१ इतिहास 3:11 - Sunuwar Bible

¹¹ येहो-शाफात आ तौ योराम बाक्‍माक्‍त। योराम आ तौ अहाज्‍याह बाक्‍माक्‍त। अहाज्‍याह आ तौ योआश बाक्‍माक्‍त।

१ इतिहास 3:11 ပူးပေါင်းရင်းမြစ်များ

१ राजा 22:50

मिनु नोले येहो-शाफात बेक्‍माक्‍त। मिनु मेको आ आफ दाऊद आ सहरम थिम्‍चा पुंइसे बाक्‍त। मिनु मेको आ पा ङा आ तौ येहोराम पिप दुम्‍माक्‍त।

१ राजा 22:51

आहाब आ तौ अहाज्‍याह सामरीयाम इस्राएल ङा पिप दुम्‍माक्‍त। मिनु मेकोम बर्स निक्‍शी इस्राएलम सासन पवा बाक्‍त। मेना यहूदा ङा पिप येहो-शाफात पिप दुम्‍शो १७ बर्स दुम्‍शो बाक्‍माक्‍त। २राजा ८:१६

२ राजा 11:2

तन्‍न पिप येहोराम आ तमी, अहाज्‍याह आ समी येहो-शेबा बाक्‍माक्‍त। मेकोमी अहाज्‍याह आ तौ योआश कली मेको साइक्‍चा पुंइसीब पिप आ आल आन दाते रे लाइश्‍शा, मेको आ खाल पाइब मीश मुर नु इप्‍तीके कोठा काम ख्रुइक्‍ता बाक्‍त। मोपा अथाल्‍याहमी मेको आल कली साइक्‍चा मतवा बाक्‍त।

२ राजा 11:21

योआश पिप दुम्‍मेनु, मेको ७ बर्स दुम्‍शो बाक्‍माक्‍त। योआश नु येहो-आश नें का बाक्‍ब, येहो-आश कली योआश यो बाक्‍ब।

२ राजा 12:1

योआश यहूदा ङा पिप दुम्‍माक्‍त। मेना येहू इस्राएल ङा पिप दुम्‍शो ७ बर्स दुम्‍शो बाक्‍माक्‍त। मिनु योआशमी यरूसलेमम ४० बर्स सासन पवा बाक्‍त। मेको आ ममा आ नें सिबी‍याह बाक्‍माक्‍त। मेको बेयर-शेबा ङा बाक्‍माक्‍त।

२ राजा 8:16

येहो-शाफात आ तौ येहोराम यहूदा ङा पिप दुम्‍शा, सासन पचा गोवा बाक्‍त। मेना इस्राएल ङा पिप आहाब आ तौ येहोराम पिप दुम्‍शो ५ बर्स दुम्‍शो बाक्‍माक्‍त। मेको निक्‍शी आस नें येहोराम बाक्‍त। मेको आस कली योराम यो देंमा बाक्‍त। १राजा २२:५१

२ राजा 8:24

यहूदा ङा पिप येहोराम बेक्‍माक्‍त। मिनु मेको आ किकी पिपी नु दाऊद आ सहरमी थिम्‍चा पुंइसे बाक्‍त। मिनु मेको आ पा ङा आ तौ अहाज्‍याह पिप दुम्‍माक्‍त।

२ राजा 8:25

मिनु यहूदा ङा पिप येहोराम आ तौ अहाज्‍याह यहूदाम पिप दुम्‍माक्‍त। मेना इस्राएल ङा पिप आहाब आ तौ येहोराम पिप दुम्‍शो १२ बर्स दुम्‍शो बाक्माक्‍‍त।

१ इतिहास 3:10

सोलोमन आ तौ चच युइ सु सु बाक्‍मा बाक्‍त देंशा हना, रेहोबाम आ तौ बाक्‍माक्‍त। रेहोबाम आ तौ अबीयाह बाक्‍माक्‍त। अबीयाह आ तौ आसा बाक्‍माक्‍त। आसा आ तौ येहो-शाफात बाक्‍माक्‍त। मत्ती १:७-१२

१ इतिहास 3:12

योआश आ तौ अमस्‍याह बाक्‍माक्‍त। अमास्‍याह आ तौ अजारयाह बाक्‍माक्‍त। अजारयाह आ तौ योथाम बाक्‍माक्‍त।

२ इतिहास 21:1

मिनु येहो-शाफात बेक्‍माक्‍‍त। मिनु मुरपुकीमी मेको आ किकी पिपी आन कली थिम्‍तीके दाऊद आ सहरम थिम्‍मे बाक्‍त। मिनु आ तौ येहोराम पिप दुम्‍माक्‍त।

२ इतिहास 21:17

मिनु मेकोपुकीम यहूदा कली लडाइ तोशा, आ आगा ओव़मा बाक्‍त। मिनु मेकोपुकीम पिप आ दरवारम थिश्‍शो शोंप नेल्‍ल, मेको आ तौपुकी नु मेको आ मीशपुकी नेल्‍ल लदमे बाक्‍त। मेको आ कान्‍छा तौ येहो-अहाज ङा लाक्‍शा अर्को तौ मलीमा बाक्‍त। येहो-अहाज कली अहाज्‍याह यो देंनीम।

२ इतिहास 22:6

मिनु योराम रामाह सहरम अराम ङा पिप हजाएल नु लडाइम दुम्‍शो गार साचा कली येज्रेलम लेश्‍शा लमाक्‍त। मिनु यहूदा ङा पिप येहोराम आ तौ अहाज्‍याह, आहाब आ तौ, योराम कली ग्रुम्‍थ येज्रेलम लमाक्‍त। मारदे हना मेको रोइ पशो बाक्‍माक्‍त। येहोराम योराम यो देंनीम।

२ इतिहास 24:1

योआश पिप दुम्‍मेनु, ७ बर्स दुम्‍शो बाक्‍माक्‍त। मेकोमी यरूसलेमम ४० बर्स सासन पवा बाक्‍त। मेको आ ममा आ नें बेयर-शेबा ङा सिबी‍याह बाक्‍माक्‍त।