१ कोरिन्‍थी 1:8 - Sunuwar Bible

⁸ इं प्रभु येसु ख्रीस्‍त जाक्‍म नाक्‍ती आ ङोंइती ठीक दुम्‍शा, इन कली सक्ति पाइश्‍शो गेय पना पन थिप्‍ब, दे तुइक्‍ताक्‍ङ। मारदे हना इन कली नेल्‍ल क्‍येङा नोले सम्‍म थमा सुइक्‍चा मप्रोंइथु रिम्‍शा बाक्‍तीक सक्ति गेब। फिलिप्‍पी १:६; १थिस्‍सलोनिकी ३:१३

१ कोरिन्‍थी 1:8 ပူးပေါင်းရင်းမြစ်များ

भजन संग्रह 37:17

मारदे हना परमप्रभु यावे आ अरेशो मटीब आन गुइ जिक्‍चा पुंइसीनीम। परमप्रभु यावेमी ठीक पाइब आन कली रिम्‍शो पा बाक्‍चा गेब।

भजन संग्रह 37:28

मारदे हना परमप्रभु यावेमी ठीक निसाफ दाक्‍ब। आ कली मप्रोंइब आन कली नेल्‍ल नाक्‍त गेना हना यो कोव़ब। ठीक पाइब गेना हना यो रिम्‍शो बाक्‍चा ताइनीम। तन्‍न आ अरेशो मटीब आन तमी तौ नु चच युइ तिल्‍चा पुंइसीनीम।

लूका 17:24

रागीम जरमेशोमी चिन्‍ड कोंइशा तपांइसेनु, चिला पवानु, चिलाम नां दाप्‍तीक रे नां पेरतीक सम्‍म थिशो तांइसीशो बाक्‍ब।

लूका 17:30

रागीम जरमेशो जाक्‍शा तपांइसेनु, नोआह नु लोत आस पालाम दुम्‍शो खोदेंशो दुम्‍ब।

रोमी 14:4

मुर आन गेय पाइ‍ब कली निसाफ पाइब गे सु बाक्‍ने? आ होव़पमी ला मेको कली निसाफ पाइब। मेको ठीक दुम्‍ने चाप्‍ब, मारदे हना परमप्रभु यावेमी मेको कली ठीक सेल्‍ने चाप्‍ब। मत्ती ७:१; याकूब ४:११-१२

रोमी 16:25

परमप्रभु यावेमी इन कली आ ग्‍येरपाइक्‍तीक लोव़ नु येसु ख्रीस्‍त आ पर्बम शेंतीक नेंशा, बोल्‍यो पा थमा सुइक्‍ब सेल्‍ने चाप्‍ब, दे तुइक्‍ताक्‍ङ। मोपा साइ ङा ख्रुइश्‍शो लोव़ नेल्‍ल तुइक्‍पाइश्‍शो बाक्‍ब। १कोरिन्‍थी २:७; एफिसी १:९; एफिसी ३:४-९

रोमी 8:19

परमप्रभु यावे आ सेल्‍शो नेल्‍लेमी “परमप्रभु यावे आ तमी तौ दोदेंशो बाक्‍नीमी” दे कोव़चा दाक्‍नीम। कलस्‍सी ३:४; १यूहन्‍ना ३:२

१ कोरिन्‍थी 3:13

ख्रीस्‍तम निसाफ पची नाक्‍त मार के सेल्‍तेक्‍म हना यो, मीम हुम्‍शा कोव़ब। मारदे हना मेना ख्रीस्‍तमी आ लोव़ शेंब आन गेय दोदेंशो बाक्‍मे, मीम हुम्‍शा नाक्‍ब। १कोरिन्‍थी ४:५

१ कोरिन्‍थी 5:5

मेको मुर कली सैतान आ गुइम गेचा माल्‍नीनी। मेको आ रां खतम दुम्‍त हना यो, प्रभु आ निसाफ नाक्‍तीमी ब्रोंइचा तवल। १तिमोथी १:२०

२ कोरिन्‍थी 1:13

मिनु गो इन कली नेल्‍ल रुप्‍चा ङा नु पढेचा ङा लोव़ ब्रेक्‍नीकी। मुल गे नेल्‍ल रुप्‍तीनी, दे गो आस पाइनुङ।

२ कोरिन्‍थी 1:14

गे दोपा आंइ पर्बम इन नें बोरपाइक्‍ने चाप्‍नीनी, मोपान इं प्रभु येसु आ नाक्‍ती जाक्‍मेनु, गोपुकीमी इन कली तशा, आंइ नें बोरपाइक्‍ने चाप्‍नीकी। २कोरिन्‍थी ५:१२; फिलिप्‍पी २:१६

२ कोरिन्‍थी 1:21

परमप्रभु यावेमी आंइ कली नु इन कली ख्रीस्‍तमी काथा वोइश्‍शा, आ मुर दुम्‍पाइक्‍तु, आ गेय पाइब सेल्‍तु। १यूहन्‍ना २:२७

एफिसी 5:27

मोदेंशो पा थमा सुइश्‍शा, छेङछेङ पाइश्‍शो मुरपुकी आंम कली वोइश्‍शो बाक्‍त। मेकोपुकी मारेइ मलुम्‍सीशो, मरोम्‍सीशो, थम दारशो नु परमप्रभु यावे आ मुर दुम्‍शा, दोस मताइब मुरपुकी बाक्‍नीमी। २कोरिन्‍थी ११:२; कलस्‍सी १:२२

