१ इतिहास 29:1 - Sunuwar Bible

¹ मिनु पिप दाऊदमी बुक्‍शा बाक्‍शो मुर नेल्‍ल आन कली “परमप्रभुमी आं तौ सोलोमन का ला योव़तु। मेको मुल सम्‍म ठिटा बाक्‍ब। एको खिं सेल्‍चा चहिं थम ठेयब गेय बाक्‍ब। मारदे हना एको खिं मुर आन कली ममाइ, परमप्रभु, परमप्रभु यावे आ खिं बाक्‍ब। १इतिहास २२:५

१ इतिहास 29:1 ပူးပေါင်းရင်းမြစ်များ

२ सामुएल 3:39

गो तेल लुक्‍शो पिप दुम्‍ती हना यो, मुलाक्‍ती सक्ति मपाइश्‍शो दुम्‍शो बाक्‍नुङ। एको हुश ख्राक्‍श पोक्‍ब सेरूयाह आ तौ गो नु मगारनीम। परमप्रभु यावेमी मरिम्‍शो पाइब आन कली आन पशो क्‍येक्‍क लेप्‍ब” देंमाक्‍त। २सामुएल २:१८

१ राजा 1:20

मिनु मुल आं प्रभु पिप, इन नोले सु पिप दुम्‍बा? मिनु इन नित्‍तीकेम सु निप्‍बा, दे तुइक्‍चा कली इस्राएल ङा मुर नेल्‍लेम इन लां कोव़शो बाक्‍नीम।

१ राजा 3:7

मिनु मुल परमप्रभु यावे, आं परमप्रभु गे इन गेय पाइब, आं कली, आं आफ दाऊद आ पा ङा पिप सेल्‍तीनी। मो हना यो गो आइक्‍च आल का ला बाक्‍नुङ। मिनु गो दोपा लाङगा लचा माल्‍नुङा, दोपा जाक्‍चा माल्‍नुङा, मेको मतुइक्‍नुङ।

१ इतिहास 22:2

मिनु दाऊदमी “इस्राएलम बाक्‍ब अर्को रागी ङा मुर आन कली बुक्‍कीन” दे अरेवा बाक्‍त। मिनु मेको आन कली परमप्रभु आ खिं सेल्‍चा कली फुल्‍लु ख्रोइक्‍तीक गेय गेमी बाक्‍त।

१ इतिहास 22:5

मिनु दाऊदमी “आं तौ सोलोमन मुल सम्‍म आइक्‍च नु मतुइक्‍‍ब बाक्‍ब। परमप्रभु यावे कली सेल्‍शो खिं थम दारशो, रागी नेल्‍लेमी मिम्‍चा ङा पा नु ठेयब दुम्‍चा माल्‍ब। मोपतीके गो मेको सेल्‍चा कली मारेइ मारेइ ठीक पचा माल्‍नुङ” देंमाक्‍त। मिनु दाऊदम आ बेक्‍चा क्‍येङा ङोंइती मार मार शुश तेल्‍मी बाक्‍त। १इतिहास २९:१

१ इतिहास 28:1

मिनु दाऊदमी यरूसलेम सहरम इस्राएली आन ठेयब मुर नेल्‍ले आन कली ग्रुम्‍पदा बाक्‍त। सु सु ग्रुम्‍पदा बाक्‍त देंशा हना, थर थर ङा ठेयब मुर, पिप आ गेय पाइब हुल हुल आन ठेयब मुर, हजार हजार लडाइ पाइब आन कप्‍तानपुकी, सहे सहे लडाइ पाइब आन कप्‍तानपुकी, पिप नु आ तौ आन मार मार नु बी ब्‍यफ कोव़ब आन ठेयब मुरपुकी, दरवारमी गेय पाइब आन ठेयब मुरपुकी, शुश सक्ति पाइश्‍शो लडाइ पाइबपुकी नु अरु महिंब लडाइ पाइब आन कली ग्रुम्‍पदा बाक्‍त।

१ इतिहास 28:10

मुल होस पावो। मारदे हना परमप्रभु यावेमी आंम आ बाक्‍तीक खिं सेल्‍चा कली इ कलीन योव़तु। इ थुं ग्‍येत्‍थ लुक्‍च मपथु, गेय पावो” दे पिप दाऊदमी आ तौ कली मदा बाक्‍त।

१ इतिहास 28:8

मोपतीके गे परमप्रभु यावे आ नेंम ग्रुम्‍शो इस्राएली नेल्‍ल आन ङोंइती नु इं परमप्रभु आ ङोंइती परमप्रभु यावे, इन परमप्रभु आ शेंतीके टिशा बिस्‍सीन। मिनु नोले मेको रिम्‍शो रागी इन के दुम्‍ब नु इन नोले इन आल आन कली गेना हना यो थेरशो रू दुम्‍ब।

१ इतिहास 29:19

आं तौ सोलोमन कली इन शेंतीके, इन देंशो नु फुल्‍लुम मुशा ब्रेक्‍शो लोव़ आ थुं नेल्‍लेमी पपतीन। मेकोमी नेल्‍ल पने चबल। मिनु आं ठीक पा वोइश्‍शो थोव़कमी इन खिं सेल्‍ने चबल” दे दाऊदमी परमप्रभु कली देंमाक्‍त।

२ इतिहास 1:2

मिनु सोलोमनम इस्राएली नेल्‍ल, हजार हजार नु सहे सहे ङा लडाइ पाइब आन कप्‍तान, निसाफ पाइबपुकी, इस्राएली आन ठेयब मुरपुकी नु आन खिं खिं ङा ठेयब मुर नेल्‍ल खुप्‍शा लोव़ पवा बाक्‍‍त।

२ इतिहास 13:7

मिनु शोर गाक्‍शो मुरपुकी मेको नु बाक्‍शा, सोलोमन आ तौ रेहोबाम कली शुक्‍शी पाम्‍तेक्‍म। मेना रेहोबाम आइक्‍च बाक्‍माक्‍त। मोपतीके मारेइ पने मचाप्‍बा बाक्‍त।

हितोपदेस 4:3

गो यो आं आफ नु बाक्‍शो बाक्‍ती। गो आं ममा आ दाक्‍शो तौ बाक्‍ती।

येरमीया 30:18

परमप्रभु यावेमी “गो याकूब आ ताम्‍बु ङा शोंप लेंशा गेनुङ। मिनु मेको आ बाक्‍तीक रागी कली शिशी पाइनुङ। मेको सहर ङा ब्रेश्‍शो नेल्‍ल आ डांडामी लेंशा सेल्‍सीब। मिनु आ दरवार लेंशा ङोंइती ङा आ बाक्‍तीकेमी सेल्‍सीब।