१ इतिहास 7:28 - Sunuwar Bible

²⁸ मेको मुर आन थेरशो रू नु आन बाक्‍तीके बेथेल सहर नु मेको आ एर ओंथ ङा सहर, पूर्ब गे नारान सहर नु आ एर ओंथ ङा सहर, पच्‍छिम गे गेजेर सहर नु आ एर ओंथ ङा सहर नेल्‍ले, शेकेम सहर नु आ एर ओंथ ङा सहर, अय्‍याह नु आ एर ओंथ ङा सहर बाक्‍मा बाक्‍त। यहोसु १६:१; यहोसु १६:१०

१ इतिहास 7:28 ပူးပေါင်းရင်းမြစ်များ

उत्पत्ती 28:19

मिनु मेको बाक्‍तीके कली बेथेल नें वोदा बाक्‍त। ङोंइती मेको सहर आ नें लूज बाक्‍माक्‍त।

यहोसु 16:5

मिनु एफ्राइम आ खिं खिं ङा मुर आन रागी तेको तेको बाक्‍तेक्‍म देंशा हना, मेको आन के सांद पूर्ब गे अतारोथ-अदार रे पा आइक्‍था ङा बेथ-होरोन सम्‍म बाक्‍त।

यहोसु 16:7

मिनु नोले यानोह रे पा अतारोथ नु नाराह सम्‍म तोइश्‍‍शा यरीको जाक्‍दीश्‍शा, यर्दन सम्‍म बाक्‍त।

यहोसु 16:8

मेको सांद ताप्‍पुआह रे पा लाइश्‍शा पच्‍छिम गे कानाह खोल्‍सा सम्‍म लशा समुन्‍द्रमी जाक्‍दीश्‍शा नुप्‍शो बाक्‍त। मेको एफ्राइम आ खिं खिं ङा मुर आन रागी बाक्‍ब।

यहोसु 16:9

एको क्‍येङा लाक्‍शा मनस्‍से आ खिं ङा मुर आन दातेमी एफ्राइम आ खिं ङा मुर आन कली यो सहर नु गाउंपुकी गेशो बाक्‍त। यहोसु १७:९

न्‍यायाधीस 1:22

योसेफ आ थर ङा मुरपुकीमी बेथेल नु लडाइ पचा कली लमा बाक्‍त। परमप्रभु यावे योसेफ आ थर ङा मुरपुकी नु बाक्‍माक्‍‍त।