१ कोरिन्थी 1:30 - Sunuwar Bible30 मेकोमी येसु ख्रीस्त आ नेंमी इन कली ब्रोंइचा गेब। मेको इन जोक्तीक तुइक्तीक, इन ठीक पतीके, परमप्रभु यावे आ मुर दुम्तीके नु पाप रे प्रोंइतीके बाक्ब। येरमीया २३:५-६; २कोरिन्थी ५:२१; यूहन्ना १७:३९; मत्ती २०:२८ အခန်းကိုကြည့်ပါ။ |
१ कोरिन्थी 1:30
76 ပူးပေါင်းရင်းမြစ်များ
इ मुर नु परमप्रभु आ सहर ७० हप्ता सम्म श्येत जचा माल्नीम। मिनु मे नोले मरिम्शो नु पाप पतीके नुप्ब। मेना अरेशो मटितीके क्याम्तीके गेय पशो बाक्ब। मिनु ठीक पतीके गेना हना यो लीब। मिनु मेको कोंइतीक नु परमप्रभु यावे आ लोव़ पाइब कली छाप थोक्शा नोले परमप्रभु आ बाक्तीक लेंशा सेल्शा तेल ख्रेक्नीम।
गे कोरिन्थ सहर ङा ख्रीस्त येसुमी योव़चा पुंइसाक्नी। मोपतीके योव़शोपुकी दे ब्रेत्चा पुंइसीनीनी। गेपुकी ला ममाइ, ते ते इं प्रभु येसु ख्रीस्त आ नेंमी खुम्सीनीमी, मेक मेक ङा मुरपुकी यो इन खोदेंशो पा योव़शा, योव़शोपुकी दे ब्रेत्चा पुंइसीनीम। येसु ख्रीस्त आंइ प्रभु, इं प्रभु, थमा सुइक्ब नेल्ल आन प्रभु बाक्ब। मिनु आ नेंमी गो नेल्ल का दुम्तय। १कोरिन्थी ६:११; प्रेरित ९:१६; प्रेरित १८:१-१७
ख्रीस्त आ लोव़ खोत ब्रेक्शा वोतीन। गेपुकीमी शुश तुइश्शा, शेंमुशा थुं बारपमुने। परमप्रभु यावे आ लोव़ ङा कुम्सो, परमप्रभु यावे कली “गे ठेयब बाक्नीनी” दे पशो कुम्सो नु परमप्रभु यावे आ सोक्तीमी इन कली शेंशो कुम्सोमी “गे रिम्शो पाइब बाक्नीनी” दे इन थुंमी परमप्रभु यावे कली कुम्सो पने। एफिसी ५:१९
येसु ख्रीस्तम आंम कली काइ ममिम्थु, साइक्चा पुंइसाक्व। मारदे साइक्चा पुंइसाक्व देंशा हना, इं कली मटितीके रे प्रोंइचा कली साइक्चा पुंइसाक्व। मिनु इं कली परमप्रभु यावे आ योव़शो मुर सेल्चा नु इं कली शुश रिम्शो गेय पपाइक्चा कली आंम कली साइक्चा, दे जिम्मा गेसाक्व। गलाती १:४; १तिमोथी २:६; प्रस्थान १९:५; एफिसी २:१०
मिनु मेकोपुकीमी पाठा कली नक कुम्सो का पाम्तेक्म। मार नक कुम्सो पाम्तेक्म देंशा हना “मेको कागज ताक्ने नु प्राक्ने चाप्ब, गे का ला ननी। मारदे हना गे मुर आन कली परमप्रभु यावे आ नेक्था बाक्पाइक्चा कली ग्याप्तीनी। दोपा ग्याप्तीनी देंशा हना, साइक्चा पुंइसीशा, इन हुश शाइश्शा ग्याप्तीनी। मिनु गे मार मुर ग्याप्तीनी देंशा हना, नेल्ल थर रे, नेल्ले लोव़ रे, नेल्ल जात रे नु नेल्ल रागी रे मुरपुकी ग्याप्तीनी। भजन संग्रह ३३:३
ကြော်ငြာတွေ