१ इतिहास 5:20 - Sunuwar Bible

²⁰ मेकोपुकीमी लडाइम परमप्रभु कली “वारच पाइक्‍की” दे पुंइतीके, मेको आन जोरी सत्रु हाग्री नु अरु सु बाक्‍तेक्‍म हना यो, आन गुइमी गेवा बाक्‍त। मारदे हना मेकोपुकीमी थमा सुदमे बाक्‍त।

१ इतिहास 5:20 ပူးပေါင်းရင်းမြစ်များ

उत्पत्ती 25:21

मिनु इसहाकमी परमप्रभु यावे कली आ मीश आ पर्बम पुना बाक्‍त। मारदे हना आल मथीब बाक्‍माक्‍त। परमप्रभु यावेमी आ पुंइशो गेवा बाक्‍त। मिनु रेबेकामी कोव़ज कुरा बाक्‍त।

उत्पत्ती 49:19

रोइक्‍ब मुरपुकी गाद कली रोइक्‍चा कली जाक्‍नीम। गादमी मेको आन कली खेदा पा मेको आन के रोइक्‍ब।

१ राजा 22:32

मिनु बग्‍गी ङोइश्‍शा, लडाइ पाइब आन ठेयब मुरपुकीम येहो-शाफात कली तशा “थमा पा इस्राएल ङा पिप मेकोन बाक्‍ब” देंशा, मेको नु लडाइ पचा कली ल‍मा बाक्‍त। तन्‍न येहो-शाफात ठेयब सेंदा पा वाइ ब्रेम्‍माक्‍त।

१ इतिहास 5:21

मेकोपुकीमी बस्‍तु भाव गिश लदमे बाक्‍त देंशा हना, ५० हजार दलओंठ, लाख निक्‍शी ५० हजार भेडा, हजार निक्‍शी गधा नु लाख का मुर आन कली ग्‍याइश्‍शा लदमे बाक्‍त।

१ इतिहास 5:22

मेको लडाइम शुश मुर बेक्‍मा बाक्‍त। मारदे हना मेको लडाइ परमप्रभु रे पा दुम्‍शो बाक्‍माक्‍त। मिनु मेकोपुकी ग्‍याइश्‍शा लाइक्‍चा मपुंइसामा सम्‍म मेको आन बाक्‍तीकेम बाक्‍मा बाक्‍त।

२ इतिहास 13:18

मेना इस्राएलीपुकी ब्रुशा, दिप्‍चा पुंइसमा बाक्‍त। मिनु यहूदा ङा मुरपुकी ग्रामा बाक्‍त। मारदे हना मेकोपुकीमी परमप्रभु यावे, आन किकी पिपी आन परमप्रभु कली थमा सुइश्‍शो बाक्‍मा बाक्‍त।

२ इतिहास 18:31

मिनु बग्‍गी चलेब आन कप्‍तानमी येहो-शाफात कली तशा “मेकोन इस्राएल ङा पिप बाक्‍ब” देंमाक्‍त। मिनु मेको कली लडाइ तोथ लमा बाक्‍त। तन्‍न येहो-शाफात ठेयब सेंदा पा वाइ ब्रेम्‍माक्‍त। मिनु परमप्रभु यावेमी मेको कली वारच पशा, मेको बग्‍गी चलेब आन कली मेकेर रे लेप्‍पदा बाक्‍त।

२ इतिहास 20:12

आंइ परमप्रभु, गे मेको आन कली निसाफ मपाइनीनी ङा? मारदे हना गोपुकी एको शुश मुर आन ङोंइती मारेइ पने मचाप्‍ब बाक्‍नीकी। मुल गो मार पचा माल्‍नीकी मारेइ मतुइक्‍नीकी। तन्‍न गो इन गे कोव़नीकी” दे पुना बाक्‍त।

२ इतिहास 26:7

परमप्रभुमी मेको कली पलिस्‍ती, गुर-बालम बाक्‍ब अराबीपुकी नु मेउनीपुकी नु लडाइ दुम्‍‍तीकेम वारच पदा बाक्‍त।

२ इतिहास 33:13

मिनु मेकोमी परमप्रभु कली पुना बाक्‍त। मिनु परमप्रभुम मेको आ पुंइशो नेंशा, लेंशा यरूसलेमम चाक्‍गा बाक्‍त। मिनु लेंशा मेकेर ङा पिप सेला बाक्‍त। मिनु मोपा मनस्‍सेम परमप्रभु यावे, थमा परमप्रभु बाक्‍ब, दे तुइक्‍ता बाक्‍त। १राजा १८:३९

एज्रा 8:23

मिनु गो आंइ रिम्‍शो पा गाक्‍तीक आ पर्बम माइजा बाक्‍शा, आंइ परमप्रभु कली पुंइतक। मिनु परमप्रभुमी आंइ पुंइशो नेंतु।

