१ इतिहास 9:23 - Sunuwar Bible

²³ मेको नु आन तौ चच परमप्रभु यावे आ बाक्‍तीक ङा ओव़तीक खाल पाइब बाक्‍मा बाक्‍त। मेको बाक्‍तीक ताम्‍बु बाक्‍माक्‍त।

१ इतिहास 9:23 ပူးပေါင်းရင်းမြစ်များ

१ इतिहास 23:32

मोपा मेकोपुकीमी ग्रुम्‍तीक ताम्‍बु नु चोव़खो बाक्‍तीक नेल्‍ल कोव़चा माल्‍मा बाक्‍त। मिनु मेकोपुकीमी हारून आ तौ चच आन दी बाक्‍शा परमप्रभु यावे आ खिं ङा गेय पचा माल्‍बाक्‍मा बाक्‍त।

१ इतिहास 26:12

परमप्रभु यावे आ खिं ङा लाप्‍चो खाल पाइब आन हुल नु आन ठेयब मुर आन खिं खिं ङा मुरपुकी खोदेंशो पा परमप्रभु यावे आ खिंम गेय पचा कली योव़शो बाक्‍मा बाक्‍त।

१ इतिहास 9:22

मेको नेल्‍ल लाप्‍चो खाल पाइब योव़शो सहे निक्‍शी १२ जना मुर बाक्‍मा बाक्‍त। मेको आन नें आन गाउं गाउंमी ब्रेक्‍तीकेम ब्रेक्‍शो बाक्‍मा बाक्‍त। दाऊद नु परमप्रभु यावे आ लोव़ पाइब सामुएलम थमा सुइक्‍चा पुंइसीशो मुर आन कली मेको गेय गेम्‍से बाक्‍त। १सामुएल ९:८-११

१ इतिहास 9:24

मेकोपुकी परमप्रभु यावे आ बाक्‍तीके खाल पाइब पूर्ब, पच्‍छिम, उत्तर नु दक्‍खिन एर ओंथ गे बाक्‍मा बाक्‍त।

२ इतिहास 23:19

येहो-यादाम मारेइ पा ग्रांग्रा दिशो दुम्‍शो मुर आन कली ओव़चा मगेचा कली परमप्रभु यावे आ खिं ङा लाप्‍चोम खाल पाइबपुकी वोइक्‍पदा बाक्‍त।

नेहेम्‍याह 12:45

चढ़ेब नु लेवीपुकीमी परमप्रभु आ देंशो खोदेंशो पा चोव़खेतीक गेय पाम्‍‍तेक्‍म। मिनु कुम्‍सो पाइब नु लाप्‍चो खाल पाइबपुकी यो दाऊद नु आ तौ सोलोमनमी देंशो खोदेंशो पा चोव़खेतीके गेय पाइब बाक्‍तेक्‍म।

इजीकीएल 40:45

मिनु मेकोम आं कली “एको दक्‍खिन गे कोव़शो कोठा चढ़ेब आन कली बाक्‍ब। मेको परमप्रभु यावे आ खिंम गेय पाइब आन के बाक्‍ब।

इजीकीएल 44:14

मो हना यो गो मेको आन कली आं खिं कली कोव़शा नु मार मार पचा माल्‍शो गेय पपाइक्‍नुङ।