१ इतिहास 9:25 - Sunuwar Bible

²⁵ मेको आन खिं खिं ङा मुर आन गाउंम बाक्‍मा बाक्‍त। मेकोपुकी ७, ७ नाक्‍त पा मेको नु बाक्‍थ जाक्‍चा माल्‍मा बाक्‍त।

१ इतिहास 9:25 ပူးပေါင်းရင်းမြစ်များ

२ राजा 11:5

मिनु येहो-यादामी मेको आन कली “गे मार पचा माल्‍नीनी देंशा हना, सु सु नाइक्‍तीक नाक्‍ती गेय पथ जाक्‍नीनी, मेकोपुकीम भाग सां ङा भाग का पिप आ खिं खाल पने।

२ राजा 11:7

मिनु गे नाइक्‍तीक नाक्‍ती गेय मपाइब हुल निक्‍शी चहिं परमप्रभु यावे आ खिं खाल पा बाक्‍कीन।

१ इतिहास 24:19

मेको आन किकी हारूनमी गेशो पतीक लोव़ गेय बाक्‍माक्‍त। दोपा परमप्रभु यावे आ खिं लचा ब्रेक्‍शो बाक्‍त। परमप्रभु यावे, इस्राएली आन परमप्रभुमी हारून कली गेशा शेंशो लोव़ खोदेंशो बाक्‍शो बाक्‍त। हारून आ खिं खिं ङा लेवी आन गेय पचा माल्‍मा बाक्‍त।

१ इतिहास 9:24

मेकोपुकी परमप्रभु यावे आ बाक्‍तीके खाल पाइब पूर्ब, पच्‍छिम, उत्तर नु दक्‍खिन एर ओंथ गे बाक्‍मा बाक्‍त।

१ इतिहास 9:26

मिनु मेको लाप्‍चो खाल पाइब आन कली कोव़ब ठेयब मुर लेवी आ मुर ४ जना बाक्‍मा बाक्‍त। मेकोपुकी परमप्रभु आ खिं ङा कोठा नु शोंप वोइक्‍तीक कोठा खाल पाइब बाक्‍मा बाक्‍त।

२ इतिहास 23:4

मुल गेपुकीम मार पचा माल्‍नीनी देंशा हना, नाइक्‍तीक नाक्‍ती गेय पाइब चढ़ेबपुकी नु लेवीपुकी भाग सांमी भाग का ठेयब लाप्‍चोमी बाक्‍कीन।

२ इतिहास 23:8

मिनु चढ़ेब येहो-यादाम देंशो खोदेंशो पा लेवीपुकी नु यहूदा ङा मुरपुकी नेल्‍लेमी पामे बाक्‍त। मेको नेल्‍लेम नाइक्‍तीक नाक्‍ती गेय पाइब आंम मुर आन कली नु गेय थुम्‍शा नाइश्‍शो आन कली चाक्‍गमे बाक्‍त। मारदे हना चढ़ेब यहोयादाम सुइ आन कली मप्रोंइशो बाक्‍माक्‍त।