१ इतिहास 4:41 - Sunuwar Bible

⁴¹ यहूदा ङा पिप हिज्‍कीयाहम सासन पवा ना मेको नें ब्रेक्‍शो मुरपुकीम गेदोर सहरम बाक्‍ब हाम नु मेउनीम आस मुर आन ताम्‍बु नु खिं खतम सेल्‍मे बाक्‍त। मुर आन कली सदमे बाक्‍त। मेकेर रिम्‍शो बस्‍तु भाव योव़तीके बाक्‍शा, मेक उइ आंमान बाक्‍शो बाक्‍मा बाक्‍त। २रजा १८:३

१ इतिहास 4:41 ပူးပေါင်းရင်းမြစ်များ

१ इतिहास 3:13

योथम आ तौ आहाज बाक्‍माक्‍त। आहाज आ तौ हिज्‍कीयाह बाक्‍माक्‍त। हिज्‍कीयाह आ तौ मनस्‍से बाक्‍माक्‍त।

१ इतिहास 4:33

मेको सहर आन एर ओंथ ङा गाउंपुकीम बाल सहर सम्‍म आन बाक्‍तीके बाक्‍मा बाक्‍त। मिनु मेकोपुकीमी आन नें तौ चच युइ आन नें ब्रेक्‍ना ब्रेक्‍न बाक्‍शो बाक्‍मा बाक्‍त।

१ इतिहास 5:22

मेको लडाइम शुश मुर बेक्‍मा बाक्‍त। मारदे हना मेको लडाइ परमप्रभु रे पा दुम्‍शो बाक्‍माक्‍त। मिनु मेकोपुकी ग्‍याइश्‍शा लाइक्‍चा मपुंइसामा सम्‍म मेको आन बाक्‍तीकेम बाक्‍मा बाक्‍त।

२ इतिहास 14:15

मेकोपुकीमी ताम्‍बुम बाक्‍शो बस्‍तु भाव थुल्‍ब आन कली यो खेदा पा मेको आन शुश क्‍यारश भेडा दलओंठ रोइश्‍शा, यरूसलेम लेम्‍मा बाक्‍त।

२ इतिहास 20:1

मिनु नोले मोआबी अम्‍मोनी नु का निक्‍शी सेइर डांडा रे अर्को जात ङा मेउनी माइश्‍शो मुरपुकी येहो-शाफात नु लडाइ पथ जाक्‍मा बाक्‍त।

२ इतिहास 26:7

परमप्रभुमी मेको कली पलिस्‍ती, गुर-बालम बाक्‍ब अराबीपुकी नु मेउनीपुकी नु लडाइ दुम्‍‍तीकेम वारच पदा बाक्‍त।

येरमीया 49:20

मोपतीके परमप्रभु यावेम एदोम आ पर्बम पचा चिक्‍शो गेय नु तेमान सहरम बाक्‍ब आन पर्बम मेको आ मिम्‍शो दोदेंशो बाक्‍बा, मेको नेनीन। थमा पा बगाल ङा आइक्‍च कीशा लाइक्‍चा पुंइसीनीम। मेको आन पतीके आन योव़तीक खतम दुम्‍ब।

प्रेरित 17:26

ङोंइती मुर का सेल्‍शा, मेको मुर रे पा नेल्‍ल रागी ङा मुर सेल्‍तीमी। दोशो ब्रोंइचा, ते बाक्‍चा, मेको नेल्‍ल परमप्रभुमी पने थुम्‍शो बाक्‍ब। ब्‍यवस्‍था ३२:८

न्‍यायाधीस 10:12

मिनु सीदोन ङा मुर, अमालेक आ मुर नु मोआबीपुकीमी इन कली दिप्‍मेनु ‘वारच पाइय्‍यीकी’ दे ब्रेत्‍तीनी। मेना इन कली मेको आन गुइ रे प्रोंइता।