१ इतिहास 29:9 - Sunuwar Bible

⁹ मिनु मुरपुकीमी हाइश्‍शो थुंमी गेशा ग्‍येरसीशो बाक्‍मा बाक्‍त। मारदे हना मेकोपुकीमी ग्‍येरसीशा परमप्रभु यावे कली शुश गेशो बाक्‍मा बाक्‍त। पिप दाऊद यो थाम्‍पा ग्‍येरशो बाक्‍माक्‍त।

१ इतिहास 29:9 ပူးပေါင်းရင်းမြစ်များ

१ राजा 8:61

मोपतीके इं थुं नेल्‍लेमी परमप्रभु यावे, इं परमप्रभु कली जिम्‍मा गेसय। मुलाक्‍त खोदेंशो पा गोपुकीमी आ फुल्‍लुम मुशा ब्रेक्‍शो लोव़ टिना टिन, आ शेंशो पना पन बाक्‍य” देंमाक्‍त।

२ राजा 12:5

चढ़ेबपुकीमी मेको क्‍येट मुर रे ताक्‍चा माल्‍नीम। मिनु परमप्रभु यावे आ खिं ङा बिग्रेशो मार मार बाक्‍मा, मेको सेल्‍पाइक्‍चा माल्‍नीम” देंमाक्‍त।

१ इतिहास 29:10

मिनु दाऊदमी मुर नेल्‍ल आन ङोंइती परमप्रभु यावे कली “परमप्रभु यावे, आंइ किकी पिपी इस्राएल आ परमप्रभु, गे गेना हना यो ठेयब बाक्‍नीनी।

१ इतिहास 29:17

आं परमप्रभु, गे मुर आन थुं नाक्‍शा कोव़नीनी, दे तुइक्‍नुङ। गे ब्रेम्‍शो थुं पाइश्‍शो मुर तशा ग्‍येरनीनी। गो आं ब्रेम्‍शो थुं दुम्‍तीकेमी ग्‍येरशा एको नेल्‍ल इन कली चढ़ेता। मुल गो एक बाक्‍शो इन मुर आन कली ताता। ग्‍येरशो थुंमी एको नेल्‍ल चढ़ेम्‍तेक्‍म। भजन संग्रह ७:१०

२ इतिहास 17:16

मेको आ नोले ङा जिक्री आ तौ अमासीयाह बाक्‍माक्‍त। मेको परमप्रभु यावे आ गेय पाइब कली कोव़ब यो बाक्‍माक्‍त। मेको लाख निक्‍शी सक्ति पाइश्‍शो लडाइ पाइब आन कप्‍तान बाक्‍माक्‍त।

२ इतिहास 24:10

मिनु ठेयब मुरपुकी नु मुर नेल्‍लेमी ग्‍येरशा, आन गेचा माल्‍शो क्‍येट चाक्‍शा, मेको सन्‍दोस मब्रीम सम्‍म मेकेर कुर पामे बाक्‍त।

२ इतिहास 31:8

मिनु हिज्‍कीयाह नु मेको आ सरकार ङा ठेयब मुर जाक्‍शा, मेको तेल्‍शो थोव़क तशा, परमप्रभु यावे नु आ मुर इस्राएली आन कली “गे रिम्‍शो पाइब बाक्‍नीनी” देंमा बाक्‍त।

एज्रा 1:6

मिनु मेको आन नेक्‍था बाक्‍ब नेल्‍लेमी आन ङोंइती गेशो प्रोंइशा, चांदी के बोस, सुन के थोव़क, अरु थोव़क, बी ब्‍यफ नु शुश क्‍येट लाइब मार मार थोव़क शुश तेम्‍शा गेशा, मेको आन कली वारच पाम्‍तेक्‍म।

भजन संग्रह 110:3

गे लडाइ पनी नाक्‍ती इन मुर आन थुंम ग्‍येरशा इन नोले खोइक्‍नीम। सुनी ङा सीत खोदेंशो पा इन रागी ङा ठिटापुकी खुम्‍सीशा इन नेक्‍था जाक्‍नीम।

प्रस्‍थान 35:29

मोपा इस्राएली नेल्‍लेमी ग्‍येरशा, परमप्रभु यावे कली गेचा कली मारेइ मारेइ चाक्‍तेक्‍म। मीश मुर नु वोंइश मुरुमी मार मार माल्‍बा मेको नेल्‍ल चाक्‍तेक्‍म। परमप्रभु यावेमी मोसा कली अरेशो खोदेंशो पा ताम्‍बु सेल्‍तीक गेय पचा कली मार मार चाक्‍तेक्‍म।

लूका 15:6

मिनु आ वारच आन कली ‘आं जाम्‍शो भेडा थिश्‍शा चाक्‍ता। मोपतीके नेल्‍ल ग्‍येरसय’ देंब।

यूहन्‍ना 15:11

इन कली एको लोव़ मारदे पाता देंशा हना, आं ग्‍येरशो थुं इन थुंमी लील। मिनु इन थुं ग्‍येरसीशा बाक्‍ल, दे एको लोव़ पाता। यूहन्‍ना १७:१३

२ कोरिन्‍थी 8:12

आंम के बाक्‍शो ला गेने जाप्‍ब, आंम के मबाक्‍शो गेने मजाप्‍ब। इन चाप्‍चा ङा पा गेने। हितोपदेस ३:२७-२८; मर्कूस १२:४३

२ कोरिन्‍थी 8:3

सुइमी गेन की गेन मदेंथु, आंमा आन दाक्‍शो पा आन चाप्‍शो क्‍येङा यो शुश गेम्‍तेक्‍म। आन चाप्‍शो क्‍येङा शुश गेशो आं मिक्‍चीमीन ताता।

फिलिप्‍पी 4:1

मोपतीके आं दाक्‍शो लोक्‍बपुकी, प्रभु कली थमा सुइश्‍शा, खोइल थेक्‍शा बाक्‍कीन। गो इन कली दाक्‍शा शुश मिम्‍नुङ। गेपुकीम आं कली ग्‍येरपाइश्‍शा, आं ग्रातीक सिरपेच खोदेंशो दुम्‍तीनी। २कोरिन्‍थी १:१४; १थिस्‍सलोनिकी २:१९-२०

फिलिप्‍पी 4:10

गो प्रभु नु बाक्‍शा शुश ग्‍येरसीनुङ। मारदे हना शुश नाक्‍त नोले गे आं कली लेंशा मिम्‍ताक्‍नी। गेपुकीमी आं कली नेल्‍ल नाक्‍त थमा पा मिम्‍शा बाक्‍तीनी। तन्‍न ङोंइती मारेइ सोइक्‍ने मचाप्‍शो बाक्‍तीनी। मुल चहिं सोइक्‍ताक्‍यीनी।

न्‍यायाधीस 5:9

इस्राएली लडाइ पाइब आन ठेयब मुर दाक्‍नुङ। मारदे हना मेकोपुकी महिंथु, लडाइ पचा कली, दे आंम कली जिम्‍मा गेम्‍तेक्‍म। परमप्रभु यावे ठेयब बाक्‍ब।