१ कोरिन्‍थी 1:20 - Sunuwar Bible

²⁰ जोक्‍ब तुइक्‍ब सु सु नमी? पढेस जोक्‍ब सु सु नमी? सिनाक्‍त मुलाक्‍त शुश लोव़ पा ग्राब सु नमी? लो, मिम्‍तीने। एको रागी ङा जोक्‍ब तुइक्‍ब लोव़ कली परमप्रभु यावेमी फश लोव़ मसेला ङा? मत्ती ११:२५; रोमी १:२२

१ कोरिन्‍थी 1:20 ပူးပေါင်းရင်းမြစ်များ

२ सामुएल 15:31

मिनु दाऊद कली अहीथोफेल मरिम्‍शो पाइ‍ब आन दातेम अब्‍सालोम नु बाक्‍त देंशो लोव़ नेंपदमे बाक्‍त। मिनु दाऊदम “परमप्रभु यावे अहीथोफेल आ अर्ती शोर गाक्‍शो सेलीन” दे पुंना बाक्‍त। २सामुएल १७:१४

२ सामुएल 16:23

मेना मुरपुकीम अहीथोफेल आ अर्ती परमप्रभु आ लोव़ खोदेंशो मिम्‍बाक्‍मा बाक्‍त। मोपतीके दाऊद नु अब्‍सालोमम अहीथोफेल आ अर्ती ठेयब मिम्‍बाक्‍‍सा बाक्‍त।

२ सामुएल 17:14

मिनु अब्‍सालोम नु इस्राएली नेल्‍लेमी “अहीथोफेल आ अर्ती क्‍येङा अरकी आ हुशाइमी गेशो अर्ती रिम्‍शो बाक्‍ब” देंमा बाक्‍त। मारदे हना परमप्रभु यावेमी अहीथोफेल आ अर्ती क्‍याम्‍शा, अब्‍सालोम कली खतम पोक्‍चा कली मो पवा बाक्‍त। २सामुएल १५:३१-३४

२ सामुएल 17:23

मिनु अहीथोफेलमी आ अर्ती ङा लोव़ मबिश्‍शो तुइश्‍शा, आ गधा ठीक पा आ सहर ङा खिं लमाक्‍त। मिनु आ खिं ङा मुर आन कली देंचा माल्‍शो लोव़ देंशा, आं चहिं ग्‍युक्‍शा बेक्‍माक्‍त। मेको मोपा बेक्‍शा आ आफ आ तुरसुम थिम्‍चा पुंइसे बाक्‍त। १सामुएल ३१:४; १राजा १६:१८; मत्ती २७:५

अय्‍युब 12:17

मेकोमी अर्ती गेब आन कली मुने दोक्‍पाइक्‍ब। मिनु निसाफ पाइब आन कली मूर्ख सेल्‍ब।

अय्‍युब 12:20

थमा सुइक्‍चा पुंइसीशो शेंब आन कली सिक्‍सी पपाइक्‍ब। खाल्‍पा आन तुइक्‍तीक लोव़ शोर गाक्‍शो सेल्‍ब।

अय्‍युब 12:24

रागी ङा हुकुम पाइब आन कली मरुप्‍ब सेल्‍‍ब। मिनु नोले मेको आन कली लां मबाक्‍शो गोरशो रागीम एर ओंथ हिरपाइक्‍ब।

यसैया 33:18

मिनु गेपुकी इन ङोंइती ङा हिंतीके मिम्‍नीनी। हिक्‍ब मुर ते लमा? क्‍येट पोक्‍ब मुर ते लाक्‍ग‍मे? मिनु मेको लाइश्‍शो खिं हिक्‍ब ते बाक्‍मा?

यसैया 44:25

गो जोल पाइब आन नोले दुम्‍ब लोव़ शोर गाक्‍शो सेल्‍नुङ। लिंक्‍यु कोव़ब आन निप्‍स क्‍यातामी। जोक्‍ब तुइक्‍ब आन कली दिप्‍शा, मेको आन जोक्‍तीके तुइक्‍तीके नेल्‍ल मूर्ख सेल्‍ता। यसैया २९:१४

यसैया 53:1

आंइ नेंशो लोव़ सुम थमा सुदमे ङा? मिनु परमप्रभु यावे आ सक्ति सुम तामे ङा? यूहन्‍ना १२:३८; रोमी १०:१६; यसैया ५२:१०

येरमीया 10:7

गे रागी रागी ङा पिप, इन कली सुम मान पा महिंनीमी ङा? गे मान पाइक्‍चा शिरशो बाक्‍नीनी। रागी रागी ङा मुर आन जोक्‍ब तुइक्‍ब नु मेको आन राज्‍य नेल्‍लेमी इन खोदेंशो सुइ मबाक्‍नीम।

मत्ती 13:22

चू घारीम जुक्‍शा सुम्‍शो खोदेंशो बाक्‍त हना, लोव़ नेंब। तन्‍न दोपा ठेयब दुम्‍नुङा? दोपा क्‍येट चेमु? दे मिम्‍शा, आ थमा सुइक्‍तीके देक्‍ब। मिनु नेंशो लोव़मी फल मसिप्‍ब। मत्ती ६:१९-३४; १तिमोथी ६:९

यूहन्‍ना 12:31

मुल रागी नेल्‍ल ङा मुर आन कली निसाफ पची नाक्‍त जाक्‍त। मुल रागी कली हुकुम पाइब कली तिल्‍नीम। यूहन्‍ना १४:३०; यूहन्‍ना १६:११; लूका १०:१८