फिलिप्‍पी 1:10

मोपा गे नेल्‍ल क्‍येङा रिम्‍शो मार में, दे तुइश्‍शा, ख्रीस्‍त आ नाक्‍ती पाप मपाइब नु दोस मताइब दुम्‍नीनी। रोमी १२:२; एफिसी ५:१०; १थिस्‍सलोनिकी ५:२३

फिलिप्‍पी 1:6

इन आगामी रिम्‍शो गेय गोइबमी येसु ख्रीस्‍त आ जाक्‍ची ना सम्‍म थुम्‍ब, दे तुइक्‍नुङ। फिलिप्‍पी २:१३; १कोरिन्‍थी १:८

कलस्‍सी 1:22

मुल येसु ख्रीस्‍तमी आ रां साइक्‍चा गेशा, इन कली परमप्रभु यावे आ मुर दुम्‍पाइक्‍तु। मोपा इन कली दोस मताइब, काइ हेंथे मपाइब, परमप्रभु यावे आ मुर सेल्‍शा, आ ङोंइती राप्‍पाइक्‍तु। एफिसी ५:२७

कलस्‍सी 2:7

खप आगामी शाक्‍‍श थोक्‍शो रवा खोदेंशो पा, ख्रीस्‍त आगा ङा बोल्‍यो मुर दुम्‍शा बाक्‍कीन। दोपा शेंसीनी, मोपा बोल्‍यो पा थमा सुइश्‍शा, परमप्रभु यावे कली “गे रिम्‍शो पाइतीनी” दे शुश देंना देंन बाक्‍कीन। एफिसी ३:१७

१ थिस्‍सलोनिकी 3:13

मोपा प्रभु येसु आ मुर नु जाक्‍ची ना इन थमा सुइक्‍तीक थुं बारपाइश्‍शा, दोस गेचा मपुंइसीब, इं आफ परमप्रभु यावे आ ङोंइती रिम्‍शो सेलल। १कोरिन्‍थी १:८; फिलिप्‍पी १:१०

१ थिस्‍सलोनिकी 5:2

मारदे हना गेपुकी प्रभु आ नाक्‍त खुइ खोदेंशो पा जाक्‍ब, दे तुइक्‍नीनी। मत्ती २४:४२-४४; २पत्रुस ३:१०; प्रकाश ३:३; प्रकाश १६:१५

२ थिस्‍सलोनिकी 2:2

इन थुं मक्‍यन। सोक्‍तीमी कोंइताक्‍व देंखु पाइनीम। आंइ ब्रेक्‍शो चिठी जाक्‍त, देंखु पाइबमी “प्रभु आ नाक्‍त जाक्‍शा नुप्‍त” दे लोव़ पाम्‍तेक्‍म हना यो, थमा मसुतीन। २पत्रुस ३:१५-१६

२ थिस्‍सलोनिकी 3:3

प्रभुमी चहिं इन कली दाक्‍शा मप्रोंइब। इन थुं बारपाइक्‍ब। मरिम्‍शो रे ङोन वोइश्‍शा, इन कली कोव़ब। १थिस्‍सलोनिकी ५:२४; यूहन्‍ना १५:१७

२ तिमोथी 1:12

मोपतीके गो यो श्‍येत जाइनुङ। तन्‍न गो मुने मपाइनुङ, मारदे हना सु कली थमा सुइक्‍नुङा मेको तुइक्‍नुङ। मेकोमी आं कली मबेक्‍ङा सम्‍म कोव़ने चाप्‍ब, दे यो तुइक्‍नुङ।

२ तिमोथी 1:18

प्रभुमी मेको कली आ निसाफ पतीक नाक्‍तीमी शिशी पवल। मेकोमी एफिसस सहरमी शुश गेय पाप्‍तु, दे यो तुइक्‍नेवे।

१ पत्रुस 5:10

मिनु का निक्‍शी नाक्‍त श्‍येत जनी नोले नेल्‍ल शिशी पाइब परमप्रभु यावेमी “गेना हना यो छेङछेङमी बाक्‍चा गेनुङमी” दे ख्रीस्‍त आ नेंमी इन कली ब्रेश्‍शो बाक्‍त। मेकोमी इन कली आ राज्‍यम गारचा ङा सक्ति पाइश्‍शो नु ठीक सेल्‍ब। १पत्रुस १:६

२ पत्रुस 3:10

प्रभु जाक्‍मेनु, खुइ जाक्‍शो खोदेंशो पा जाक्‍ब। मेना सरीङ ठेयब रेयके पा जाम्‍ब। मारेइ मारेइ ग्रोइश्‍शा नुप्‍नीम। रागी नु रागीम बाक्‍शो मारेइ मारेइ मीम खतम दुम्‍नीम। १थिस्‍सलोनिकी ५:२-३; मत्ती २४:२९; प्रकाश २०:११; यसैया २४:१९

२ पत्रुस 3:14

आं दाक्‍शो लोक्‍बपुकी, मोदेंशो रिम्‍शा, गल्‍ती मपाइब नु दोस मताइब दुम्‍चा कली शुश गेय पने। परमप्रभु यावेमी इन कली मोदेंशो पशो नु थुं नाइश्‍शा बाक्‍शो ग्रुम्‍चा दाक्‍ब। १कोरिन्‍थी १:७-८