१ इतिहास 28:5 - Sunuwar Bible

⁵ परमप्रभु यावेमी आं कली शुश तौ गेती। परमप्रभु यावेमी आ राज्‍य इस्राएलम पिप दुम्‍चा कली आं तौ सोलोमन कली योव़तु।

१ इतिहास 28:5 ပူးပေါင်းရင်းမြစ်များ

१ राजा 1:13

मुल रीब पा लशा, पिप दाऊद कली ग्रुमीन। मिनु मेको कली ‘आं प्रभु, मार, गे इन वाइलीम नु थमा पा इ तौ सोलोमन आं नोले पिप दुम्‍ब। मिनु मेको आं नित्‍तीकेम निप्‍ब देंशो मननी ङा? मिनु मुल मारदे अदोनीयाह कका पिप दुम्‍मे?’ देनीन। १इतिहास २८:५-१०

१ राजा 1:20

मिनु मुल आं प्रभु पिप, इन नोले सु पिप दुम्‍बा? मिनु इन नित्‍तीकेम सु निप्‍बा, दे तुइक्‍चा कली इस्राएल ङा मुर नेल्‍लेम इन लां कोव़शो बाक्‍नीम।

१ राजा 1:30

ङोंइती गो परमप्रभु यावे, इस्राएली आन परमप्रभु आ नेंमी इ कली ‘इ तौ सोलोमन आं नोले पिप दुम्‍ब। मिनु आं नित्‍तीकेम निश्‍शा, आं पा ङा पिप दुम्‍ब’ देंती। मुलाक्‍त गो मेको कसम जशो खाप्‍नुङ” देंमाक्‍त।

१ राजा 1:35

मिनु मेको आ नोले खोतीन। मेको जाक्‍शा आं नित्‍तीकेम नित्‍चा माल्‍ब। मिनु मेकोम आं पा ङा सासन पचा माल्‍ब। मारदे हना गो मेको कली इस्राएल नु यहूदाम सासन पचा कली योव़ता” देंमाक्‍त।

१ राजा 2:15

मिनु अदोनीयाहम “राज्‍य आं के बाक्‍त। गे मेको तुइक्‍नीनी। मिनु इस्राएली नेल्‍लेम आं कली पिप दुम्‍ब, दे मिम्‍शो बाक्‍तेक्‍म। तन्‍न मारेइ मारेइ दूली दुम्‍त। मुल राज्‍य आं लोक्‍ब के दुम्‍त। मारदे हना परमप्रभु यावे आ दाक्‍शो मेकोन बाक्‍त।

१ राजा 8:20

मुल परमप्रभु यावेमी ‘गो पाइनुङ’ देंशो लोव़ खाप्‍तु। गो आं आफ दाऊद आ पा ङा पिप दुम्‍शो बाक्‍नुङ। मिनु परमप्रभु यावेमी ‘पाइनुङ’ देंशो खोदेंशो पा गो इस्राएल ङा पिप दुम्‍ती। मिनु परमप्रभु यावे, इस्राएली आन परमप्रभु आ नें कली मान पा एको खिं सेल्‍ता।

१ इतिहास 17:14

गो मेको कली आं खिं नु आं राज्‍यम गेना हना यो कली वोइक्‍नुङ। मिनु मेको आ सासन पतीक गेना हना यो महिम्‍सीथु बाक्‍ब’ देंशो लोव़” नाथान कली तुइक्‍पदा बाक्‍त।

१ इतिहास 23:1

मिनु दाऊद खूशो नु शुश बर्स दुम्‍शा, आ तौ सोलोमन कली इस्राएल ङा पिप सेला बाक्‍त। १राजा १:२८-४०

१ इतिहास 29:1

मिनु पिप दाऊदमी बुक्‍शा बाक्‍शो मुर नेल्‍ल आन कली “परमप्रभुमी आं तौ सोलोमन का ला योव़तु। मेको मुल सम्‍म ठिटा बाक्‍ब। एको खिं सेल्‍चा चहिं थम ठेयब गेय बाक्‍ब। मारदे हना एको खिं मुर आन कली ममाइ, परमप्रभु, परमप्रभु यावे आ खिं बाक्‍ब। १इतिहास २२:५

१ इतिहास 29:23

नोले सोलोमन आ आफ दाऊद आ पा ङा परमप्रभु यावे आ नित्‍तीकेमी निश्‍शा, पिप दुम्‍शा, ठेयब दुम्‍माक्‍त। इस्राएली नेल्‍लेमी मेको आ देंशो बिस्‍समा बाक्‍त। १इतिहास २८:५; १राजा १:३४,३५, ३९

१ इतिहास 29:28

मिनु शुश खूशो दुम्‍शा बेक्‍माक्‍त। मेको के शोंप नु मान ततीके शुश बाक्‍माक्‍त। मिनु आ तौ सोलोमन आ नोले पिप दुम्‍माक्‍त। उत्‍पत्ती २५:८; उत्‍पत्ती ३५:२९; २इतिहास २४:१५; अय्‍युब ४२:१७

२ इतिहास 9:8

परमप्रभु यावे, इन परमप्रभु ठेयब बाक्‍ब। इन कली तशा ग्‍येरसीशा आ ठेयब नित्‍तीकेमी इन कली निप्‍पाइश्‍शा, आ पा ङा पिप सेल्‍तु। मारदे हना परमप्रभु यावे, इन परमप्रभुम इस्राएली आन कली दाक्‍शा, गेना हना यो बाक्‍पाइक्‍चा थुं पाप्‍तु। मोपतीके इन कली मेकेर ठीक निसाफ पचा नु ठीक पतीके शेंचा, दे आन पिप सेल्‍तु” देंमाक्‍त। १इतिहास २९:२३

ब्‍यवस्‍था 17:15

परमप्रभु यावे, इन परमप्रभुमी योव़शो मुर कली ला वोइक्‍चा दुम्‍ब। इन लोक्‍ब आन दाते रे योव़शा पिप वोइक्‍चा माल्‍नीनी। अर्को जात ङा मुर पिप सेल्‍चा मदुम्‍ब, इन लोक्‍ब कली ला सेल्‍चा माल्‍ब।