६; मत्ती २६:२७; प्रेरित २:४२

१ कोरिन्‍थी 10:16 ပူးပေါင်းရင်းမြစ်များ

लूका 22:17

मिनु कचौरा शेशा “गे रिम्‍शो पाइब बाक्‍नीनी” दे प्रार्थना पशा “ताक्‍शा, का का पा तूङीन।

प्रेरित 2:42

मिनु नेल्‍ल काथा बाक्‍शा, सोइश्‍शोपुकीमी शेंशो लोव़ शेंसीशा, प्रभु भोज जशा, प्रार्थना पना पन बाक्‍बाक्‍मा बाक्‍त। प्रेरित २०:७

प्रेरित 2:46

मिनु नाक्‍त किंत किंत परमप्रभु यावे आ खिंमी ग्रुम्‍शा शेंसीबाक्‍मा बाक्‍त। खिं खिं हिरशा, प्रभु भोज जाइबाक्‍मा बाक्‍त। हाइश्‍शो थुं ङा दुम्‍शा, जचा तूचा योक्‍शा, ग्‍येरसीशो दुम्‍शा,

प्रेरित 20:11

मिनु लेश्‍शा कुशा, प्रभु भोज जने थुम्‍शा नां दाप्‍ची सम्‍म शेंना शेंन बाक्‍त। मिनु गो आंइ लची जाक्‍मेनु,

प्रेरित 20:7

आइतबार नाक्‍त प्रभु भोज जथ खुम्‍साक्‍क। मिनु पावलमी दीसा लचा माल्‍ब देंशा, नाक्‍दो उइक्‍थ दुम सम्‍म शुश लोव़ पाप्‍तु। मत्ती २८:१; प्रेरित २:४२,४६

१ कोरिन्‍थी 1:9

परमप्रभु यावेमी इन कली आ तौ इं प्रभु येसु ख्रीस्‍त नु गेना हना यो काथा बाक्‍चा कली योव़तु। मिनु आ देंशो लोव़ नेल्‍ल खाप्‍ब। १थिस्‍सलोनिकी ५:२४

१ कोरिन्‍थी 10:15

गो लोव़ रुप्‍ब मुर आन कली लोव़ पाइनुङ। मोपतीके आं देंशो ठीक बाक्‍बा कों, ठीक मबाक्‍बा, मिम्‍ने चाप्‍नीनी।

१ कोरिन्‍थी 12:13

परमप्रभु यावे आ सोक्‍तीम पतीके यहूदी, ग्रीक, वाइलीम वाइल, होव़प नु गो नेल्‍ल परमप्रभु यावे आ सोक्‍त ङा दुम्‍तय। गलाती ३:२८

हिब्रू 3:14

इं ङोंइती नाक्‍त ङा थमा सुइक्‍तीके नोले सम्‍म मप्रोंइतय हना, गो ख्रीस्‍त नु थुं का ङा दुम्‍शा बाक्‍नय। हिब्रू ६:११

१ यूहन्‍ना 1:3

मिनु आंइ तशो नु नेंशो इन कली शेंनीकी। मारदे हना गो नेल्‍ल थुं का ङा दुम्‍यल। मिनु गो नेल्‍ल इं आफ परमप्रभु यावे नु आ तौ येसु ख्रीस्‍त नु थुं का ङा बाक्‍नय।

१ यूहन्‍ना 1:7

मेको छेङछेङमी बाक्‍शो खोदेंशो पा, गो छेङछेङमी गाक्‍तय हना, अर्को थमा सुइक्‍बपुकी नु थुं का ङा दुम्‍नय। मिनु आ तौ येसु आ हुशेमी इं मरिम्‍शो पशो नेल्‍ल क्‍याम्‍ब। हिब्रू ९:१४; प्रकाश १:५