१ इतिहास 3:14 - Sunuwar Bible

¹⁴ मनस्‍से आ तौ आमोन बाक्‍माक्‍त। अम्‍मोन आ तौ योसीयाह बाक्‍माक्‍त।

१ इतिहास 3:14 ပူးပေါင်းရင်းမြစ်များ

२ राजा 21:18

मिनु मनस्‍से बेक्‍माक्‍त। मिनु मेको उज्‍जा आ खिं ङा रूम थिम्‍चा पुंइसे बाक्‍त। मिनु मेको आ पा ङा आ तौ आमोन पिप दुम्‍माक्‍त।

२ राजा 21:19

आमोन पिप दुम्‍मेनु २२ बर्स दुम्‍शो बाक्‍माक्‍त। मेकोम यरूसलेमम बर्स निक्‍‍शी सासन पवा बाक्‍त। मेको आ ममा आ नें मेशुल्‍लेमेथ बाक्‍माक्‍त। मेको योत्‍बाह ङा हारुच आ तमी बाक्‍माक्‍त।

२ राजा 21:26

मिनु मेको बेक्‍शा उज्‍जा आ तुरसुम थिम्‍चा पुंइसे बाक्‍त। मिनु मेको आ पा ङा आ तौ योसीयाह पिप दुम्‍माक्‍त।

२ राजा 23:30

मिनु मेको आ गेय पाइबपुकीम मेको आ बेक्‍शो रां बग्‍गीम कुर पा मेगीददो रे यरूसलेमम चाक्‍गमे बाक्‍त। मिनु मेको कली आ तुरसुमीन वोद‍मे बाक्‍त। मिनु मेको रागी ङा मुरपुकीम मेको आ तौ येहो-अहाज कली तेल लुक्‍शा, मेको आ पा ङा पिप सेल्‍मे बाक्‍त।

२ राजा 23:34

मिनु फाराओ नेकोमी योसीयाह आ तौ एल्‍याकीम कली मेको आ आफ योसीयाह आ पा ङा पिप सेल्‍शा वोदा बाक्‍त। मिनु फाराओ नेकोमी मेको आ नें एल्‍याकीम रे येहो-याकीम वोदा बाक्‍त। तन्‍न मेकोमी येहो-अहाज कली इजीप्‍त रागी लदा बाक्‍त। मिनु मेको इजीप्‍त उइ बेक्‍माक्‍त। १इतिहास ३:१५

१ इतिहास 3:13

योथम आ तौ आहाज बाक्‍माक्‍त। आहाज आ तौ हिज्‍कीयाह बाक्‍माक्‍त। हिज्‍कीयाह आ तौ मनस्‍से बाक्‍माक्‍त।

१ इतिहास 3:15

योसीयाह आ ङोंइती थिशो तौ योहानान बाक्‍माक्‍त। योसीयाह आ माइला येहो-याकीम, आ साइला सिदकीयाह नु आ कान्‍छा शाल्‍लुम बाक्‍माक्‍त।

२ इतिहास 34:1

योसीयाह पिप दुम्‍मेनु, ८ बर्स दुम्‍शो बाक्‍माक्‍त। मेकोमी यरूसलेमम ३१ बर्स सासन पवा बाक्‍त।

२ इतिहास 36:1

मिनु मेको रागी ङा मुरपुकीम योसीयाह आ तौ येहो-अहाज कली चाक्‍शा, यरूसलेमम मेको आ आफ आ पा ङा पिप सेल्‍मे बाक्‍त।

२ इतिहास 36:11

सिदकीयाह पिप दुम्‍मेनु २१ बर्स दुम्‍शो बाक्‍माक्‍त। मेकोमी यरूसलेमम ११ बर्स सासन पवा बाक्‍त।

२ इतिहास 36:5

मिनु येहो-याकीम पिप दुम्‍मेनु, २५ बर्स दुम्‍शो बाक्‍माक्‍त। मेकोमी यरूसलेमम ११ बर्स सासन पवा बाक्‍त।

येरमीया 22:11

परमप्रभु यावेम यहूदा ङा पिप योसीयाह आ तौ शाल्‍लुम आ पर्बम लोव़ पाइब। मेको आ आफ आ पा ङा यहूदा ङा पिप दुम्‍त। मिनु मुल मेको एक रे लत। मेको एक लेश्‍शा मजाक्‍ब।शाल्‍लुम कली योआहास यो देंनीम। १इतिहास ३:१५; २इतिहास ३६:१-४

येरमीया 22:18

मोपतीके परमप्रभु यावेम “यहूदा ङा पिप योसीयाह आ तौ येहो-याकीम आ पर्बम ‘आबी, मुरपुकीमी मेको आ पर्बम रोंका पची ना आं लोक्‍ब, आबी, आ समी मदेंनीम’ मेको आ पर्बम मङाक्‍नीम। मिनु ‘आबी, आं प्रभु, आबी, मान ताइब पिप’ दे मेको आ पर्बम मङाक्‍नीमी। २राजा २३:३४