१ इतिहास 28:1 - Sunuwar Bible

¹ मिनु दाऊदमी यरूसलेम सहरम इस्राएली आन ठेयब मुर नेल्‍ले आन कली ग्रुम्‍पदा बाक्‍त। सु सु ग्रुम्‍पदा बाक्‍त देंशा हना, थर थर ङा ठेयब मुर, पिप आ गेय पाइब हुल हुल आन ठेयब मुर, हजार हजार लडाइ पाइब आन कप्‍तानपुकी, सहे सहे लडाइ पाइब आन कप्‍तानपुकी, पिप नु आ तौ आन मार मार नु बी ब्‍यफ कोव़ब आन ठेयब मुरपुकी, दरवारमी गेय पाइब आन ठेयब मुरपुकी, शुश सक्ति पाइश्‍शो लडाइ पाइबपुकी नु अरु महिंब लडाइ पाइब आन कली ग्रुम्‍पदा बाक्‍त।

१ इतिहास 28:1 ပူးပေါင်းရင်းမြစ်များ

१ इतिहास 22:17

मिनु दाऊदमी इस्राएली आन ठेयब मुर नेल्‍ल आन कली “आं तौ सोलोमन कली वारच पने।

१ इतिहास 23:2

मिनु मेकोमी इस्राएली आन ठेयब मुर नेल्‍ले नु चढ़ेबपुकी नु लेवी आन कली ग्रुम्‍पाइक्‍मी बाक्‍त।

१ इतिहास 29:1

मिनु पिप दाऊदमी बुक्‍शा बाक्‍शो मुर नेल्‍ल आन कली “परमप्रभुमी आं तौ सोलोमन का ला योव़तु। मेको मुल सम्‍म ठिटा बाक्‍ब। एको खिं सेल्‍चा चहिं थम ठेयब गेय बाक्‍ब। मारदे हना एको खिं मुर आन कली ममाइ, परमप्रभु, परमप्रभु यावे आ खिं बाक्‍ब। १इतिहास २२:५

१ इतिहास 29:6

मिनु खिं खिं ङा ठेयब मुरपुकी, इस्राएली आ थर थर ङा ठेयब मुरपुकी, हजार हजार ङा लडाइ पाइब आन कप्‍तानपुकी नु सहे सहे ङा लडाइ पाइब आन कप्‍तानपुकी नु पिप आ गेय पाइब आन कली कोव़ब मुरपुकी हाइश्‍शो दुम्‍शा मार मार गेमी बाक्‍त।

२ इतिहास 1:2

मिनु सोलोमनम इस्राएली नेल्‍ल, हजार हजार नु सहे सहे ङा लडाइ पाइब आन कप्‍तान, निसाफ पाइबपुकी, इस्राएली आन ठेयब मुरपुकी नु आन खिं खिं ङा ठेयब मुर नेल्‍ल खुप्‍शा लोव़ पवा बाक्‍‍त।

यहोसु 23:2

मिनु यहोसुमी इस्राएली नेल्‍ल आन खाल्‍पा, आन ठेयब मुर, आन निसाफ पाइब नु मेको आन सासन पाइब आन कली ब्रेत्‍ताक्‍व। मिनु मेकोमी मेको आन कली “गो मुल खाल्‍पा दुम्‍ती। शुश बर्स यो दुम्‍ती।

यहोसु 24:1

मिनु यहोसुमी इस्राएली आन थर नेल्‍ल कली शेकेममी इस्राएली आन खाल्‍पा, आन ठेयब मुर, आन निसाफ पाइब नु मेको आन सासन पाइब आन कली ब्रेत्‍ताक्‍व। मिनु मेको नेल्‍ल परमप्रभु आ ङोंइती जाक्‍शा बाक्‍तेक्‍म।