भजन संग्रह 37:39

परमप्रभु यावे ठीक पाइब आन कली वारच पाइब बाक्‍ब। मिनु मेको आन कली श्‍येत दुम्‍मेनु, मेको आन फाम्‍सीतीके दरवार बाक्‍ब।

भजन संग्रह 37:40

परमप्रभु यावेमी मेको आन कली वारच पा प्रोंइब। मिनु आ अरेशो मटीब आन गुइ रे प्रोंइब। मारदे हना मेकोपुकी परमप्रभु कली जिम्‍मा गेंसीशो बाक्‍नीम। लूका १८:७-८

भजन संग्रह 46:1

परमप्रभु आंइ ख्रुइश्‍शा बाक्‍तीके नु आंइ सक्ति बाक्‍ब। गो श्‍येत जकानु, गेना हना यो आंइ नेक्‍था बाक्‍शा वारच पाइब बाक्‍ब।

भजन संग्रह 9:10

परमप्रभु यावे, इन नें तुइक्‍बपुकीमी इन कली थमा सुइक्‍नीम। मारदे हना गे इन कली माल्‍ब आन कली मप्रोंइनीनी।

प्रस्‍थान 17:11

मोसामी आ गुइ पोक्‍गानु, इस्राएलीपुकी ग्रातेक्‍म। आ गुइ तोक्‍गानु, अमालेकीपुकी ग्रातेक्‍म।

हितोपदेस 29:25

मुर क्‍येङा हिंचा ब्‍वारद खोदेंशो बाक्‍ब। तन्‍न परमप्रभु यावे कली थमा सुइक्‍चा ब्रोंइतीक बाक्‍ब। मत्ती १०:२८

येरमीया 39:18

परमप्रभु यावेमी ‘गो इ कली थमा पा प्रोंइनन। गे तरवारम साइक्‍चा मपुंइसीनेवे। गे लडाइ रे इ गिंम प्रोंइशा प्रोक्‍नेवे। मारदे हना गे आं कली थमा सुइश्‍शो बाक्‍नेवे देंशो बाक्‍ब’ दे मतो” दे परमप्रभु यावेमी देंत।

दानीएल 6:23

मिनु पिप थाम्‍पा ग्‍येरसीशा “दानीएल कली गुप्‍स वोइक्‍तीके रे ग्रुंइदीन” दे हुकुम पाप्‍तु। मिनु दानीएल कली कीशा ग्रुंइताक्‍म। मिनु मेको मारेइ मदुम्‍शो बाक्‍त। मारदे हना मेकोमी आ परमप्रभु कली थमा सुइश्‍शो बाक्‍त।

नहुम 1:7

परमप्रभु यावे रिम्‍शो पाइब बाक्‍ब। मेको श्‍येत जशो नाक्‍ती ख्रुइश्‍शा ब्रोंइशा बाक्‍तीक बाक्‍ब। सु मेकेर प्रोक्‍शा लाइबा, मेको ख्रुइश्‍शा बाक्‍चा ताइब। ब्‍यवस्‍था ४:३१; भजन संग्रह १:६

एफिसी 1:12

गोपुकी ङोंइती “ख्रीस्‍तमी आंइ कली मरिम्‍शो रे प्रोंइब” दे आस पाइतक। मोपतीके परमप्रभु यावेमी आंइ कली “आ सक्ति ठेयब बाक्‍ब” दे ब्रोंइचा गेचा कली योव़तीकी।

यहोसु 10:14

मोदेंशो ङोंइती नु नोले गेनायो मदुम्‍शो बाक्‍त। मारदे हना परमप्रभु यावेमी मुर आ लोव़ नेंशा, इस्राएली आन पर्बम लडाइ पाप्‍तु।

यहोसु 10:42

मिनु यहोसुमी मेको आन पिप आन कली नु आन रागी नेल्‍ल कली कालेम ग्रात। मारदे हना परमप्रभु यावे, इस्राएली आन परमप्रभुमी इस्राएली आन पा ङा लडाइ पाप्‍तु।

यहोसु 23:10

इन मुर कामी मेको आन के हजार का मुर आन कली खेरने चाप्‍ब। मारदे हना आ देंशो खोदेंशो पा इन लडाइ पचा ङा परमप्रभु यावे, इन परमप्रभुमी पाइब।

१ सामुएल 19:15

मिनु सावलमी मेको आन कली “गे आमा दाऊद कली कोव़ङीन” दे सोइक्‍तीमी बाक्‍त। मेकोमी “मेको कली आ खाट सुन्‍दा क्‍युक्‍शा एक चाक्‍कीन। मिनु गो साइक्‍नुङ” दे सोइक्‍तीमी बाक्‍त।

१ सामुएल 7:12

मिनु सामुएलमी फुल्‍लु का लाइश्‍शा, मिस्‍पा नु येशाना आस दातेमी ख्रुक्‍गा बाक्‍त। मेको कली एबेन-एजेर नें वोइश्‍शा “परमप्रभु यावेम आंइ कली एक सम्‍म वारच पाप्‍तु” देंमाक्‍त।