१ इतिहास 29:7 - Sunuwar Bible

⁷ मेकोपुकीमी ग्‍येरशा परमप्रभु आ खिं सेल्‍चा कली मार मार गेमे बाक्‍त देंशा हना, ५ हजार टलेन्‍ट सुन, नु सुन के क्‍येट १० हजार दारीके, १० हजार टलेन्‍ट चांदी, १८ हजार टलेन्‍ट कांसा लाख का टलेन्‍ट फलाम गेमे बाक्‍त। दारीके का ८.४ ग्राम सुन के क्‍येट बाक्‍ब।

१ इतिहास 29:7 ပူးပေါင်းရင်းမြစ်များ

१ इतिहास 22:3

दाऊदमी शुश फलाम नु कांसा गेवा बाक्‍त। मेको लाप्‍चो नु लाप्‍चो ङा शी आन कली कांटी नु ग्‍याइक्पाइक्‍तीके सेल्‍चा कली वोइश्‍शो बाक्‍त। मेको नाक्‍ने मचाप्‍चा ङा पा शुश बाक्‍शो बाक्‍त।

एज्रा 2:69

मेकोपुकीमी आन चाप्‍स पा सेल्‍तीक गेय कली ६१ हजार सुन के आदारकोन नु ५ हजार चांदी के मीना नु चढ़ेब आन कली सहे का फेक्‍तीक वा गेम्‍तेक्‍म। आदारकोन का ८.४ ग्राम सुन के क्‍येट बाक्‍ब। चांदी के मीना का ६०० ग्राम खोदेंशो बाक्‍ब।

गन्‍ती 7:85

मेको चांदी के थाल का का पा सहे का ३० शेकेल हेल्‍शो बाक्‍तेक्‍म। मेको चांदी के बोस का का पा ७० शेकेल हेल्‍शो बाक्‍तेक्‍म। मेको चांदी के ग्‍योंब नेल्‍ल नाक्‍शोनु, ग्रुम्‍तीक ताम्‍बु ङा शेकेल खोदेंशो पा हजार निक्‍शी ४ सहे शेकेल हेल्‍शो बाक्‍त।

मत्ती 18:24

मिनु हिसाब ताक्‍गानु, मुर कामी १० हजार टलेन्‍ट शुश जेर थुइश्‍शो बाक्‍माक्‍त। टालेन्ट का ६ हजार द्राक्‍मे कि ३४ किलो खोदेंशो बाक्‍त।