१ इतिहास 9:31 - Sunuwar Bible

³¹ मिनु लेवी आ थर ङा कोराह आ खिं ङा मुर शाल्‍लुम आ ङोंइती थिशो तौ मत्तीथ्‍याहमी शोब्‍ले सेल्‍तीक गेय पाइब बाक्‍माक्‍त।

१ इतिहास 9:31 ပူးပေါင်းရင်းမြစ်များ

उत्पत्ती 19:3

मिनु लोतमी शुश लोव़ पवा नोले आ खिंमी बास बाक्‍सा बाक्‍त। लोतमी मेको आस कली ब्रोव़ब्रोव़शो क्‍येशा, बोरब ओख्‍ती मसुप्‍शो शोब्‍ले सेला बाक्‍त। मिनु जाम्‍से बाक्‍त।

१ इतिहास 23:29

मिनु मेकोपुकीमी चढ़ेशो शोब्‍ले वोइक्‍चा कली, अन्‍न चढ़ेतीक ङा रिम्‍शो फसी, बोरब ओख्ती मसुप्‍शो शोब्‍ले, तेल ब्‍वाइश्‍शो चढ़ेतीक, नेल्‍ल नाक्‍तीक गेयम वारच पचा माल्‍बाक्‍मा बाक्‍त।

१ इतिहास 9:17

लाप्‍चो खाल पाइबपुकी शाल्‍लुम, अक्‍कुब, ताल्‍मोन नु अहीमान बाक्‍मा बाक्‍त। मिनु आन लोक्‍ब शाल्‍लुम आन ठेयब मुर बाक्‍माक्‍त।

१ इतिहास 9:19

शाल्‍लुम आ आफ कोरे, कोरे आ आफ एब्‍यासाफ, एब्‍यासाफ आ आफ कोराह बाक्‍मा बाक्‍त। कोराह आ खिं खिं ङा मुर गेय आन ठेयब मुर बाक्‍तेक्‍म। मिनु परमप्रभु यावे आ ताम्‍बु आ ओव़तीक खाल पाइब आन किकी पिपी खोदेंशो पाइब बाक्‍मा बाक्‍त। २इतिहास ३४:९

१ इतिहास 9:22

मेको नेल्‍ल लाप्‍चो खाल पाइब योव़शो सहे निक्‍शी १२ जना मुर बाक्‍मा बाक्‍त। मेको आन नें आन गाउं गाउंमी ब्रेक्‍तीकेम ब्रेक्‍शो बाक्‍मा बाक्‍त। दाऊद नु परमप्रभु यावे आ लोव़ पाइब सामुएलम थमा सुइक्‍चा पुंइसीशो मुर आन कली मेको गेय गेम्‍से बाक्‍त। १सामुएल ९:८-११

१ इतिहास 9:26

मिनु मेको लाप्‍चो खाल पाइब आन कली कोव़ब ठेयब मुर लेवी आ मुर ४ जना बाक्‍मा बाक्‍त। मेकोपुकी परमप्रभु आ खिं ङा कोठा नु शोंप वोइक्‍तीक कोठा खाल पाइब बाक्‍मा बाक्‍त।

लेवी 2:5

मिनु इन चढ़ेतीक अन्‍न बाक्‍त हना, तेल ब्‍वाइश्‍शो बोरब ओख्‍ती मसुप्‍शो रिम्‍शो फस बाक्‍‍चा माल्‍ब।

लेवी 2:7

इन चढ़ेतीक दिउरेम क्‍येशो अन्‍न चढ़ेतीक बाक्‍त हना, मेको तेलम क्‍येशो रिम्‍शो फस के दुम्‍चा माल्‍ब।

लेवी 6:14

एको अन्‍न चढ़ेतीक आ पर्बम अरेशो लोव़ बाक्‍ब। हारून आ तौपुकीमी परमप्रभु यावे आ ङोंइती चढ़ेतीक आ नेक्‍था चाक्‍चा माल्‍नीम।

लेवी 6:21

मेको शोब्‍ले तेलम चोचा माल्‍ब। गे मेको कली शुश तेलम चोशा, अन्‍न चढ़ेतीके टुक्रा टुक्रा पा परमप्रभु यावे कली आ दाक्‍शो ब्रोव़शो रिना पाइश्‍शो चढ़ेतीके चढ़ेचा माल्‍नीम।