प्रेरित 17:18

मोपा मुर आन कली ग्रुमानु, इपीक्‍युरीपुकी, स्‍तोइकीपुकी नु यो ग्रुम्‍शा लोव़ पवा बाक्‍त। मेकोपुकीमी पावल आ शेंशो नेंशा का निक्‍शीमी “एकोमी मार हेंथे फश लोव़ पना पन गाक्‍बाक्‍मे” देंमा बाक्‍त। का निक्‍शीमी चहिं “फश लोव़ ममाइ। मुल सम्‍म इं मतुइश्‍शो देवता आ पर्बम शेंबाक्‍त” देंमा बाक्‍त। देवता आ पर्बम शेंबाक्‍त, दे मारदे देंमा बाक्‍त देंशा हना, पावलमी “येसु आ ग्‍येरपाइक्‍ब लोव़ नु बेक्‍शो रे सेंसीशा ब्रोंइत” दे शेंबाक्‍माक्‍त। १कोरिन्‍थी ४:१२

रोमी 1:20

मिनु रागी सेल्‍चा रे मतांइसीशो नु गेना हना यो सक्ति पाइश्‍शो परमप्रभु यावे आ सरीङ नु रागीमी सेल्‍शो मार मार रे तुंइसीब। मोपतीके मेकोपुकीम मतुइक्‍तक देंशा, माफ पुंइने मचाप्‍नीम। भजन संग्रह १९:२; हिब्रू ११:३

रोमी 1:22

मजोक्‍थु यो ठेयब लेश्‍शा बोरशा “गो शुश जोक्‍ब ठेयब नकी” देंतेक्‍म। मोपा मूर्ख दुम्‍तेक्‍म। १कोरिन्‍थी १:२०

१ कोरिन्‍थी 1:19

मिनु “जोक्‍ब आन कली आन जोक्‍शो क्‍याम्‍शा, तुइक्‍ब आन कली आन तुइश्‍शो साम्‍शा गेनुङमी” दे ब्रेक्‍शो बाक्‍ब। यसैया २९:१४

१ कोरिन्‍थी 1:26

आं लोक्‍बपुकी, परमप्रभु यावेमी इन कली मारदे योव़ङा? इन पढेशो तशा देय, इन जोक्‍शो तुइश्‍शो तशा? गे शुश सक्ति पाइश्‍शो यो मननी। ठेयब खिं ङा मुर यो मबाक्‍नी। लो, मेको मिम्‍तीन। यूहन्‍ना ७:४८; याकूब २:१-५

१ कोरिन्‍थी 1:27

तन्‍न परमप्रभु यावेमी जोक्‍ब तुइक्‍ब आन कली मुने तोक्‍चा कली मजोक्‍ब मतुइक्‍ब मूर्ख आन कली योव़तीमी। परमप्रभु यावेमी अधिकार सक्ति पाइश्‍शो आन कली मुने तोक्‍चा कली अधिकार सक्ति मपाइश्‍शो आन कली योव़तीमी।

१ कोरिन्‍थी 1:28

परमप्रभु यावेमी रागी ङा महिक्‍सीशो आइक्‍च आन कली योव़तु। मारदे हना हिक्‍सीशो नु ठेयब आन कली मुने तोक्‍चा कली मो पाप्‍तु।

१ कोरिन्‍थी 11:32

तन्‍न प्रभुमी आंइ कली नाक्‍शा सजाइ गेब। मेको शेंचा कली बाक्‍ब। मोपा रागी ङा मुर नु काथा बाक्‍शा, जाम्‍शा मलाइनीकी। हितोपदेस ३:११-१२

१ कोरिन्‍थी 2:6

मो हना यो गो जोक्‍तीक तुइक्‍तीक लोव़ रुप्‍ब आन कली लोव़ पाइनीकी। तन्‍न रागी ङा नु सासन पाइब आन जोक्‍तीक तुइक्‍तीक ङा लोव़ चहिं ममाइ। मारदे हना मेको बेक्‍शा लाइनीम।

१ कोरिन्‍थी 2:8

मेको लोव़ रागी ङा ठेयब मुरपुकीमी मरुबेम। रुप्‍तेक्‍म हना, सक्ति पाइश्‍शो प्रभु कली शीम केप्‍शा कांटी थोक्‍शा क्‍याइश्‍शा मसदेम वा।

१ कोरिन्‍थी 3:18

सुइमी आंम कली जोल मपांइसेक्‍ल। इन दातेमी सुइमी आंम कली जोक्‍ब तुइक्‍ब मिम्‍साक्‍व हना, मेको मूर्ख दुम्‍ल। मोपा ला जोक्‍ब तुइक्‍ब दुम्‍ने चाप्‍ब। प्रकाश ३:१७-१८

१ कोरिन्‍थी 3:19

एको रागी ङा जोक्‍तीक तुइक्‍तीक परमप्रभु यावे आ ङोंइती मूर्ख लोव़ बाक्‍ब। मार ब्रेक्‍शो बाक्‍ब देंशा हना “जोक्‍ब तुइक्‍बपुकी आंम आन जोक्‍तीक तुइक्‍तीक गेयमी आंम कली ग्‍याइक्‍पांइसीनीम” दे ब्रेक्‍शो बाक्‍ब। अय्‍युब ५:१३

१ कोरिन्‍थी 6:2

थमा सुइक्‍बपुकीमी नेल्‍ल रागी ङा मुर आन कली निसाफ पाइनीम देंशो लोव़ मतुइक्‍नीनी ङा? गे रागी ङा मुर आन कली निसाफ पाइतीनी हना, इन दाते ङा आइक्‍च लोव़ गारपाइक्‍ने मचाप्‍नीनी ङा? मत्ती १९:२८

याकूब 4:4

गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५