१ इतिहास 4:9 - Sunuwar Bible

⁹ मिनु याबेस माइश्‍शो मुर का बाक्‍माक्‍त। मेको आ लोक्‍ब आन क्‍येङा शुश मान ताइब बाक्‍माक्‍त। मेको आ ममामी मेको कली श्‍येत पा थितीके मेको आ नें याबेस वोइश्‍शो बाक्‍माक्‍त।

१ इतिहास 4:9 ပူးပေါင်းရင်းမြစ်များ

उत्पत्ती 3:16

मिनु मेकोमी मेको मीश मुर कली “कोव़ज कुरशा, आल थिवेनु, इ कली ठेयब श्‍येत गेनुङ। आल थिचा रोइ पाइनेवे। मो हना यो इ वोंइश कली माल्‍नेवे। मिनु मेकोमी इ कली हुकुम पाइब” देंमाक्‍त। एफिसी ५:२२-२३; १तिमोथी २:१२

उत्पत्ती 34:19

मिनु मेको ठिटा मेको पचा बिस्‍से बाक्‍त। मारदे हना याकूब आ तमी कली शुश दाक्‍ता बाक्‍त। मेको आ आफ आ खिं ङा नेल्‍ल क्‍येङा मान ताइब बाक्‍माक्‍त।

उत्पत्ती 35:18

मिनु मेको मबेक्‍थु, आ सोक्‍त लची ना आ तौ आ नें बेन-ओनी वोदा बाक्‍त। आ आफोम चहिं आ नें बेन्‍यामीन वोदा बाक्‍त। मेको आ अर्थ आं श्‍येत ङा तौ बाक्‍ब।

१ इतिहास 4:10

मिनु याबेसमी इस्राएली आन परमप्रभु कली “आं कली आसीक गेने। आं कली रू तेम्‍शा गेयीनी। गे गो नु बाक्‍कीन। आं कली श्‍येत रे ङोन वोइय्‍यीनी” दे पुना बाक्‍त। मिनु परमप्रभुमी मेको आ पुंइशो गेवा बाक्‍त।

१ इतिहास 4:8

कोस आनुब नु जोबेबा आस आफ बाक्‍माक्‍त। मिनु कोस हारुम आ तौ अहारहेल आ चच युइ आन किकी पिपी बाक्‍माक्‍त।

१ इतिहास 7:23

मेको नोले एफ्राइम आ मीश नु बाक्‍माक्‍त। मिनु मेकोमी कोव़ज कुरशा तौ का थिवा बाक्‍त। मेको आ नें बेरीआ वोदा बाक्‍त। मारदे हना मेना मेको खिंम श्‍येत दुम्‍शो बाक्‍माक्‍त।

हितोपदेस 23:25

इ आम आफ ग्‍येरसीसल। इ कली थीब गेना हना यो ग्‍येरशा बाक्‍ल।

यसैया 43:4

मारदे हना गे आं योव़शो मुर बाक्‍नीनी। गे मान ताइब दुम्‍नीनी। गो इन कली दाक्‍नुङ। मोपतीके गो इन पा ङा अरु मुर आन कली गेनुङ। इन बेक्‍चा आ पा ङा रागी रागी ङा मुर आन कली गेतामी।

प्रेरित 17:11

बेरोइया सहर ङा यहूदीपुकीमी थिस्‍सलोनीकी ङा मुर आन पशो खोदेंशो मपामे बाक्‍त। तन्‍न नोफा दाइश्‍शा पावल नु सिलास आस लोव़ नेंशा परमप्रभुमी ब्रेक्‍पाइश्‍शो लोव़ नु मेको आस शेंशो लोव़ गारबा देय मगारबा कोव़चा कली नाक्‍त किंत किंत जाक्‍मा बाक्‍त। यूहन्‍ना ५:३९

१ सामुएल 4:21

मिनु मेकोमी आल आ नें इकाबोद वोदा बाक्‍त। मेको आ अर्थ “परमप्रभु आ छेङछेङ इस्राएल रे जाम्‍त” देंशो बाक्‍माक्‍त। मारदे हना परमप्रभु आ कबल पशो सन्‍दोस रोइश्‍शो नु आ शिउ नु आ वोंइश बेक्‍शो मिम्‍शा इकाबोद आ अर्थ “इस्राएल ङा छेङछेङ जाम्‍त” देंशो बाक्‍त १सामुएल १४:३; भजन संग्रह ७८:६१