१ इतिहास 28:12 - Sunuwar Bible

¹² दाऊद आ मिम्‍शो नेल्‍ल मेको ब्रेक्‍सम बाक्‍शो बाक्‍त। मेकोमी परमप्रभु यावे आ खिं ङा लाङगा, आ एर ओंथ नेल्‍ल ङा कोठापुकी, परमप्रभु आ खिं ङा मार मार वोइक्‍तीक कोठा नु नेल्‍ल गेशो थोव़क कली वोइक्‍तीक कोठा आ तौ कली गेवा बाक्‍त।

१ इतिहास 28:12 ပူးပေါင်းရင်းမြစ်များ

१ राजा 14:26

मिनु मेकोमी परमप्रभु यावे आ खिं नु पिप आ खिं ङा शुश क्‍येट लाइब मारेइ मारेइ रोइश्‍शा लदा बाक्‍त। मेकोम सोलोमन आ सेल्‍शो सुन के तेक्‍तीक नेल्‍ल योल्‍दा बाक्‍त। १राजा १०:१६

१ राजा 15:15

मेकोमी आं नु आ आफोम चढ़ेशो सुन, चांदी नु अरु मार मार परमप्रभु यावे आ खिंम चाक्‍पाइक्‍मी बाक्‍त।

१ राजा 15:18

मोपतीके आसामी परमप्रभु यावे आ खिं नु दरवार ङा लीशो सुन नु चांदी नेल्‍ल लाइश्‍शा, आ गेय पाइब आन कली गेमी बाक्‍त। पिप आसामी मेको नेल्‍ल आ गेय पाइब आन कली गेशा, पिप ताब्रीमोन आ तौ, अराम ङा हेज्‍योन आ चच, पिप बेन-हादाद आ बाक्‍तीक सोइक्‍ती‍मी बाक्‍त। मेको दमस्‍कस सहरम बाक्‍शो बाक्‍माक्‍त। २राजा १२:१९

१ राजा 7:51

मिनु पिप सोलोमनम परमप्रभु यावे आ खिं ङा गेय नेल्‍ल थुम्‍पदा बाक्‍त। मिनु मेकोमी आ आफ दाऊदमी जिम्‍मा गेशो थोव़कपुकी, सुन, चांदी नु दारपाइक्‍तीक चाक्‍पाइश्‍शा, परमप्रभु यावे आ खिं ङा शोंप वोइक्‍तीकेमी वोइक्‍पाइक्‍मी बाक्‍त।

२ राजा 16:8

मिनु आहाजमी परमप्रभु यावे आ खिंम बाक्‍शो नु पिप आ खिंम बाक्‍शो सुन नु चांदी नेल्‍ल अस्‍सुर ङा पिप कली कोसेली सोइक्‍ता बाक्‍त। १राजा १५:१८

२ राजा 18:15

मिनु हिज्‍कीयाहमी परमप्रभु यावे आ खिं नु पिप आ खिंम थिश्‍शो चांदी नेल्‍ल मेको कली गेवा बाक्‍त। २राजा १६:८

१ इतिहास 26:20

मिनु अरु लेवी आ थर ङा मुर आन गेय मार बाक्‍त देंशा हना, परमप्रभु आ खिं ङा मार मार शोंप वोइक्‍तीके नु मार मार परमप्रभु कली गेशो वोइक्‍तीके कोव़ब अहीयाह बाक्‍माक्‍त।

१ इतिहास 28:11

मिनु नोले दाऊदम आ तौ सोलोमन कली परमप्रभु यावे आ खिं सेल्‍तीक ब्रेक्‍स गेवा बाक्‍त। मेको खिं ङा ब्रेक्‍समी परमप्रभु आ बाक्‍तीक, आ पिंडी, अरु खिं, मार मार वोइक्‍तीक, खिं आ तार ङा कोठापुकी, आगा ङा कोठापुकी नु सन्‍दोस नु आ सुम्‍तीके आ कोठा बाक्‍शो बाक्‍माक्‍त। प्रस्‍थान २५:९

१ इतिहास 28:19

मिनु दाऊदमी “एको नेल्‍ल परमप्रभु यावेमी मार पचा, दोपा सेल्‍चा आं कली शेंताक्‍यी। मोपा गो मेको नेल्‍ल गेय ङा ब्रेक्‍स ब्रेक्‍ताक्‍ङ” दे दाऊदमी देंमाक्‍त।

प्रस्‍थान 25:40

गे मेको नेल्‍ल गो इ कली डांडाम कोंइशो खोदेंशो पा सेल्‍पाइक्‍चा माल्‍नेवे। प्रस्‍थान २५:९; प्रस्‍थान २६:३०; प्रेरित ७:४४; हिब्रू ८:५

प्रस्‍थान 31:2

“नेनो, गो यहूदा आ थर ङा हुर आ चच ऊरी आ तौ बेचालेल आ नें थिशा आं गेय पचा कली योव़ता।

येरमीया 35:2

मार, लोव़ पाप्‍तु देंशा हना “गे रेकाबी आन खिं लशा, मेकोपुकी नु लोव़ पावो। मेको आन कली परमप्रभु यावे आ खिं ङा कोठा कामी ओंइदीमी। मिनु मेको आन कली अङगुर शांबु ख्रेत्‍तीमी” देंत। १इतिहास २:५५

इजीकीएल 40:2

परमप्रभुमी आ कोंइतीकेम आं कली इस्राएल रागी लाइक्‍ती। मिनु आं कली थम ठेयब लाइश्‍शो डांडा काम वोइक्‍ती। मेको आ दक्‍खिन गे सहर का खोदेंशो तांइसीशो बाक्‍त। जकरिया १४:१०

इजीकीएल 40:38

पिंडी आ नेक्‍था लाप्‍चो पाइश्‍शो कोठा का बाक्‍त। मेकेर चोशा चढ़ेतीक ब्‍वाक्‍कुम मुरबाक्‍तेक्‍म।

हिब्रू 8:5

मेकोपुकीमी स्‍वर्ग ङा ताम्‍बु आ वांकुमी गेय पाइनीम। मोसामी ताम्‍बु सेल्‍चा गोवानु “डांडामी बाक्‍ङेनु, इ कली कोंइशो खोदेंशो सेलो” दे परमप्रभु यावे रे माइक्‍चा पुंइसे बाक्‍त। प्रस्‍थान २५:४०; कलस्‍सी २:१७