१ इतिहास 26:30 - Sunuwar Bible

³⁰ हेब्रोन आ खिं ङा मुर आन दाते रे हशाब्‍याह नु आ लोक्‍बपुकी हजार का ७ सहे जोक्‍ब तुइक्‍ब मुर यर्दन खोला आ पच्‍छिम गे ङा इस्राएल रागी ङा परमप्रभु यावे आ खिं ङा गेय नु पिप आ गेय आ पर्बम कोव़ब बाक्‍मा बाक्‍त।

१ इतिहास 26:30 ပူးပေါင်းရင်းမြစ်များ

१ इतिहास 23:12

कोहाथ आ तौ अम्राम, इच्‍हार, हेब्रोन नु उज्‍जीएल ४ जना बाक्‍मा बाक्‍त।

१ इतिहास 23:19

हेब्रोन आ तौ येरीयाह ठेयब मुर बाक्‍माक्‍त। मेको आ माइला अमारयाह, आ साइला याहासीएल, नु आ कान्‍छा येकामेआम बाक्‍मा बाक्‍त।

१ इतिहास 27:17

लेवी आ थर ङा केमुएल आ तौ हशाब्‍याह बाक्‍माक्‍त। हारून आ खिं ङा सादोक बाक्‍माक्‍त।

२ इतिहास 19:11

परमप्रभु यावे आ पर्बम तुइक्‍ब नु इन कली वारच पाइब ठेयब चढ़ेब अमारयाह बाक्‍ब। मिनु पिप नु राज्‍य आ पर्बम तुइक्‍ब यहूदा आ थर ङा मुर आन ठेयब मुर इश्‍माएल आ तौ जेबदीयाह इन कली वारच पाइब बाक्‍ब। लेवीपुकीम चहिं इन निसाफ पची ना ब्रेक्‍ब नु मार मार वारच पाइब बाक्‍नीम। महिंथु इन गेय पने। परमप्रभु यावे रिम्‍शो पाइबपुकी नु बाक्‍ल” दे अर्ती गेमी बाक्‍त।

गन्‍ती 3:27

कोहाथ रे पा अम्राम आ खिं ङा मुर, इच्‍हार आ खिं ङा मुर, हेब्रोन आ खिं ङा मुर नु उज्‍जीएल आ खिं ङा मुरपुकी दुम्‍तेक्‍म। मेको कोहाथ आ खिं खिं ङा मुर बाक्‍नीम।