१ इतिहास 6:31 - Sunuwar Bible

³¹ दाऊदमी परमप्रभु यावे आ बाक्‍तीकेम सन्‍दोस वोदा नोले कुम्‍सो पाइब आन कली योव़ङा बाक्‍त। २सामुएल ६:१७

१ इतिहास 6:31 ပူးပေါင်းရင်းမြစ်များ

२ सामुएल 6:17

मिनु मेकोपुकीम परमप्रभु यावे आ सन्‍दोस वोइक्‍चा कली दाऊदम कीशो ताम्‍बुम ओंइदमे बाक्‍त। मिनु दाऊदमी परमप्रभु यावे आ ङोंइती चोशा चढ़ेतीक नु दुशा बाक्‍चा आ पर्बम चढ़ेतीक चढ़ेवा बाक्‍त।

१ राजा 8:4

मिनु चढ़ेब नु लेवीपुकीमी परमप्रभु यावे आ सन्‍दोस नु ग्रुम्‍तीक ताम्‍बुम बाक्‍शो परमप्रभु आ मारेइ मारेइ कुरशा, इर लदमे बाक्‍त।

१ इतिहास 15:1

दाऊदमी आ सहरमी आंम कली खिंपुकी सेला बाक्‍त। मिनु परमप्रभु आ कबल पशो सन्‍दोस वोइक्‍चा कली बाक्‍तीक का सेल्‍शा, ताम्‍बु का कीङा बाक्‍त।

१ इतिहास 15:25

मिनु दाऊद नु इस्राएल ङा खाल्‍पा नु हजार हजार ङा लडाइ पाइब आन कप्‍तानपुकी ओबेद-एदोम आ खिं लशा, ग्‍येरशा परमप्रभु यावे आ कबल पशो सन्‍दोस चाक्‍गमे बाक्‍त।

१ इतिहास 15:27

मिनु दाऊद नु सन्‍दोस कुरब लेवी, कुम्‍सो पाइब नु केनानीयाह ताप्‍ब नु कुम्‍सो पाइब आन कली चलेब नेल्‍ल रिम्‍शो सुती के वा फेक्‍शो बाक्‍मा बाक्‍त। दाऊदम रिम्‍शो सुती वा के कुचु तार फेक्‍तीके यो फेक्‍शो बाक्‍माक्‍त। प्रस्‍थान २५:७

१ इतिहास 6:30

उज्‍जाह आ तौ शिमेआ, शिमेआ आ तौ हग्‍गीयाह नु हग्‍गीयाह आ तौ आसायाह बाक्‍मा बाक्‍त।

१ इतिहास 6:32

सोलोमनम यरूसलेमम परमप्रभु यावे आ खिं मसेला सम्‍म मेकोपुकीमी ग्रुम्‍तीक ताम्‍बु आ ङोंइती कुम्‍सो पना पन बाक्‍मा बाक्‍त। आन पालो पालोम कुम्‍सो पना पन बाक्‍मा बाक्‍त।

१ इतिहास 9:33

मिनु कुम्‍सो पाइब नु लेवी आन खिं खिं ङा ठेयब मुर परमप्रभु यावे आ खिं ङा कोठापुकीम बाक्‍बाक्‍मा बाक्‍त। मिनु अरु गेय पचा ममाल्‍बाक्‍मा बाक्‍त। मारदे हना मेको आन गेय नाक्‍दो नु नाक्‍ती बाक्‍माक्‍त।

एज्रा 3:10

मिनु परमप्रभु यावे आ खिं सेल्‍बपुकीमी जग वोइक्‍तेक्‍म। चढ़ेबमी आन वा फेक्‍शा तुराही ताप्‍तेक्‍म। आसाफ आ तौ लेवीपुकीम बुप्‍केल ताप्‍तेक्‍म। इस्राएल ङा पिप दाऊदमी अरेशो खोदेंशो पा परमप्रभु यावे कली ठेयब सेल्‍चा कली आन आन बाक्‍तीकेमी राप्‍तेक्‍म।

भजन संग्रह 132:14

मिनु परमप्रभुमी “एकेर नाइक्‍नुङ। एकेर गेना हना यो बाक्‍नुङ, मारदे हना गो मेको दाक्‍नुङ।

भजन संग्रह 132:8

परमप्रभु यावे बोक्‍कीन, इन नाइश्‍शा बाक्‍तीके नु इन सक्ति पाइश्‍शो कबल पशो सन्‍दोस बाक्‍तीकेम जाक्‍कीन। गन्‍ती १०:३५; २इतिहास ६:४१; भजन संग्रह ७८:६१

इजीकीएल 40:44

मिनु आगा ङा ठेयब लाप्‍चो आ लाङगा गे कोठा निक्‍शी बाक्‍ताक्‍स। कोठा का उत्तर गे ङा ठेयब लाप्‍चो आ लाङगाम बाक्‍त। मेको दक्‍खिन गे कोव़शो बाक्‍त। अर्को कोठा दक्‍खिन ङा ठेयब लाप्‍चो आ लाङगा गे बाक्‍त। मेको उत्तर गे कोव़शो बाक्‍त।