१ कोरिन्‍थी 1:5 - Sunuwar Bible

⁵ मिनु तुइक्‍तीक नु रुप्‍तीक थुं शुश गेशा, अरु आन कली शेंब नु रुप्‍पाइक्‍ब सेल्‍तु।

१ कोरिन्‍थी 1:5 ပူးပေါင်းရင်းမြစ်များ

प्रेरित 2:4

मिनु परमप्रभु यावे आ सोक्‍तीमी सोइश्‍शो आन कली प्रिंशा, मेको आन कली आन मतुइश्‍शो लोव़ पपाइक्‍मी बाक्‍त। प्रेरित ४:३१; प्रेरित १०:४४-४६

रोमी 11:12

तन्‍न इस्राएली आन राम्‍सीतीके रागी नेल्‍ल आन कली रिम्‍शो नु अर्को रागी ङा मुर आन कली शोंप दुम्‍त हना, मेको नेल्‍लेम थमा सुदेम हना, चिनु गिश रिम्‍शो दुम वा।

रोमी 15:14

आं लोक्‍बपुकी, गे इन दातेमी दाक्‍मुशा, रिम्‍शो पा जोक्‍ब तुइक्‍ब दुम्‍शा नु शेंमुने चाप्‍ब दुम्‍शो बाक्‍नीनी, दे तुइक्‍ताक्‍ङ।

रोमी 15:4

ङोंइती ब्रेक्‍शो नेल्‍ल इं कली शेंचा कली ब्रेक्‍शो बाक्‍त। मेको लोव़ पढेशा, फाल्‍शा इं थुं बारपा, आस पा बाक्‍य। १कोरिन्‍थी १०:११

१ कोरिन्‍थी 12:10

का कली छक लाक्‍चा ङा गेय पतीक सक्ति गेब। का कली परमप्रभु यावे आ लोव़ पतीक सक्ति गेब। का कली परमप्रभु यावे आ सोक्‍त देय वोल आन सोक्‍त बाक्‍बा, दे तुइक्‍तीक सक्ति गेब। का कली परमप्रभु यावे आ सोक्‍त आ लोव़ पतीक सक्ति गेब। का कली मेको लोव़ आ अर्थ शेंतीक सक्ति गेब। १कोरिन्‍थी १४:-; प्रेरित २:४

१ कोरिन्‍थी 12:8

परमप्रभु यावे आ सोक्‍तीमी का कली जोक्‍तीक तुइक्‍तीक लोव़ पपाइक्‍ब। अर्को कली मेकोन सोक्‍तीमी शेंतीक सक्ति गेब।

१ कोरिन्‍थी 13:2

गो नु परमप्रभु यावे आ लोव़ पतीक सक्ति, ख्रुइश्‍शो लोव़ नेल्‍ल रुप्‍‍तीक सक्ति, नेल्‍ल जोक्‍तीक तुइक्‍तीक सक्ति नु डांडा याक्‍पाइक्‍तीक थमा सुइक्‍तीके बाक्‍त हना, तन्‍न गो नु दाक्‍तीक मबाक्‍त हना, गो मारेइ मनङ। मत्ती ७:२२; मत्ती १७:२०

१ कोरिन्‍थी 13:8

दाक्‍तीक गेनायो मक्‍याम्‍सीब। परमप्रभु यावे आ लोव़ पतीक जाम्‍शा लाइब। परमप्रभु यावे आ सोक्‍त आ लोव़ यो नुप्‍ब। तुइक्‍तीक सक्ति नुप्‍शा लाइब।

१ कोरिन्‍थी 14:26

आं लोक्‍बपुकी, मुल मार देंनुङ देंशा हना, गे खुम्‍सीशा बाक्‍नीनु, नेल्‍ल इन के गेय का का बाक्‍ब। कामी परमप्रभु यावे कली कुम्‍सो पाइब, कामी लोव़ शेंबा, कामी नोले दुम्‍तीक लोव़ पाइब, कामी परमप्रभु यावे आ सोक्‍त आ लोव़ पाइब नु अर्कोमी मेको लोव़ आ अर्थ शेंब। मेको गेय नेल्‍ल थुं बारपाइक्‍चा कली दुम्‍ल। १कोरिन्‍थी १२:८-१०; एफिसी ४:१२

१ कोरिन्‍थी 8:11

मिनु इन जोक्‍तीके तुइक्‍तीकेमी इन मजोक्‍ब लोक्‍ब आन कली पाप पपाइक्‍नीनी। मेको आ पर्बम ख्रीस्‍त साइक्‍चा पुंइसाक्‍व। रोमी १४:१५

