१ इतिहास 28:7 - Sunuwar Bible

⁷ मेकोमी आं शेंशो नु निसाफ पतीक लोव़ टिना टिन बाक्‍ब। मुल खोदेंशो पा रिम्‍शो टिप्‍तु हना, गो मेको आ राज्‍य गेना हना यो बोल्‍यो सेल्‍नुङ’ देंमाक्‍त।

१ इतिहास 28:7 ပူးပေါင်းရင်းမြစ်များ

१ राजा 11:4

मिनु सोलोमन खूशो दुम्‍मेनु, मेको आ मीशपुकीम आ थुं अरु देवी देवता आन गे हिरपदमे बाक्‍त। मिनु मेको आ आफ दाऊद आ थुंम खोदेंशो पा आ थुं नेल्‍लेम परमप्रभु यावे, आ परमप्रभु आ नोले मखोदा बाक्‍त।

१ राजा 3:14

मिनु गे इ आफ दाऊदम खोदेंशो पा, आं लांम गाक्‍ते हना, आं फुल्‍लुम मुशा ब्रेक्‍शो लोव़ नु आं शेंतीके टिप्‍तीवी हना, गो इ कली शुश ब्रोंइचा गेनन” देंमाक्‍त।

१ राजा 8:61

मोपतीके इं थुं नेल्‍लेमी परमप्रभु यावे, इं परमप्रभु कली जिम्‍मा गेसय। मुलाक्‍त खोदेंशो पा गोपुकीमी आ फुल्‍लुम मुशा ब्रेक्‍शो लोव़ टिना टिन, आ शेंशो पना पन बाक्‍य” देंमाक्‍त।

१ इतिहास 22:13

परमप्रभु यावेमी मोसा कली आ फुल्‍लुम मुशा ब्रेक्‍शो लोव़ नु निसाफ पतीक लोव़ इस्राएली आन कली टिशा पचा कली गेशो बाक्‍त। गे मेको नेल्‍ल पाप्‍तीवी हना, इ गेय रिम्‍शो दुम्‍ब। गे बोल्‍यो नु महिंब दुमो। हिंशा इ थुं लुक्‍च लचा मगेवो। १राजा २:२-३

१ इतिहास 28:10

मुल होस पावो। मारदे हना परमप्रभु यावेमी आंम आ बाक्‍तीक खिं सेल्‍चा कली इ कलीन योव़तु। इ थुं ग्‍येत्‍थ लुक्‍च मपथु, गेय पावो” दे पिप दाऊदमी आ तौ कली मदा बाक्‍त।

१ इतिहास 28:8

मोपतीके गे परमप्रभु यावे आ नेंम ग्रुम्‍शो इस्राएली नेल्‍ल आन ङोंइती नु इं परमप्रभु आ ङोंइती परमप्रभु यावे, इन परमप्रभु आ शेंतीके टिशा बिस्‍सीन। मिनु नोले मेको रिम्‍शो रागी इन के दुम्‍ब नु इन नोले इन आल आन कली गेना हना यो थेरशो रू दुम्‍ब।

भजन संग्रह 132:12

मेकोमी “इ तौपुकीमी आं कबल नु आं देंशो पाम्‍तेक्‍म हना, मेको आन तौपुकी यो इ सासन पतीकेम सासन पचा ताइनीम” देंशो बाक्‍त।

दानीएल 2:44

मेको पिप आन पालामी स्‍वर्ग ङा परमप्रभुमी अर्को राज्‍य का सेल्‍ब। मेको राज्‍य गेनायो ब्रोल चिल मदुम्‍ब। मेको राज्‍य ङा मुर खाल का ङा बाक्‍नीम। मेकोमी अरु राज्‍य नेल्‍ल आन कली रोब चिब पा थुम्‍पाइक्‍ब। तन्‍न मेको आ राज्‍य गेना हना यो लीब। दानीएल १४:२७; यसैया ९:६; १कोरिन्‍थी १५:२४; प्रकाश ११:१५