१ इतिहास 9:1 - Sunuwar Bible

¹ मोपा इस्राएली नेल्‍ल आन खिं खिं ङा मुर आन नें ब्रेक्‍शो बाक्‍मा बाक्‍त। मेको आन नें इस्राएल ङा पिप आन किताबमी ब्रेक्‍शो बाक्‍मा बाक्‍त। मिनु यहूदा ङा मुर आन परमप्रभु आ देंशो मटितीके बेबीलोनम ग्‍याइश्‍शा लाइक्‍चा पुंइसीमा बाक्‍त। २राजा २४:१५-१६

१ इतिहास 9:1 ပူးပေါင်းရင်းမြစ်များ

१ राजा 14:19

येरोबाम आ पशो अरु गेय, मेको आ पशो लडाइपुकी, मेकोम दोदेंशो पा सासन पवा, मेको नेल्‍ल इस्राएल ङा पिप आन इतिहासम ब्रेक्‍शो बाक्‍ब।

२ राजा 24:14

मेकोपुकीम यरूसलेम ङा ठेयब मुर, लडाइ पाइब आन ठेयब मुर नेल्‍ल, लडाइ पाइब नेल्‍ल १० हजार मार मार सेल्‍स जोक्‍ब नु तुप्‍तील नेल्‍ल ग्‍याइश्‍शा लदा बाक्‍त। थम प्रुङग आन कली ला प्रोंइशा वोदा बाक्‍त। येरमीया २४:१

२ राजा 24:15

नेबुकदनेसरमी येहो-याकीन कली ग्‍याइश्‍शा बेबीलोनम लदा बाक्‍त। पिप आ ममा, पिप आ मीशपुकी, मेको आ ठेयब गेय पाइबपुकी नु नेल्‍ल क्‍येङा जोक्‍ब तुइक्‍ब आन कली यरूसलेम रे ग्‍याइश्‍शा बेबीलोन लदा बाक्‍त। येरमीया २२:२६

२ राजा 24:16

बेबीलोन ङा पिपमी ७ हजार बोल्‍यो लडाइ पाइब नु हजार का मार मार सेल्‍स जोक्‍न नु तुप्‍तील आन कली ग्‍याइश्‍शा बेबीलोन लाइक्‍मी बाक्‍त। मेको नेल्‍ल लडाइ पचा कली बोल्‍यो मुर बाक्‍मा बाक्‍त।

१ इतिहास 8:40

ऊलाम आ तौ रिम्‍शो पा लिब्रा आप्‍ब नु बोल्‍यो लडाइ पाइब बाक्‍मा बाक्‍त। मेको आन के शुश आल नु चच बाक्‍मा बाक्‍त। मेको नेल्‍ल सहे का ५० जना बाक्‍मा बाक्‍त। मेको नेल्‍ल बेन्‍यामीन आ थर ङा मुर बाक्‍मा बाक्‍त।

२ इतिहास 33:11

मोपतीके परमप्रभु यावेम मेकोपुकी नु लडाइ पपाइक्‍चा कली अस्‍सुर ङा पिप आ लडाइ पाइब आन कप्‍तान आन कली चाक्‍मी बाक्‍त। मिनु मेकोपुकीम मनस्‍से कली ग्‍याइश्‍शा मेको आ शोव़म बोल्‍सी ब्‍वेक्‍तमे बाक्‍त। मिनु मेको कली कांसा के साङलोम पाइश्‍शा बेबीलोन लदमे बाक्‍त।

एज्रा 2:1

बेबीलोन ङा पिप नेबुकदनेसरमी यहूदा नु यरूसलेम ङा मुर आन कली ग्‍याइश्‍शा बेबीलोन लाइश्‍शो बाक्‍त। मेको ग्‍याइश्‍शा लाइक्‍चा पुंइसीशो आन दाते ङा यहूदा नु यरूसलेम आंम आंम सहरम लेश्‍शा जाक्‍शो मुर आन नें मार बाक्‍तेक्‍म देंशा हना,

एज्रा 2:59

मिनु तेल-मेलाह, तेल-हारशा करूब, अददान नु इम्‍मेर रे लेश्‍शा जाक्‍ब यो बाक्‍तेक्‍म। तन्‍न मेकोपुकीमी आन किकी पिपी नु आन खिं ङा मुर इस्राएल ङा सु रे जाक्‍शो बाक्‍मा, मेको देंने मचबेम।

नेहेम्‍याह 11:1

मिनु इस्राएली आन ठेयब मुरपुकी यरूसलेममी बाक्‍शो बाक्‍तेक्‍म। लीशो मुर आन दाते रे सु परमप्रभु यावे आ सहर यरूसलेममी बाक्‍चा ताइबा, दे १० जना मुर आन दाते रे का योव़चा कली फेन्‍टे आप्‍तेक्‍म। अरु ९ जना मुर चहिं अरु बाक्‍तीकेमी बाक्‍तेक्‍म।

नेहेम्‍याह 7:5

मिनु आं परमप्रभुमी आं कली “ठेयब मुर, सरकार ङा अधिकार ताइब नु अरु मुर नेल्‍ल आन कली बुक्‍पाइश्‍शा, मेको नु आन खिं ङा मुर आन नें ब्रेक्‍चा माल्‍नुङ” दे मिम्‍पाइक्‍ती। मिनु गो ग्‍याइश्‍शा लाइक्‍चा पुंइसीशो रे, यरूसलेम लेश्‍शा जाक्‍ब आन नें ब्रेक्‍शो किताब थित्‍ता। मिनु मेको किताबम सु सु आन नें ब्रेक्‍शो बाक्‍तेक्‍म देंशा हना,

नेहेम्‍याह 7:64

मेको आन नें ब्रेक्‍शो मथित्‍तीके, चढ़ेतीक गेय पचा मशिरनीम, दे तिल्‍चा पुंइसीशो बाक्‍तेक्‍म।

यसैया 3:2

मिनु बोल्‍यो मुर, लडाइ पाइब मुर, निसाफ पाइब, परमप्रभु यावे आ लोव़ पाइब, लिंक्‍यु कोव़ब, खाल्‍पापुकी,

येरमीया 13:19

नेगेब रागी ङा सहर आन लाप्‍चो चोक्‍सीनीम। मिनु मेको आन कली रोक्‍ब सुइ मबाक्‍नीम। यहूदा ङा मुर नेल्‍ल ग्‍याइश्‍शा लाइक्‍चा पुंइसीशो बाक्‍नीम। मेको आन कली थमा पा ग्‍याइश्‍शा लाइक्‍तेक्‍म।

येरमीया 39:9

मिनु पिप कली कोव़ब आन कप्‍तानम नेबुजरादानमी सहरमी प्रोंइचा पुंइसीशो लीशो मुरपुकी, मेको आन बाक्‍तीक प्रोक्‍शा जाक्‍ब नु अरु लीशो मुर आन कली फ्रेंशा बेबीलोन लाइक्‍तीमी।

दानीएल 1:2

मिनु परमप्रभुमी यहूदा ङा पिप येहो-याकीम कली ब्रुपाइक्‍तु। मिनु परमप्रभुमी आ खिं ङा बोस का निक्‍शी यो मेको कली गेप्‍तु। मिनु नेबुकदनेसरमी मेको बोसपुकी शिनार रागीमी लाइश्‍शा, आ देवता आ खिं ङा मार मार शोंप वोइक्‍तीके कोठाम वोइक्‍तु। शिनार रागी बेबीलोन रागी बाक्‍ब। उत्‍पत्ती ११:२