१ इतिहास 5:25 - Sunuwar Bible

²⁵ तन्‍न मेकोपुकीम आन किकी पिपी आन परमप्रभु आ पर्बम मरिम्‍शो पामे बाक्‍त। मिनु परमप्रभुम मेको आन ङोंइती खतम पोक्‍शो जात ङा मुर आन देवता आन कली पूजा पा आन नोले खोदमे बाक्‍त।

१ इतिहास 5:25 ပူးပေါင်းရင်းမြစ်များ

२ राजा 15:19

मिनु अस्‍सुर ङा पिप पुलमी मेको रागी कली लडाइ तोवा बाक्‍त। मिनु मेनाहेममी आ राज्‍य बोल्‍यो सेल्‍चा कली, पुल कली हजार का टलेन्‍ट, चांदी गेवा बाक्‍त। टलेन्‍ट का ३४ किलो बाक्‍ब। २राजा १५:२९

१ इतिहास 5:24

मेको आन खिं खिं ङा मुर आन ठेयब मुर सु सु बाक्‍मा बाक्‍त देंशा हना, एफेर, इशी, एलीएल, अज्रीएल, येरमीया, होदावीयाह नु याहदीएल बाक्‍मा बाक्‍त। मेको नेल्‍ल बोल्‍यो लडाइ पाइब मुर बाक्‍मा बाक्‍त। मेको आन खिं ङा ठेयब मुर बाक्‍मा बाक्‍त।

१ इतिहास 9:1

मोपा इस्राएली नेल्‍ल आन खिं खिं ङा मुर आन नें ब्रेक्‍शो बाक्‍मा बाक्‍त। मेको आन नें इस्राएल ङा पिप आन किताबमी ब्रेक्‍शो बाक्‍मा बाक्‍त। मिनु यहूदा ङा मुर आन परमप्रभु आ देंशो मटितीके बेबीलोनम ग्‍याइश्‍शा लाइक्‍चा पुंइसीमा बाक्‍त। २राजा २४:१५-१६

प्रस्‍थान 34:15

मेको रागी ङा मुर नु काइ कबल मपने। मारदे हना मेको रागी ङा मुरुमी आन देवी देवता आन कली पूजा पा क्‍योरशा चढ़ेनीमी। मिनु इन कली ब्रेम्‍मानु, गे मेको आन देवी देवता आन कली चढ़ेशो जाइनीनी।

होसे 1:2

मिनु परमप्रभु यावेमी होसे नु लोव़ पचा गोप्‍तु। मेकोमी होसे कली “लावो, मिनु तेल्‍लेम मीश मुर कली ग्‍युंबे पावो। मिनु मेको नु आल थिवो। मारदे हना एको रागी परमप्रभु यावे कली प्रोंइ‍शा, तेल्‍लेम खोदेंशो दुम्‍शो बाक्‍ब” देंत। होसे ३:१; ब्‍यवस्‍था २३:१८

होसे 9:1

इस्राएली, मग्‍येरसीन। अर्को रागी रागी ङा मुर खोदेंशो पा, सोम्‍शा मग्‍येरसीन। मारदे हना गे इन परमप्रभु क्‍येङा नोले शोंइसाक्‍नी। गे अन्‍न ओंइतीक चाडमी तेल्‍लेम पशो आ पर्बम क्‍येट ताक्‍चा दाक्‍नीनी। होसे १:२

प्रकाश 17:5

मिनु मेको आ कुप्‍फीमी ख्रुइश्‍शो लोव़मी आ नें ब्रेक्‍शो बाक्‍त। मार ब्रेक्‍शो बाक्‍त देंशा हना “बेबीलोन ठेयब सहर, तेल्‍लेमपुकी नु नेल्‍ल रागी रागी ङा ग्रांग्रा दिचा ङा आन ममा” दे ब्रेक्‍शो बाक्‍त।

न्‍यायाधीस 2:12

मिनु मेको आन कली इजीप्‍त रागी रे ग्रुंइब, परमप्रभु यावे, आंम किकी पिपी आन परमप्रभु कली प्रोन्‍मे बाक्‍त। मेको आन दातेमी बाक्‍ब जात जात ङा मुर आन देवी देवता आन ङोंइती बाम्‍मा बाक्‍त। मोपा परमप्रभु यावे कली चुरपदमे बाक्‍त।

न्‍यायाधीस 2:17

तन्‍न मेकोपुकीमी निसाफ पाइब आन देंशो लोव़ मनेन्‍मे बाक्‍त। मेकोपुकीमी तेल्‍लेम पशो खोदेंशो पा अरु देवी देवता आन नोले खोदमे बाक्‍त। मेको आन ङोंइती बाम्‍मा बाक्‍त। मेकोपुकी परमप्रभु यावे आ शेंशो लोव़ टीब आन किकी पिपी आन गाक्‍शो लां प्रोंइशा, मटीब दुम्‍मा बाक्‍त।

न्‍यायाधीस 8:33

गिदोन बेक्‍म नोले इस्राएलीपुकीमी लें‍शा बाल देवता कली ठेयब सेल्‍मे बाक्‍त। मेकोपुकीमी बाल-बेरीत कली आंम देवता सेल्‍मे बाक्‍त। न्‍यायाधीस २:११; न्‍यायाधीस ९:४