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

२ कोरिन्‍थी 6:10

सुर्ता पशो, तन्‍न गेना हना यो ग्‍येरसीशो बाक्‍नीकी। प्रुङग दुम्‍शो, तन्‍न शुश आन कली शोंप सेल्‍नीकी। मारेइ मथीब दुम्‍शो, तन्‍न मारेइ मारेइमी गाप्‍शो बाक्‍नीकी। फिलिप्‍पी ४:१२-१३

२ कोरिन्‍थी 8:7

गे मार पाइतीनी हना यो, शुश पाइतीनी। इन थमा सुइक्‍चा, इन लोव़ पस जोक्‍चा, इन तुइक्‍चा, इन रिम्‍शो गेय पतीके नु इन आंइ कली दाक्‍तीकेमी शुश गेय पाइनीनी। मुल गे मेको दाक्‍तीक गेयमी यो रिम्‍शो गेय कोंइताक्‍नी। १कोरिन्‍थी १:५; १कोरिन्‍थी १६:१-२

२ कोरिन्‍थी 9:11

मिनु गे शुश थीब दुम्‍शा, हाइश्‍शा गेशो तशा, गो परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍नीकी।

एफिसी 1:17

मार लोव़ पना पन बाक्‍नुङ देंशा हना “परमप्रभु यावे, आंइ प्रभु येसु ख्रीस्‍त आ आफ ननी। गे नेल्‍ल छेङछेङ ङा आफ बाक्‍नीनी। गे एफिसस ङा थमा सुइक्‍ब आन कली येसु ख्रीस्‍त कली तुइक्‍तीकेमी रिम्‍शो गेय पस जोक्‍तीके नु नोले मार दुम्‍बा तुइक्‍तीक सोक्‍त गेने।

एफिसी 2:7

मुरुमी मिम्‍ने मचाप्‍चा ङा ठेयब शिशी आंम आ दाक्‍तीकेमी ख्रीस्‍त येसु रे नोले ङा मुर आन कली कोंइचा कली पाप्‍तु। एफिसी १:७

एफिसी 3:8

गो परमप्रभु यावे आ मुर नेल्‍ल आन क्‍येङा आइक्‍च बाक्‍नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्‍त आ शिशी गिश ठेयब बाक्‍बा तुइक्‍पाइक्‍मी” दे शेंब सेल्‍ती। १कोरिन्‍थी १५:९-१०; गलाती १:१६; एफिसी १:७

एफिसी 6:19

आं पर्बम यो पुनीन। आं कली मिम्‍शा, मार पुनीन देंशा हना, येसु ख्रीस्‍त आ पर्बम ङोंइती ख्रुइश्‍शो ग्‍येरपाइक्‍ब लोव़ मुल गो महिंथु, शेंने चबुल, दे पुनीन। कलस्‍सी ४:३; २थिस्‍सलोनिकी ३:१; प्रेरित ४:२९

फिलिप्‍पी 1:9

आं प्रार्थना मार बाक्‍ब देंशा हना, इन दाक्‍चा शुश बारशा, रिम्‍शो नु मरिम्‍शो मार बाक्‍बा से रुप्‍‍ने चाप्‍नील, दे पुंइशा, परमप्रभु यावे नु लोव़ पचा बाक्‍ब। फिलेमोन ६

कलस्‍सी 2:3

रुप्‍तीके तुइक्‍तीके नेल्‍ल ख्रीस्‍त आगाम ख्रुइश्‍शो बाक्‍नीम। १कोरिन्‍थी १:२४,३०

कलस्‍सी 3:10

रिम्‍शो पाइब नक मुर दुमीन। परमप्रभु यावेमी इन थुं आ थुं खोदेंशो पा नक सेल्‍ना सेल्‍न बाक्‍ब। मारदे मो पाइब देंशा हना, आंम कली नेल्‍ल तुइक्‍पाइक्‍चा कली मोदेंशो पाइब। एफिसी ४:२४; उत्‍पत्ती १:२६-२७

याकूब 3:13

मिनु इन दातेमी सु निप्‍स पाइश्‍शो नु रुप्‍तीक थुं पाइश्‍शो मुर बाक्‍मा, मेकोमी आ गेय रे पा आ ब्रेम्‍तीके रुप्‍तीक थुं रे जाक्‍ब, दे कोंइदल।

२ पत्रुस 3:18

तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।