१ इतिहास 3:1 - Sunuwar Bible

¹ हेब्रोन सहरम थिशो दाऊद आ तौ सु सु बाक्‍मा बाक्‍त देंशा हना, आ ङोंइती थिशो तौ अम्‍नोन, दाऊद आ मीश येज्रेल ङा अहीनोआम के बाक्‍माक्‍त। नोले ङा तौ दानीएल, दाऊद आ मीश कारमेल ङा अबीगेल के बाक्‍माक्‍त।

१ इतिहास 3:1 ပူးပေါင်းရင်းမြစ်များ

२ सामुएल 13:1

मेको मो दुम्‍शो इच्‍का बर्स दुम्‍माक्‍त। मिनु दाऊद आ तौ अब्‍सालोम के थम दारशो समी का बाक्‍माक्‍त। मेको आ नें तामार बाक्‍माक्‍त। दाऊद आ अर्को तौ अम्‍नोनम मेको कली दाक्‍ता बाक्‍त। २सामुएल ३:२-३

२ सामुएल 13:29

मिनु अब्‍सालोम आ गेय पाइबपुकीम आ देंशो खोदेंशो पा अम्‍नोन कली पामे बाक्‍त। मिनु पिप आ तौ नेल्‍ल आन आन खच्‍चर ङोइश्‍शा डांडा रे खिं प्रोक्‍मा बाक्‍त।

२ सामुएल 3:1

सावल नु दाऊद आस खिं ङा मुर शुश नाक्‍त सम्‍म लडाइ पस ङा पस बाक्‍मा बाक्‍त। मिनु दाऊद बोल्‍यो दुम्‍ना दुम्‍न लमाक्‍त। सावल आ खिं ङा मुर चहिं मचाप्‍ब दुम्‍ना दुम्‍न लमा बाक्‍त। २सामुएल ५:१०

२ सामुएल 5:13

दाऊद हेब्रोन रे यरूसलेम याक्‍से नोले मेकोमी मेकेर शुश मीश चाक्‍गा बाक्‍त। मेको के अर्को तमी तौ यो जरमेसमा बाक्‍त। २सामुएल ३:२-५; १इतिहास ३:५-९

१ इतिहास 2:55

याबेस सहरम बाक्‍ब मेको आन खिं खिं ङा मुर तिराथी, शिमेआथ आ खिं ङा मुरपुकी नु सुकाथी बाक्‍मा बाक्‍त। मेको हम्‍माथ सहर रे जाक्‍शो केनी बाक्‍मा बाक्‍त। मेको आन किकी पिपी रेकाब बाक्‍माक्‍त। येरमीया ३५:-

१ इतिहास 28:5

परमप्रभु यावेमी आं कली शुश तौ गेती। परमप्रभु यावेमी आ राज्‍य इस्राएलम पिप दुम्‍चा कली आं तौ सोलोमन कली योव़तु।

१ इतिहास 3:2

नोले ङा तौ अब्‍सालोम, दाऊद आ मीश गेशुर ङा पिप तल्‍मै आ तमी माकाह के बाक्‍माक्‍त। नोले ङा तौ अदोनीयाह, दाऊद आ मीश हग्‍गीथ के बाक्‍माक्‍त। २सामुएल ३:२-५

यहोसु 15:56

येज्रेल, योकदाम नु जानोह,

१ सामुएल 27:3

दाऊद आ लडाइ पाइब मुर, मेको आन खिं ङा मुर नु दाऊद नु आ मीश निक्‍शी, येज्रेल ङा अहीनोआम नु कारमेल ङा बेक्‍शो नाबाल आ मीश अबीगेल गाथम अकीश नु बाक्‍मा बाक्‍त। १सामुएल २५:४०-४३