१ कोरिन्‍थी 1:31 - Sunuwar Bible

³¹ मोपतीके “प्रभु आ पतीके इं नें बोरपाइय्‍य” दे साइ नेसी देंशो लोव़ मिम्‍शा, परमप्रभु कली ठेयब सेल्‍य। येरमीया ९:२२-२३; २कोरिन्‍थी १०:१७

१ कोरिन्‍थी 1:31 ပူးပေါင်းရင်းမြစ်များ

१ इतिहास 16:10

मेको आ ठेयब नें आ पर्बम ग्‍येरसीन। परमप्रभु यावे कली माल्‍बपुकीमी ग्‍येरसीन।

१ इतिहास 16:35

मिनु गेपुकीम ‘आंइ कली श्‍येत रे प्रोनीन। गे आंइ कली प्रोंइब परमप्रभु बाक्‍नीनी। आंइ कली रागी रागी रे खुप्‍शा, प्रोंइकी’ दे यो देनीनी। गोपुकीमी इन कली ‘गे रिम्‍शो पाइब बाक्‍नीनी’ देंशा इन नें ठेयब सेल्‍शा, ग्‍येरशा बाक्‍नीकी।

भजन संग्रह 105:3

गे परमप्रभु आ नें तुइक्‍तीके ग्‍येरसीन। परमप्रभु यावे कली माल्‍ब आन थुं ग्‍येरसीमल।

भजन संग्रह 34:2

परमप्रभु यावे कली मिम्‍तीके आं थुं बारशा, ग्‍येरब। ब्रेम्‍शो थुं पाइश्‍शोपुकी यो एको नेंशा, ग्‍येरसीनीम।

यसैया 41:16

गे मेको आन कली हारशा, फशेम योल्‍पाइक्‍नेवे। मिनु फश गिवारम मेको आन कली एर ओंथ फ्रशा योल्‍ब। मेना गे परमप्रभु यावे कली तुइश्‍शा, ग्‍येरनेवे। इस्राएली आन का ला बाक्‍शो परमप्रभु आ मुर दुम्‍‍शा, ग्‍येरसीनेवे” देंत।

यसैया 45:25

इस्राएल आ चच युइ नेल्‍लेम ‘परमप्रभु यावेमी इं कली ठीक सेल्‍ब। गोपुकी आ मुर दुम्‍तय’ दे ग्‍येरसीनीम” देंत। येरमीया ९:२२-२३

येरमीया 4:2

कसम जची ना गेपुकीम ‘परमप्रभु यावे ब्रोंइशा बाक्‍शो खोदेंशो पा’ दे कसम जाइतीनी हना, गे थमा लोव़ पा, ठीक निसाफ पाइब नु रिम्‍शो थुं पाइब मुर दुम्‍तीनी हना, रागी रागी ङा मुर परमप्रभु आ नें थि‍शा आसीक पमुइनीम। मिनु मेकोपुकी आ आल दुम्‍तीके ग्‍येरसीनीम” देंत। ब्‍यवस्‍था १०:२०; यसैया ६५:१६

रोमी 4:2

गेय पशा, ठीक दुम्‍शो हना, मुर आन कली “गो रिम्‍शो पाइब नङ” देंने चाप्‍ब वा। तन्‍न परमप्रभु यावे कली चहिं मो देंने मचबा बाक्‍त।

१ कोरिन्‍थी 4:6

आं लोक्‍बपुकी, गे परमप्रभु यावे आ लोव़ रिम्‍शो पा टिने चाप्‍नीनी, दे गो मेको नेल्‍ल पाइतक। गे “गो पावल आ शेंशो शेंसीब नङ” अरुमी “गो आपोल्‍लोस आ शेंशो शेंसीब नङ” दे ठेयब लेश्‍शा, इन नें मबोरपतीने। रोमी १२:३

२ कोरिन्‍थी 10:17

सु बोरनीमी, मेको प्रभु आ पर्बम नें बोरपदमेक्‍ल। येरमीया ९:२३-२४; १कोरिन्‍थी १:३१

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९