१ इतिहास 27:28 - Sunuwar Bible

²⁸ गेदेराह सहर ङा बाल-हनान शेफेलाह ङा दिंममी बाक्‍शो तेल रवा नु फल सिप्‍ब फोव़शी रवापुकी कोव़ब आन ठेयब मुर बाक्‍माक्‍त। योआश चहिं तेल वोइक्‍तीक कली कोव़ब आन ठेयब मुर बाक्‍माक्‍त।

१ इतिहास 27:28 ပူးပေါင်းရင်းမြစ်များ

उत्पत्ती 36:38

मिनु शावल बेक्‍म नोले आकबोर आ तौ बाल-हनान पिप दुम्‍माक्‍त।

१ राजा 10:27

पिपमी यरूसलेमम चांदी फुल्‍लु खोदेंशो पा तेल्‍मी बाक्‍त। मिनु लेबानोन ङा लाइश्‍शो रवा आ शी चहिं शेफेलाह ङा फोव़शी रवा खोदेंशो पा शुश तेल्‍मी बाक्‍त।

१ राजा 20:27

मिनु इस्राएली यो खुम्‍सीशा, जशा तूशा, मेको नु लडाइ पचा कली हुल हुल पा ग्रूमा बाक्‍त। इस्राएलीम अरामी आन ङोंइती गे आन बाक्‍तीक सेल्‍मे बाक्‍त। मेकोपुकी क्‍यारश आन आइक्‍च हुल निक्‍शी खोदेंशो बाक्‍मा बाक्‍त। तन्‍न अरामी चहिं मेको रागी ङा दिंम एर ओंथ नेल्‍ल ब्रीशा बाक्‍मा बाक्‍त।

१ राजा 4:7

सोलोमनम इस्राएल नेल्‍लेम १२ जना सासन पाइब वोइश्‍शो बाक्‍माक्‍त। मेकोपुकीम पिप कली नु पिप आ खिं ङा मुर आन कली जचा थोव़क गारपाइक्‍बाक्‍मा बाक्‍त। मेको नेल्‍लेमी बर्सम महिना का का कली जचा थोव़क चाक्‍तीक गेय पाइक्‍बाक्‍मा बाक्‍त। १सामुएल ८:११-१८

१ इतिहास 27:27

रामाह सहर ङा शिमेइ अङगुर रूपुकी कोव़ब आन ठेयब मुर बाक्‍माक्‍त। शिफ्‍मी आ मुर जब्‍दी चहिं अङगुर शांबु वोइक्‍तीके कोव़ब आन ठेयब मुर बाक्‍माक्‍त।

२ इतिहास 1:15

सोलोमनम सुन नु चांदी यरूसलेमम बाक्‍शो फुल्‍लु खोदेंशो पा शुश तेला बाक्‍त। मिनु लेबानोन ङा लाइश्‍शो रवा आ शी, शेफेलाह ङा फोव़शी रवा खोदेंशो पा शुश तेला बाक्‍त।

लूका 19:4

जक्‍कै अरु आन क्‍येङा आइक्‍च बाक्‍माक्‍त। मिनु शुश मुरुमी लांमी रिम्‍शा फारशो तशा, मेको आन ङोंइती लशा, रवा का ङोइश्‍शा कोव़ङा बाक्‍त।

यहोसु 15:36

शा-आराइम, अदीथैम, गेदेराह नु गेदे-रोथैम बाक्‍नीम। मेको नेल्‍ल पा १४ ओटा सहर नु आन नेक्‍था ङा गाउं नेल्‍ल यो बाक्‍नीम।

यहोसु 15:41

गेदे-रोथ, बेथ-दागोन, नामा नु माकेदा बाक्‍नीम। मेको नेल्‍ल पा १६ ओटा सहर नु आन नेक्‍था ङा गाउं नेल्‍ल यो बाक्‍नीम।